പ്രണയം നടിച്ച് യുവതിയെ തട്ടികൊണ്ടു പോയ പ്രതി പിടിയിൽ 

കണ്ണൂർ: സമൂഹിക മാധ്യമത്തിൽ പ്രണയം നടിച്ച് യുവതിയെ തട്ടികൊണ്ടു പോയ പ്രതി പിടിയിൽ. മാനന്തവാടി പെരിയ സ്വദേശി മുക്കത്ത് ഹൗസിൽ ബെന്നി ബേബി ആണ് പിടിയിലായത്. കൊട്ടാരക്കരയിൽ നിന്നാണ് ഇയാളെ പെരിങ്ങോം പൊലീസ് പിടികൂടിയത്.

സമൂഹിക മാധ്യമത്തിലെ പ്രൊഫൈലിൽ ഒരു എസ്.ഐയുടെ ചിത്രം വെച്ചാണ് ഇയാൾ തട്ടിപ്പ് നടത്തിയിരുന്നത്. സംസ്ഥാനത്തെ വിവിധ സ്റ്റേഷനുകളിൽ ബെന്നി പ്രതിയാണെന്ന് പൊലീസ് കണ്ടെത്തിയിട്ടുണ്ട്. പെരിങ്ങോം സ്വദേശിനിയാണ് ബെന്നിയുടെ തട്ടിപ്പിനിരയായത്.