Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസ്ഥാനാർഥി പട്ടികയിൽ...

സ്ഥാനാർഥി പട്ടികയിൽ പ്രതിഷേധിച്ചും പരിഹസിച്ചും വനിതാ നേതാക്കൾ; പ്രതിരോധത്തിൽ ബി.ജെ.പിയും കോൺഗ്രസും

text_fields
bookmark_border
SHOBHA SURENDRAN, LATHIKA SUBHASH
cancel

കോഴിക്കോട്​: ​സംസ്ഥാന നിയമസഭാ തെരഞ്ഞെടുപ്പിൽ സ്ഥാനാർഥി പട്ടിക പുറത്തുവരു​േമ്പാൾ പ്രതിഷേധങ്ങളും പരിഭവങ്ങളും പതിവാണ്​. നേതാക്കൻമാരുടെ ആശ്വാസവചനങ്ങളിൽ ആ പ്രതിഷേധങ്ങൾ തണുത്തലിയും​. പട്ടികയിൽ ഇടംകിട്ടാതെ പോയ വനിതാ നേതാക്കളുടെ ഭാഗത്ത്​ നിന്നുള്ള ​പ്രതികരണങ്ങൾ ഇക്കുറി കോൺഗ്രസിനെയും ബി.ജെ.പിയെയും ഞെട്ടിച്ചിരിക്കുകയാണ്​. കേരളം കണ്ടിട്ടില്ലാത്ത തരത്തിലായിരുന്നു പ്രതിഷേധങ്ങൾ. കോൺഗ്രസി​ൽ നിന്ന്​ ലതികാ സുഭാഷാണ് കടുത്ത പ്രതിഷേധവുമായി രംഗത്ത്​ വന്നതെങ്കിൽ, ശോഭാ സുരേന്ദ്രൻ​ ബി.ജെ.പി സംസ്ഥാന ​പ്രസിഡന്‍റ്​ കെ.സുരേന്ദ്രനെ പരസ്യമായി പരിഹസിച്ചു

സ്ഥാനാർഥി പട്ടികയിൽ പേരില്ലെന്നുറപ്പായാതോടെ ലതിക സുഭാഷ്​ മുടി മുണ്ഡനം ചെയ്​താണ്​ പ്രതിഷേധിച്ചത്​. അസാധരണമായ നടപടി കേരളത്തിനിതാദ്യമായിരുന്നു. മഹിളാ കോൺഗ്രസ്​ പ്രസിഡന്‍റ്​ സ്ഥാനം രാജിവെച്ച അവർ മാധ്യമങ്ങൾക്ക്​ മുന്നിൽ കണ്ണീരണിഞ്ഞു.പ്രവർത്തന പാരമ്പര്യവും, നടത്തിയ പോരാട്ടങ്ങളും, നേരിടേണ്ടി വന്ന ആക്ഷേപങ്ങളും അവർ നേതാക്കളെ ഓർമ്മിച്ചു.

മുതിർന്ന ബി.ജെ.പി നേതാക്കളായ​ ഒ. രാജഗോപാലിനോ കുമ്മനം രാജശേഖരനോ ആർക്കും കിട്ടാത്ത വളരെ വലിയ സൗഭാഗ്യമാണ് കെ. സുരേന്ദ്രന് ദേശീയ നേതൃത്വം കനിഞ്ഞ് നൽകിയിരിക്കുന്നത് എന്നായിരുന്നു ശോഭാ സുരേന്ദ്രന്‍റെ പരിഹാസം. രണ്ട് സീറ്റിലും കെ.സ​ുരേന്ദ്രന്​ ശോഭ വിജയാശംസകൾ നേരുകയും ചെയ്തു.

കേന്ദ്ര നേതൃത്വം തന്നോട് മത്സരിക്കാൻ ആവശ്യപ്പെട്ടിരുന്നെന്നും എന്നാൽ പിന്നീട് തൻെറ സ്ഥാനാർത്ഥിത്വത്തിന് എന്താണ് സംഭവിച്ചതെന്ന് അറിയില്ലെന്നും ശോഭ മാധ്യമപ്രവർത്തകരോട് തുറന്ന്​ പറഞ്ഞതോടെ ബി.ജെ.പി സംസ്ഥാന നേതൃത്വത്തിൽ ഇനിയും കലഹം അവസാനിച്ചിട്ടില്ലെന്ന സൂചനയാണ്​ പുറത്ത്​ വരുന്നത്​.

കഴിഞ്ഞ ദിവസം കൊല്ലത്ത്​ സീറ്റ്​ ലഭിക്കി​ല്ലെന്ന സൂചന ലഭിച്ചതോടെ ബിന്ദുകൃഷ്​ണയു​ം മാധ്യമങ്ങൾക്ക്​ മുന്നിൽ കരഞ്ഞിരുന്നു. സീറ്റ്​ ലഭിക്കാത്തതിനെ തുടർന്ന്​ കെ.പി.സി.സി സെക്രട്ടറി രമണി പി. നായരും രാജിവെച്ചു.വനിതാ നേതാക്കളുടെ തുറന്ന പ്രതികരണങ്ങൾ പാർട്ടികളുടെയും തെരഞ്ഞെടുപ്പ്​ ഫലത്തിൽ പ്രതിഫലിക്കുമെന്നാണ്​ ഒരു വിഭാഗം നേതാക്കളുടെ വിലയിരുത്തൽ.

Show Full Article
TAGS:assembly election 2021 Women leader protesting candidate 
News Summary - Women leaders protesting and mocking the candidate list
Next Story