നിർബന്ധിച്ച്​ മതം മാറ്റിയിട്ടില്ലെന്ന്​ യുവതി; ഭാര്യയെയും മക​െനയും തട്ടിക്കൊണ്ടുപോയെന്ന ഹരജി ഹൈകോടതി തള്ളി

കൊച്ചി: ഭാര്യയെയും മകനെയും തട്ടിക്കൊണ്ടുപോയി നിർബന്ധിച്ച് മതം മാറ്റിയെന്ന സി.പി.എം ബ്രാഞ്ച്​ കമ്മിറ്റി മുൻ അംഗത്തി​െൻറ ഹരജി ഹൈകോടതി തള്ളി. ഭാര്യ ഷൈനിയെയും 13കാരനായ മകനെയും അയൽക്കാർ തട്ടിക്കൊണ്ടുപോയി കോഴിക്കോട്ടെ തർബിയത്തുൽ ഇസ്​ലാം സഭയിലെത്തിച്ച് മുസ്​ലിമാക്കിയെന്ന കണ്ണൂർ ഇരിട്ടി സ്വദേശിയും മലപ്പുറം തേഞ്ഞിപ്പലത്ത് താമസക്കാരനുമായ പി.ടി. ഗിൽബർട്ടി​െൻറ വാദം ശരിയല്ലെന്ന്​ കണ്ടെത്തിയതിനെത്തുടർന്നാണ്​ ജസ്​റ്റിസ്​ വ​ിനോദ്​ ചന്ദ്രൻ, ജസ്​റ്റിസ്​ സിയാദ്​ റഹ്​മാൻ എന്നിവരടങ്ങുന്ന ഡിവിഷൻ ബെഞ്ച്​ ഹരജി തള്ളിയത്​.

നിർബന്ധിച്ച്​ മതം മാറ്റിച്ചതാണെന്നും വിദേശത്തേക്ക് കടത്തുമെന്നും ഹരജിക്കാരൻ ആശങ്ക പ്രകടിപ്പിച്ചിരുന്നു. ഇരുവ​െരയും നേരിട്ട് ഹാജരാക്കാൻ നേര​േത്ത കോടതി നിർദേശിച്ചിരുന്നു. കോടതിയിലെത്തിയ ഇരുവരോടും പൊലീസി​​െൻറയും അഭിഭാഷകരു​െടയും സാന്നിധ്യമില്ലാതെ നേരിട്ട്​ സംസാരിച്ച ശേഷമാണ്​ ഹരജിക്കാര​െൻറ വാദങ്ങൾ അടിസ്ഥാനരഹിതമാണെന്ന്​ കോടതി കണ്ടെത്തിയത്​.

ഇസ്​ലാം സ്വീകരിച്ചത് സ്വന്തം ഇഷ്​ട​പ്രകാരമാണെന്നും ആരുടെയെങ്കിലും സമ്മർദ​േമാ ഭീഷണിയോ ഉണ്ടായിട്ടില്ലെന്നും യുവതി വ്യക്തമാക്കി. ഒരു മുസ്​ലിമി​െൻറ ഉടമസ്ഥതയി​െല ബേക്കറിയിലെ ജീവനക്കാരിയായ താൻ ഇസ്​ലാമിൽ ആകൃഷ്​ടയായി ആ മതം സ്വീകരിച്ചതാ​ണ്​.

ഹരജിക്കാരൻ തന്നെ സംരക്ഷിക്കുന്നുണ്ടായിരുന്നില്ലെന്നും മകനെ മതം മാറ്റിയിട്ടില്ലെന്നും ചൂണ്ടിക്കാട്ടി. ഭീഷണിയു​ണ്ടായെന്നും നിർബന്ധി​െച്ചന്നുമുള്ള ആരോപണങ്ങൾ കുട്ടിയും നിഷേധിച്ചു. അമ്മയുടെ കൂടെ പോകാന​ുള്ള​ ആഗ്രഹം മകനും മകനൊപ്പം ജീവിക്കാനുള്ള ആഗ്രഹം അമ്മയും അറിയിച്ചു.

ഹരജിക്കാര​െൻറ ഭാര്യയുടെ സഹോദരിയാണ്​ കുട്ടിക്കൊപ്പം വീട്​ വിട്ടതെന്ന്​ അന്വേഷണ ഉദ്യോഗസ്ഥൻ കോടതിയെ അറിയിച്ചു. നിയമപരമായി ഇരുവരും വിവാഹിതരല്ല. ലിവിങ്​ ടുഗദറിലായിരുന്നു. ഇതിനിടെ അസ്വാരസ്യങ്ങളുണ്ടായി ഇരുവരും വേറെ താമസിക്കാൻ തുടങ്ങി.

ഇപ്പോൾ ഇസ്​ലാം സ്വീകരിച്ചശേഷം മതപഠനം നടത്തിവരുകയാണെന്നും അന്വേഷണ ഉദ്യോഗസ്ഥൻ അറിയിച്ചു​. ഇക്കാര്യങ്ങൾ വിലയിരുത്തിയ കോടതി ഹരജി തുടരുന്നതിൽ അർഥമില്ലെന്ന്​ വ്യക്തമാക്കി തള്ളുകയായിരുന്നു.

പുറ​െമനിന്നുള്ള ചിലരു​െടയും മാധ്യമങ്ങളു​െടയും ഇടപെടൽ മൂലം​ മക​െൻറ വിദ്യാഭ്യാസം തടസ്സപ്പെട്ടതായി യുവതി​ അറിയിച്ചതായി കോടതി ഉത്തരവിൽ പറയുന്നു. തീവ്രവാദികളുടെ പിടിയിലാണ്​ അമ്മയും മകനുമെന്ന തരത്തിൽ ചില മാധ്യമങ്ങളിൽ വാർത്ത വന്നിരുന്നു.

യഥാർഥ വസ്​തുതകൾ പരിശോധിക്കാതെ സമുദായസ്​പർധക്ക്​ കാരണമാകുന്ന വിധത്തിൽ നൽകിയ ഇത്തരം വാർത്ത​ കോടതിക്ക്​ ഞെട്ടലുളവാക്കി. സമൂഹം ഇത്തരം രീതികൾ പൊറുക്കില്ല. സ്​ത്രീയുടെ പരാതി ലഭിച്ചാൽ ​അവർക്ക്​ സ്വസ്ഥമായി ജീവിക്കാനാകും വിധം പൊലീസ്​​ നടപടി സ്വീകരിക്കണം.

കുട്ടിയെ താൽക്കാലികമായി വിട്ടുനൽകണമെന്ന്​ ഹരജിക്കാരൻ ആവശ്യമുന്നയിച്ചെങ്കിലും ഇത്തരം പരാതികളുണ്ടെങ്കിൽ ​ഹരജിക്കാരന്​ കുടുംബ കോടതിയെ സമീപിക്കാമെന്ന്​ കോടതി വ്യക്തമാക്കി.