You are here

മെഡിക്കൽ കോളജ് ആശുപത്രി വളപ്പിൽ യുവതിയുടെ മൃതദേഹം അഴുകിയ നിലയിൽ

21:44 PM
13/07/2019

ഗാന്ധിനഗർ (കോട്ടയം): മെഡിക്കൽ കോളജ് ആശുപത്രി വളപ്പിലെ കുറ്റിക്കാട്ടിൽ അജ്ഞാത യുവതിയുടെ മൃതദേഹം അഴുകിയ നിലയിൽ കണ്ടെത്തി. കാൻസർ വാർഡിന് എതിർവശത്ത് സി.ടി സ്കാൻ സ​​െൻററിനോട് ചേർന്നുള്ള കുറ്റിക്കാട്ടിലാണ് മൃതദേഹം കണ്ടെത്തിയത്​. രണ്ടാഴ്​ച പഴക്കമുള്ള മൃതദേഹം അർധ നഗ്​നമായ നിലയിലാണ്​. പുഴുവും നിറഞ്ഞിരുന്നു.

ശനിയാഴ്ച ഉച്ചക്ക്​ ഒന്നിന്​ കാർബോർഡ്​ പെട്ടികൾക്ക്​ സമീപത്തായാണ്​ മൃതദേഹം കണ്ടത്. ഈ പ്രദേശത്ത് രൂക്ഷമായ ദുർഗന്ധം വ്യാപിച്ചിരുന്നു. ഇതേ തുടർന്ന് കാൻസർ വർഡിലെ കൂട്ടിരിപ്പുകാർ ആശുപത്രിയിൽ മാലിന്യം  ശേഖരിക്കുന്ന കുടുംബശ്രീക്കാരെ വിവരം അറിയിച്ചു. തുടർന്ന് ജീവനക്കാരെത്തി പെട്ടി തുറന്നപ്പോൾ അഴുകിയ മൃതദേഹം കണ്ടെത്തുകയായിരുന്നു. തുടർന്ന്​ ഗാന്ധിനഗർ പൊലീസ്​ സ്​റ്റേഷൻ ഹൗസ്​ ഓഫിസർ അനൂപ് ജോസി​​െൻറ നേതൃത്വത്തിലുള്ള സംഘം സ്​ഥല​െത്തത്തി മൃതദേഹം പുറത്തെടുത്തു.

ഡോഗ് സ്ക്വാഡ് എത്തിയെങ്കിലും മൃതദേഹം അഴുകിയതിനാൽ പരിശോധന നടത്തിയില്ല. പിന്നീട് മെറ്റൽ ഡിറ്റക്ടർ ഉപയോഗിച്ച്​ നടത്തിയ പരിശോധനയിൽ മൃതദേഹം കിടന്ന സമീപത്തുനിന്ന് രണ്ട് ഗോൾഡ് കവറിങ്​ വളയും തലയോട്ടിയുടെ ചില ഭാഗങ്ങളും കണ്ടെത്തി. മരിച്ചത്​ 40 വയസ്സിനുമേലുള്ള യുവതിയാണെന്നാണ്​ പൊലീസി​​​െൻറ പ്രാഥമിക നിഗമനം. തലമുടി പൂർണമായും കൊഴിയുകയും തലയോട്ടിയുടെ വലത് ഭാഗം പൊട്ടുകയും തലയോട്ടിയുടെ കുറച്ച് ഭാഗം നഷ്​ടപ്പെടുകയും ചെയ്തിട്ടുണ്ട്. കൈകാലുകളുടെ മാംസം പൂർണമായി അഴുകിപ്പോയി.  

അടിവസ്​ത്രം മാത്രമാണ് ഉണ്ടായിരുന്നത്. രണ്ടാഴ്ചയിലേറെ പഴകിയതിനെ തുടർന്ന് വസ്​ത്രം മാറിപ്പോയതാകാമെന്നാണ്​ സൂചന. മൃതദേഹത്തിനു സമീപത്തുനിന്ന്​ കുടുംബശ്രീ അംഗങ്ങൾ ധരിക്കുന്ന യൂനിഫോമിനു സമാനമായ സാരിയുടെ അവശിഷ്​ടങ്ങൾ ലഭിച്ചിട്ടുണ്ട്.

മൃതദേഹം കിടന്ന ഭാഗത്ത് പുല്ല് കരിഞ്ഞ നിലയിലാണ്. ഇതോടെ മൃതദേഹം കത്തിക്കരിഞ്ഞതാണെന്ന് അഭ്യൂഹം പടർന്നു. എന്നാൽ, ദിവസങ്ങളോളം മൃതദേഹം പുല്ലിന് മുകളിൽ കിടന്നതിനാൽ ഈ പ്രദേശത്തെ പുല്ല് ഉണങ്ങിയതാകാമെന്നാണു പൊലീസ്​ വാദം. ഇൻക്വസ്​റ്റ് അടക്കം നടപടിക്ക് ശേഷം മൃതദേഹം മെഡിക്കൽ കോളജ് ആശുപത്രി മോർച്ചറിയിലേക്ക്​ മാറ്റി. ഞായറാഴ്​ച നടക്കുന്ന പോസ്​റ്റ്മോർട്ടത്തിനു ശേഷം മാത്രമേ മരണകാരണം വ്യക്തമാവുകയുള്ളൂവെന്ന്​ ജില്ല പൊലീസ് മേധാവി പി.എസ്. സാബു പറഞ്ഞു.

ഇതിനിടെ മരിച്ചത് ആരാണെന്ന്​ കണ്ടെത്താൻ ജില്ലയിലെയും സമീപങ്ങളിലെയും പൊലീസ്​ സ്​റ്റേഷനുകളിൽ കഴിഞ്ഞ രണ്ടാഴ്ചക്കിടെ കാണാതായ യുവതികളുടെ പട്ടിക പൊലീസ്​ ശേഖരിച്ചിട്ടുണ്ട്​. ദുരൂഹതകൾ തള്ളിക്കളയാത്ത പൊലീസ്​ ആത്മഹത്യയടക്കം എല്ലാ സാധ്യതകളും പരിശോധിച്ചുവരുകയാണെന്നും അറിയിച്ചു. 

Loading...
COMMENTS