വനിത എസ്​.​െഎയെ അപമാനിക്കാൻ ശ്രമ​ം; പൊലീസുകാരന്​ സ്ഥലംമാറ്റം

തൊടുപുഴ: പട്രോളിങ്ങിനിടെ പൊലീസ്​ ജീപ്പിനുള്ളിൽ വനിത എസ്​.ഐയെ അപമാനിക്കാൻ ശ്രമിച്ച സംഭവത്തിൽ സ്​പെഷൽ ബ്രാഞ്ച്​ അന്വേഷണമാരംഭിച്ചു. ഇടുക്കി എ.ആർ ക്യാമ്പിൽനിന്ന്​ വർക്ക്​ അറേഞ്ച്​മ​െൻറിൽ എത്തിയ പൊലീസുകാരനെതിരെയാണ്​ ആരോപണം. കോവിഡ്​കാല പരിശോധനയുടെ ഭാഗമായാണ്​ വനിത എസ്​.ഐയുടെ നേതൃത്വത്തിൽ പട്രോളിങ്ങിനിറങ്ങിയത്.മരുന്ന്​ കഴിച്ചതി​​െൻറ ക്ഷീണത്തിൽ മയങ്ങിപ്പോയ ഇവരോട്​ ഒപ്പമുണ്ടായിരുന്ന പൊലീസുകാരൻ അപമര്യാദയോടെ പെരുമാറിയതായാണ്​ ആക്ഷേപം. സംഭവത്തിൽ ആരോപണവിധേയനായ പൊലീസുകാരനെ ഇടുക്കി എ.ആർ ക്യാമ്പിലേക്ക്​ സ്ഥലംമാറ്റി​. ഇയാൾക്കെതിരെ നടപടിയുണ്ടാകുമെന്നാണ് സൂചന. 

ഇതുകൂടാതെ ഹൈറേഞ്ചിലെ ഒരു പൊലീസ് സ്​റ്റേഷനിൽ മദ്യപിച്ചെത്തിയ പൊലീസുകാരൻ വനിത പൊലീസ് ഉദ്യോഗസ്ഥയെ അപമാനിക്കാൻ ശ്രമിച്ചെന്ന പരാതിയിലും സ്പെഷൽ ബ്രാഞ്ച് അന്വേഷണം നടക്കുന്നുണ്ട്​. ഇവിടെയും ആരോപണ വിധേയനായ പൊലീസുകാരനെ ജില്ല പൊലീസ്​​ ആസ്ഥാനത്തേക്ക്​ സ്ഥലംമാറ്റിയിരുന്നു​. ഇതുകൂടാതെ കൈക്കൂലി, പണം അപഹരിക്കൽ തുടങ്ങിയ ആരോപണങ്ങളുടെ അടിസ്ഥാനത്തിൽ സ്പെഷൽ ബ്രാഞ്ച് എസ്.ഐയെയും കരിങ്കുന്നം പൊലീസ് സ്​റ്റേഷനിലെ ഗ്രേഡ്​ എസ്​.ഐയെയും കഴിഞ്ഞ ദിവസമാണ്​ സസ്​പെൻഡ്​ ചെയ്​തത്​. 

തൊടുപുഴ മേഖലയിൽ ഒരു പള്ളിയുടെ കാണിക്കവഞ്ചിയിൽനിന്ന്​ പണം തട്ടിയെടുക്കാൻ ശ്രമിച്ചെന്ന ആരോപണത്തിലാണ്​ ​ഗ്രേഡ്​ എസ്​.ഐക്ക്​ സസ്​പെൻഷൻ​. സ്പെഷൽ ബ്രാഞ്ച്​ എസ്.ഐയും മോ​േട്ടാർ വെഹിക്കിൾ ഇൻസ്പെക്ടറും ചേർന്ന്​ മദ്യപസംഘത്തിൽനിന്ന്​ കൈക്കൂലി വാങ്ങിയെന്ന ആരോപണത്തി​​െൻറ അടിസ്ഥാനത്തിലായിരുന്നു എസ്​.ഐയുടെ സസ്​പെൻഷൻ. ലോക്​​ഡൗൺ കാലത്ത്​ തുടച്ചയായി ഉണ്ടാകുന്ന ആരോപണം ജില്ലയിലെ പൊലീസ്​ സേനക്കും നാണക്കേടാണ്​.