പാലക്കാട്ട് സാമുദായിക വോട്ടുകൾക്ക് ഇളക്കംതട്ടുമോ ?

പാ​ല​ക്കാ​​ട്: പാ​ല​ക്കാ​​ട് മ​ണ്ഡ​ല​ത്തി​ലെ സാ​മു​ദാ​യി​ക വോ​ട്ടു​നി​ല നി​യ​മ​സ​ഭ തെ​ര​ഞ്ഞെ​ടു​പ്പി​നെ എ​ങ്ങ​നെ സ്വാ​ധീ​നി​ക്കു​മെ​ന്ന് കാ​ത്തി​രു​ന്ന് കാ​ണ​ണം. രാ​ഷ്ട്രീ​യ നി​രീ​ക്ഷ​ക​രു​ടെ വി​ല​യി​രു​ത്ത​ൽ പ്ര​കാ​രം മ​ണ്ഡ​ല​ത്തി​ൽ ഏ​ക​ദേ​ശം 65 ശ​ത​മാ​നം ഹൈ​ന്ദ​വ വോ​ട്ട​ർ​മാ​രും 25 ശ​ത​മാ​നം മു​സ്‍ലിം വോ​ട്ട​ർ​മാ​രും 10 ശ​ത​മാ​നം ക്രി​സ്ത്യ​ൻ വോ​ട്ട​ർ​മാ​രും ഉ​ണ്ടെ​ന്നാ​ണ് ക​ണ​ക്ക്. ഹൈ​ന്ദ​വ വോ​ട്ടു​ക​ളി​ൽ ഈ​ഴ​വ, നാ​യ​ർ, പ​ട്ടി​ക​ജാ​തി വി​ഭാ​ഗ​ങ്ങ​ളാ​ണ് നി​ർ​ണാ​യ​കം. ന​ഗ​ര​പ്ര​ദേ​ശ​ങ്ങ​ളി​ൽ നാ​യ​ർ വോ​ട്ടു​ക​ൾ നി​ർ​ണാ​യ​ക സ്വാ​ധീ​നം ചെ​ലു​ത്തു​ന്നു. പ​ര​മ്പ​രാ​ഗ​ത​മാ​യി എ​ൽ.​ഡി.​എ​ഫി​നും ബി.​ജെ.​പി​ക്കും ഇ​ട​യി​ൽ ഈ ​വോ​ട്ടു​ക​ൾ വി​ഭ​ജി​ക്ക​പ്പെ​ടാ​റു​ണ്ട്.

ത​ങ്ങ​ളു​ടെ ഉ​റ​ച്ച വോ​ട്ടു​ക​ൾ​ക്ക് പു​റ​മെ ഈ​ഴ​വ വോ​ട്ടു​ക​ളി​ൽ കൂ​ടി ബി.​ജെ.​പി ല​ക്ഷ്യം വെ​ക്കു​മ്പോ​ൾ മു​​ന്നാ​ക്ക സ​മു​ദാ​യ വോ​ട്ടു​ക​ൾ ത​ങ്ങ​ൾ​ക്ക് അ​നു​കൂ​ല​മാ​വു​മെ​ന്ന് യു.​ഡി.​എ​ഫും ക​ണ​ക്കു​കൂ​ട്ടു​ന്നു. എ​ന്നാ​ൽ, ഹി​ന്ദു​വോ​ട്ടി​ൽ ഇ​ള​ക്കം ത​ട്ടാ​തി​രു​ന്നാ​ൽ എ​ൻ.​എം.​ആ​ർ. റ​സാ​ക്കി​ലൂ​ടെ മു​സ്‍ലിം വോ​ട്ടു​ക​ൾ കൂ​ടി കൂ​ടു​ത​ൽ നേ​ടി മ​ണ്ഡ​ലം പി​ടി​ച്ചെ​ടു​ക്കാ​മെ​ന്ന് ഇ​ട​തു​മു​ന്ന​ണി​യും പ്ര​തീ​ക്ഷി​ക്കു​ന്നു. ഹോ​ട്ട​ൽ വ്യ​വ​സാ​യി എ​ന്ന നി​ല​യി​ൽ വ​യ​നാ​ട് ദു​ര​ന്ത​മ​ട​ക്ക​മു​ള്ള സ​മ​യ​ങ്ങ​ളി​ൽ റ​സാ​ക്ക് ന​ട​ത്തി​യ പ്ര​വ​ർ​ത്ത​ന​ങ്ങ​ളും സം​ഘ​ട​ന സ്വാ​ധീ​ന​വും മു​ത​ൽ​ക്കൂ​ട്ടാ​വു​മെ​ന്നാ​ണ് ഇ​ട​തു​പ​ക്ഷം വി​ചാ​രി​ക്കു​ന്ന​ത്.

ന​ഗ​ര​സ​ഭ​യി​ലെ ചി​ല വാ​ർ​ഡു​ക​ളി​ലും മ​ണ്ഡ​ല​ത്തി​ലെ ഗ്രാ​മീ​ണ മേ​ഖ​ല​ക​ളി​ലും മു​സ്‍ലിം വോ​ട്ടു​ക​ൾ നി​ർ​ണാ​യ​ക​മാ​ണ്. ഇ​ത് പ്ര​ധാ​ന​മാ​യും യു.​ഡി.​എ​ഫി​നും എ​ൽ.​ഡി.​എ​ഫി​നും ഇ​ട​യി​ലാ​ണ് മാ​റി​മ​റി​യാ​റു​ള്ള​ത്. പാ​ല​ക്കാ​ട് ന​ഗ​ര​സ​ഭ പ​രി​ധി​യി​ലെ ഹൈ​ന്ദ​വ വോ​ട്ടു​ക​ൾ, പ്ര​ത്യേ​കി​ച്ച് സ​വ​ർ​ണ വോ​ട്ടു​ക​ൾ ബി.​ജെ.​പി​യു​ടെ ക​രു​ത്താ​ണ്. മെ​ട്രോ​മാ​ൻ ഇ. ​ശ്രീ​ധ​ര​ൻ മ​ത്സ​രി​ച്ച​പ്പോ​ൾ ഈ ​വോ​ട്ടു​ബാ​ങ്കി​ൽ വ​ലി​യ മു​ന്നേ​റ്റ​മു​ണ്ടാ​ക്കാ​ൻ അ​വ​ർ​ക്ക് സാ​ധി​ച്ചു. ന​ഗ​ര​ത്തി​ലെ അ​ഗ്ര​ഹാ​ര​ങ്ങ​ളി​ൽ കേ​ന്ദ്രീ​ക​രി​ച്ചി​രി​ക്കു​ന്ന ത​മി​ഴ് ബ്രാ​ഹ്മ​ണ വോ​ട്ടു​ക​ളും ബി.​ജെ.​പി​ക്ക് വ​ലി​യ തോ​തി​ൽ അ​നു​കൂ​ല​മാ​കാ​റു​ണ്ട്. എ​ന്നാ​ൽ, പി​രാ​യി​രി പ​ഞ്ചാ​യ​ത്തി​ലൂ​ടെ യു.​ഡി.​എ​ഫും മാ​ത്തൂ​ർ, ക​ണ്ണാ​ടി പ​ഞ്ചാ​യ​ത്തു​ക​ളി​ലൂ​ടെ എ​ൽ.​ഡി.​എ​ഫും ഇ​തി​നെ മ​റി​ക​ട​ക്കാ​മെ​ന്ന് പ്ര​തീ​ക്ഷ പു​ല​ർ​ത്തു​ന്നു.