യുവതിയെ പെട്രോൾ ഒഴിച്ച് തീകൊളുത്തി; അയൽവാസി അറസ്റ്റിൽ

നെ​ടു​ങ്ക​ണ്ടം: (ഇ​ടു​ക്കി) തോ​ട്ടം തൊ​​ഴി​ലാ​ളി​യാ​യ യു​വ​തി​യെ ​പെ​ട്രോ​ൾ ഒ​ഴി​ച്ച്​ തീ​കൊ​ളു​ത്തി കൊ​ല്ലാ​ൻ അ​യ​ൽ​വാ​സി​യു​ടെ ശ്ര​മം. പ്ര​തി​യെ പൊ​ലീ​സ്​ പി​ടി​കൂ​ടി. ഉ​ടു​മ്പ​ൻ​ചോ​ല വ​ല്ല​റ​ക്ക​ൻ പാ​റ​ക്ക​ൽ ഷീ​ല​യെ​യാ​ണ് (31) അ​യ​ൽ​വാ​സി​യാ​യ ശ​ശി​കു​മാ​ർ (37) കൊ​ല​പ്പെ​ടു​ത്താ​ൻ ശ്ര​മി​ച്ച​ത്. ഗു​രു​ത​ര​മാ​യി പൊ​ള്ള​ലേ​റ്റ ഷീ​ല​യെ നെ​ടു​ങ്ക​ണ്ട​ത്തെ സ്വ​കാ​ര്യ ആ​ശു​പ​ത്രി​യി​ൽ പ്രാ​ഥ​മി​ക ചി​കി​ത്സ ന​ൽ​കി​യ​ശേ​ഷം ത​മി​ഴ്നാ​ട് തേ​നി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

ശ​ശി​കു​മാ​റി​നും ചെ​റി​യ​തോ​തി​ൽ പൊ​ള്ള​ലേ​റ്റി​ട്ടു​ണ്ട്. വെ​ള്ളി​യാ​ഴ്ച വൈ​കീ​ട്ട്​ 3.30ഓ​ടെ​യാ​ണ് സം​ഭ​വം. ചെ​ല്ല​ക്ക​ണ്ടം പാ​റ​ക്ക​ൽ ഭാ​ഗ​ത്തെ സ്വ​കാ​ര്യ എ​സ്​​റ്റേ​റ്റി​ലെ ഏ​ല​ത്തോ​ട്ട​ത്തി​ൽ മ​റ്റ് തൊ​ഴി​ലാ​ളി​ക​ൾ​ക്കൊ​പ്പം ഷീ​ല ഏ​ലം ശേ​ഖ​രി​ക്കു​ക​യാ​യി​രു​ന്നു. ഈ ​സ​മ​യം ഇ​വി​ടെ വ​ന്ന ശ​ശി​കു​മാ​ർ ഷീ​ല​യോ​ട് സം​സാ​രി​ക്കു​ക​യും പെ​െ​ട്ട​ന്ന് കൈ​യി​ൽ ക​ട​ന്നു​പി​ടി​ച്ച് എ​സ്​​റ്റേ​റ്റ്​ ല​യ​ത്തി​ലേ​ക്ക് വ​ലി​ച്ച് കൊ​ണ്ടു​പോ​കു​ക​യു​മാ​യി​രു​ന്നു​വെ​ന്ന്​ മ​റ്റ് തൊ​ഴി​ലാ​ളി​ക​ൾ പ​റ​ഞ്ഞു. തൊ​ഴി​ലാ​ളി സ്ത്രീ​ക​ൾ ബ​ഹ​ളം വെ​ച്ച​തോ​ടെ ഇ​യാ​ൾ ഷീ​ല​യെ മു​റി​ക്ക​ക​ത്ത് ക​യ​റ്റി ക​ത​ക​ട​ച്ചു. നാ​ട്ടു​കാ​ർ വി​വ​രം അ​റി​യി​ച്ച​തി​നെ​ത്തു​ട​ർ​ന്ന് ഉ​ട​ൻ ഉ​ടു​മ്പ​ൻ​ചോ​ല പൊ​ലീ​സ് സ്ഥ​ല​ത്തെ​ത്തി. അ​പ്പോ​ഴേ​ക്കും ശ​ശി, ഷീ​ല​യു​ടെ ദേ​ഹ​ത്ത് പെ​ട്രോ​ൾ ഒ​ഴി​ച്ച്​ തീ ​കൊ​ളു​ത്തി​ക്ക​ഴി​ഞ്ഞി​രു​ന്നു.

ത​ല​യി​ലും മു​ഖ​ത്തും ശ​രീ​ര​ത്തു​മാ​യി 60 ശ​ത​മാ​ന​ത്തി​ല​ധി​കം പൊ​ള്ള​ലേ​റ്റി​ട്ടു​ണ്ട്. വാ​തി​ൽ ത​ക​ർ​ത്ത് അ​ക​ത്തു​ക​യ​റി​യാ​ണ് പൊ​ലീ​സ് ഇ​വ​രെ ര​ക്ഷ​പ്പെ​ടു​ത്തി​യ​ത്. പ്ര​തി​യെ സം​ഭ​വ സ്ഥ​ല​ത്ത് നി​ന്നു​ത​ന്നെ ക​സ്റ്റ​ഡി​യി​ൽ എ​ടു​ത്തു. വ്യ​ക്തി വൈ​രാ​ഗ്യ​മാ​ണ് ആ​ക്ര​മ​ണ കാ​ര​ണ​മെ​ന്നാ​ണ് പ്രാ​ഥ​മി​ക നി​ഗ​മ​നം. എ​ന്നാ​ൽ, കാ​ര​ണം പ​റ​യാ​ൻ ഇ​യാ​ൾ ത​യാ​റാ​വു​ന്നി​ല്ലെ​ന്ന് പൊ​ലീ​സ് പ​റ​ഞ്ഞു. ഇ​രു​വ​രും ത​മി​ഴ് വം​ശ​ജ​രാ​ണ്. ര​ണ്ടു​പേ​രും വി​വാ​ഹി​ത​രും ര​ണ്ട്​ കു​ട്ടി​ക​ൾ വീ​ത​മു​ള്ള​വ​രു​മാ​ണ്.