കൊച്ചിയിൽനിന്ന്​ ശൈത്യകാല വിമാന സമയക്രമം പ്രഖ്യാപിച്ചു; ആഴ്ചയിൽ 1576 സർവിസ്

നെ​ടു​മ്പാ​ശ്ശേ​രി: കൊ​ച്ചി അ​ന്താ​രാ​ഷ്ട്ര വി​മാ​ന​ത്താ​വ​ള ലി​മി​റ്റ​ഡ് (സി​യാ​ൽ) ശൈ​ത്യ​കാ​ല വി​മാ​ന സ​ർ​വി​സു​ക​ളു​ടെ സ​മ​യ​ക്ര​മം പ്ര​ഖ്യാ​പി​ച്ചു. ഒ​ക്ടോ​ബ​ർ 27 മു​ത​ൽ 2025 മാ​ർ​ച്ച് 29 വ​രെ​യാ​ണ് പ്രാ​ബ​ല്യം. നി​ല​വി​ലെ വേ​ന​ൽ​ക്കാ​ല പ​ട്ടി​ക​യി​ൽ ആ​കെ 1480 സ​ർ​വി​സാ​ണു​ള്ള​ത്. വേ​ന​ൽ​ക്കാ​ല പ​ട്ടി​ക​യി​ൽ 1576 പ്ര​തി​വാ​ര സ​ർ​വി​സു​ക​ളാ​കും.

രാ​ജ്യാ​ന്ത​ര സെ​ക്ട​റി​ൽ 26ഉം ​ആ​ഭ്യ​ന്ത​ര സെ​ക്ട​റി​ൽ ഏ​ഴും എ​യ​ർ​ലൈ​നു​ക​ളാ​ണ് കൊ​ച്ചി​യി​ൽ​നി​ന്ന്​ പ​റ​ക്കു​ന്ന​ത്. രാ​ജ്യാ​ന്ത​ര സെ​ക്ട​റി​ൽ ഏ​റ്റ​വു​മ​ധി​കം പ്ര​തി​വാ​ര സ​ർ​വി​സ്​ അ​ബൂ​ദ​ബി​യി​ലേ​ക്കാ​ണ് -67. ദു​ബൈ​യി​ലേ​ക്ക് 46ഉം ​ദോ​ഹ​യി​ലേ​ക്ക് 31ഉം ​സ​ർ​വി​സാ​ണ് ഇ​വി​ടെ​നി​ന്നു​ള്ള​ത്​. ശൈ​ത്യ​കാ​ല ഷെ​ഡ്യൂ​ൾ പ്ര​കാ​രം യു.​എ.​ഇ​യി​ലേ​ക്കു​ള്ള മൊ​ത്തം പ്ര​തി​വാ​ര സ​ർ​വി​സ്​ 134 ആ​ണ്. അ​ന്താ​രാ​ഷ്ട്ര ല​ക്ഷ്യ​സ്ഥാ​ന​ങ്ങ​ളി​ലേ​ക്ക് ആ​ഴ്ച​യി​ൽ 51 സ​ർ​വി​സ്​ ന​ട​ത്തു​ന്ന എ​യ​ർ ഇ​ന്ത്യ എ​ക്സ്പ്ര​സാ​ണ് പ​ട്ടി​ക​യി​ൽ ഒ​ന്നാ​മ​ത്. ഇ​ത്തി​ഹാ​ദ് -28, എ​യ​ർ അ​റേ​ബ്യ അ​ബൂ​ദ​ബി -28, എ​യ​ർ ഏ​ഷ്യ - എ​ട്ട്, എ​യ​ർ ഇ​ന്ത്യ -17, എ​യ​ർ അ​റേ​ബ്യ, ആ​കാ​ശ, എ​മി​റേ​റ്റ്സ്, ഒ​മാ​ൻ എ​യ​ർ, സിം​ഗ​പ്പൂ​ർ എ​യ​ർ​ലൈ​ൻ​സ് -14 വീ​തം എ​ന്നി​വ​യാ​ണ് മ​റ്റ് പ്ര​മു​ഖ എ​യ​ർ​ലൈ​നു​ക​ൾ.

ആ​ഭ്യ​ന്ത​ര സെ​ക്ട​റി​ൽ ബം​ഗ​ളൂ​രു -112, മും​ബൈ -75, ഡ​ൽ​ഹി -63, ചെ​ന്നൈ -61, ഹൈ​ദ​രാ​ബാ​ദ് -52, അ​ഗ​ത്തി -15, അ​ഹ​മ്മ​ദാ​ബാ​ദി​ലേ​ക്കും കൊ​ൽ​ക്ക​ത്ത​യി​ലേ​ക്കും 14 വീ​തം, പു​ണെ -13, കോ​ഴി​ക്കോ​ട്, ഗോ​വ, ക​ണ്ണൂ​ർ, തി​രു​വ​ന​ന്ത​പു​രം എ​ന്നി​വി​ട​ങ്ങ​ളി​ലേ​ക്ക് ഏ​ഴു​വീ​ത​വും സേ​ല​ത്തേ​ക്ക് അ​ഞ്ച്​ സ​ർ​വി​സു​മാ​ണ് ശൈ​ത്യ​കാ​ല സ​മ​യ​ക്ര​മ​ത്തി​ലു​ള്ള​ത്. അ​ന്താ​രാ​ഷ്ട-​ആ​ഭ്യ​ന്ത​ര മേ​ഖ​ല​ക​ളി​ൽ ആ​ഴ്ച​യി​ൽ 788 പു​റ​പ്പെ​ട​ലു​ക​ളും 788 ആ​ഗ​മ​ന​ങ്ങ​ളു​മാ​ണ് ഉ​ണ്ടാ​വു​ക.