സി.പി.എം തരംതാഴ്ത്തിയ നേതാവിനെതിരെ സ്ത്രീ പീഡനക്കേസ്

നീലേശ്വരം: സി.പി.എമ്മിൽ കോളിളക്കം സൃഷ്​ടിച്ച സ്ത്രീ വിഷയവുമായി ബന്ധപ്പെട്ട് തരംതാഴ്ത്തിയ നേതാവിനെതിരെ നീലേശ ്വരം പൊലീസ് കേസെടുത്തു. മുൻ ഏരിയ കമ്മിറ്റി അംഗം പട്ടേനയിലെ സി. സു​രേശനെതിരെയാണ് കേസ്. ഭാര്യ ആതിരയുടെ പരാതിയിലാണ് കേസ് രജിസ്​റ്റർ ചെയ്തത്. ശാരീരികമായും മാനസികമായും പീഡിപ്പിക്കുന്നതായി ആതിര പരാതിയിൽ പറയുന്നു.

നഗരസഭ കുടുംബശ്രീ ഭാരവാഹിയായിരുന്ന ഭർതൃമതിയുടെ അശ്ലീല ചിത്രം സുരേശ​​െൻറ മൊബൈലിൽ കാണാനിടയായ ഭാര്യ ആതിര പിന്നീട് പാർട്ടി നേതൃത്വത്തിന് പരാതി നൽകുകയായിരുന്നു. നീലേശ്വരം ഏരിയ കമ്മിറ്റി യോഗം ചേർന്ന് സുരേശനെ ബ്രാഞ്ച് കമ്മിറ്റിയിലേക്ക് തരംതാഴ്ത്തി.