യുവതീ പ്രവേശനമല്ല ശബരിമലയിെല ഇപ്പോഴത്തെ പ്രശ്നം - ചെന്നിത്തല
text_fields
കൊച്ചി: ശബരിമലയിലെ നിരോധനാജ്ഞ പിൻവലിക്കണെമന്ന് പ്രതിപക്ഷനേതാവ് രമേശ് ചെന്നിത്തല. ക്ഷേത്രത്തെ കലാപ ഭൂമിയാക്കാനാണ് പൊലീസും സർക്കാറും ശ്രമിക്കുന്നത്. ആർ.എസ്.എസിെൻറ ഗുണ്ടകളെ അറസ്റ്റ് ചെയ്യുന്നതിൽ ഞങ്ങൾ എതിരല്ല. ഇവിടെ വരുന്ന സാധാരണക്കാരായ വിശ്വാസികളെ എന്തിനാണ് അറസ്റ്റ് ചെയ്യുന്നത്- അദ്ദേഹം ചോദിച്ചു.
യുവതീ പ്രവേശനമല്ല ശബരിമലയിലെ ഇപ്പോഴത്തെ പ്രശ്നം. അവിടെ ഭക്തർക്ക് അടിസ്ഥാന സൗകര്യങ്ങളൊന്നും ഒരുക്കിയിട്ടില്ല. അതിൽ നിന്ന് ശ്രദ്ധ തിരിക്കാനാണ് നിരോധനാജ്ഞ പ്രഖ്യാപിച്ചത്. നിരോധനാജ്ഞ ലംഘിച്ച് ഞങ്ങൾ അവിടെ പോയി സൗകര്യങ്ങൾ വിലയിരുത്തും- ചെന്നിത്തല പറഞ്ഞു.
യു.ഡി.എഫ് സംഘം പമ്പയിലേക്ക് യാത്ര തുടങ്ങിയിട്ടുണ്ട്. മുന്‍ മുഖ്യമന്ത്രി ഉമ്മന്‍ ചാണ്ടി, യു.ഡി.എഫ് കണ്‍വീനര്‍ ബെന്നി ബഹനാന്‍, നേതാക്കളായ എം.കെ. മുനീര്‍, പി.ജെ. ജോസഫ്, ജോണി നെല്ലൂര്‍, എന്‍.കെ. പ്രേമചന്ദ്രന്‍, സി.പി. ജോണ്‍, ജി. ദേവരാജന്‍ എന്നിവരാണ് സംഘാംഗങ്ങൾ.