അടൂരിൽ ക്ഷേത്രക്കുളത്തിൽ സ്ത്രീയുടെ മൃതദേഹം കണ്ടെത്തി

അടൂർ: ക്ഷേത്രക്കുളത്തിൽ മധ്യവയസ്കയുടെ മൃതദേഹം കണ്ടെത്തി. അടൂർ കൊടുമൺ രണ്ടാംകുറ്റി രവിപുരം വീട്ടിൽ രവീന്ദ്രൻ നായരുടെയും സതീദേവിയുടെയും മകൾ രശ്മിയുടെ (44) മൃതദേഹമാണ് കണ്ടെത്തിയത്. ഏഴംകുളം ദേവീക്ഷേത്രക്കുളത്തിൽ ശനിയാഴ്ച ഉച്ചക്ക് ഒന്നരയോടെയാണ് മൃതദേഹം കണ്ടെത്തിയത്.

രതി, രതീഷ് എന്നിവർ മരിച്ച രശ്മിയുടെ സഹോദരങ്ങളാണ്. അടൂർ ഫയർഫോഴ്സ് എത്തിയാണ് മൃതദേഹം പുറത്തെടുത്ത് പൊലീസിന് കൈമാറിയത്.