കുട്ടികളെ കിണറ്റിലിട്ട്​ ആത്മഹത്യക്ക്​ ശ്രമിച്ച കേസ്​: മാതാവിന്​ ഇരട്ട ജീവപര്യന്തം

കണ്ണൂർ: രണ്ട് മക്കളെ കിണറ്റിലിട്ട് കൊലപ്പെടുത്തിയ ശേഷം കിണറ്റിൽ ചാടി ആത്മഹത്യ ചെയ്യാൻ ശ്രമിച്ചു എന്ന കേസിൽ പ്രതിയായ കണ്ണൂർ മയ്യിൽ മണിയൂരിലെ നണിച്ചേരി വീട്ടിൽ പ്രവീൺ കുമാറി​​​െൻറ ഭാര്യ രജനി (37)ക്ക്​​ ഇരട്ട ജീവപര്യന്തം കഠിന തടവും ഒരു ലക്ഷം രൂപ പിഴയും. പിഴ അടച്ചില്ലെങ്കിൽ ഒരു വർഷം അധിക തടവ് അനുഭവിക്കണം. തലശ്ശേരി ഒന്നാം അഡീഷണൽ ജില്ലാ സെഷൻസ് ജഡ്ജ് പി.എൻ. വിനോദ് ആണ്​ ശിക്ഷ വിധിച്ചത്​.
 

2011 ആഗസ്റ്റ് 22 ന്നാണ് കേസിനാസ്പദമായ സംഭവം. മക്കളായ അഭിനവ് (4) അർച്ചിത (ഒന്നര) എന്നിവരെ കിണറ്റിലിട്ട് കൊലപ്പെടുത്തിയ ശേഷം കിണറ്റിൽ ചാടി ആത്മഹത്യക്ക് ശ്രമിച്ചതായാണ് കേസ്.  
പ്രോസിക്യൂഷന് വേണ്ടി ജില്ലാ ഗവ. പ്ലീഡർ അഡ്വ.പി.ബി. ശശീന്ദ്രൻ ഹാജരായി.