കൂട്ടുകാർ കാവലൊരുക്കി; കാട്ടാനക്ക് നടുറോഡിൽ സുഖപ്രസവം

കേ​ള​കം (ക​ണ്ണൂ​ർ): ബു​ധ​നാ​ഴ്ച രാ​ത്രി ഒ​മ്പ​ത​ര. ആ​റ​ളം ഫാ​മി​ലെ കീ​ഴ്പ്പ​ള്ളി-​പാ​ല​പ്പു​ഴ റോ​ഡി​ന്റെ നി​യ​ന്ത്ര​ണം കാ​ട്ടാ​ന​ക്കൂ​ട്ടം ഏ​റ്റെ​ടു​​ത്തു. ന​ടു​റോ​ഡി​ൽ കോ​ട്ട​കെ​ട്ടി അ​വ​ർ മ​നു​ഷ്യ​രു​ടെ വാ​ഹ​നം ത​ട​ഞ്ഞു. സ​ഹ​ജീ​വി​യു​ടെ പേ​റ്റു​നോ​വ് അ​റി​ഞ്ഞ കാ​ട്ടാ​ന​ക​ളാ​ണ് കാ​ന​ന​പാ​ത​യു​ടെ നി​​യ​ന്ത്ര​ണം പൂ​ർ​ണ​മാ​യി കൈ​യ​ട​ക്കി​യ​ത്.

അ​വ​രു​ടെ കാ​വ​ലി​ന്റെ സു​ര​ക്ഷ​യി​ൽ ആ ​കാ​ട്ടാ​ന​യ​മ്മ അ​ൽ​പ​സ​മ​യ​ത്തി​ന​കം ന​ടു​റോ​ഡി​ൽ കു​ഞ്ഞി​ന് ജ​ന്മം ന​ൽ​കി; സു​ഖ​പ്ര​സ​വം. മു​ഴ​ക്കു​ന്ന് പ​ഞ്ചാ​യ​ത്തി​ലെ പാ​ല​പ്പു​ഴ​യെ​യും ആ​റ​ളം പ​ഞ്ചാ​യ​ത്തി​ലെ കീ​ഴ്പ്പ​ള്ളി​യെ​യും ബ​ന്ധി​പ്പി​ക്കു​ന്ന റോ​ഡി​ലാ​ണ് കാ​ട്ടാ​ന കു​ഞ്ഞി​ന് ജ​ന്മം ന​ൽ​കി​യ​ത്.

ഫാ​മി​ലെ കാ​ർ​ഷി​ക ന​ഴ്‌​സ​റി​ക്ക് സ​മീ​പ​ത്തെ റോ​ഡി​ൽ നാ​ല് കാ​ട്ടാ​ന​ക​ൾ തീ​ർ​ത്ത വ​ല​യ​ത്തി​ന​ക​ത്താ​യി​രു​ന്നു ആ​ന​പ്ര​സ​വം. ആ​ന​ക്കു​ഞ്ഞി​ന് പ​തു​ക്കെ പി​ച്ച​വെ​ച്ച് ആ​റ​ളം ഫാ​മി​ന​ക​ത്തേ​ക്ക് ക​യ​റി​പ്പോ​കാ​ൻ ക​ഴി​യു​​ന്ന​തു​വ​രെ ​കാ​വ​ൽ​ക്കാ​ർ കാ​ത്തു​ത​ന്നെ നി​ന്നു. ഒ​ന്നും ര​ണ്ടു​മ​ല്ല, ആ​റു മ​ണി​ക്കൂ​റോ​ളം. ഇ​തോ​ടെ ഇ​തു​വ​ഴി​യു​ള്ള വാ​ഹ​ന​ഗ​താ​ഗ​തം പൂ​ർ​ണ​മാ​യി ത​ട​സ്സ​പ്പെ​ട്ടു. വി​വ​ര​മ​റി​ഞ്ഞ​തോ​ടെ അ​ധി​കൃ​ത​ർ കീ​ഴ്പ്പ​ള്ളി- പാ​ല​പ്പു​ഴ റോ​ഡി​ൽ ഗ​താ​ഗ​ത നി​യ​ന്ത്ര​ണ​വും ഏ​ർ​പ്പെ​ടു​ത്തി.

വ്യാ​ഴാ​ഴ്ച പു​ല​ർ​ച്ച​യോ​ടെ റോ​ഡി​ൽ​നി​ന്ന് ആ​റ​ളം ഫാ​മി​ന​ക​ത്തെ സു​ര​ക്ഷി​ത​യി​ട​ത്തി​ലേ​ക്ക് അ​മ്മ​യും കു​ഞ്ഞും മാ​റി. ഇ​വ​ക്ക് സു​ര​ക്ഷ​യൊ​രു​ക്കി ആ​ന​ക​ൾ സ​മീ​പ​ത്തു​ത​ന്നെ നി​ല​യു​റ​പ്പി​ച്ചി​ട്ടു​ണ്ടെ​ന്നും കു​ട്ടി​യാ​ന​ക്ക് ന​ന്നാ​യി ന​ട​ന്നു​പോ​കാ​വു​ന്ന സാ​ഹ​ച​ര്യം ഉ​ണ്ടാ​കു​ന്ന​തു​വ​രെ ഇ​വ ഈ ​സു​ര​ക്ഷി​ത കേ​ന്ദ്ര​ത്തി​ൽ​ത​ന്നെ തു​ട​രു​മെ​ന്നും ഇ​വ​യെ നി​രീ​ക്ഷി​ക്കു​മെ​ന്നും വ​നം വ​കു​പ്പ് അ​ധി​കൃ​ത​ർ പ​റ​ഞ്ഞു. പ്ര​ദേ​ശ​വാ​സി​ക​ൾ​ക്ക് അ​പ​ക​ടം വ​രു​ത്താ​തി​രി​ക്കാ​നും ആ​ന സു​ര​ക്ഷി​ത​മാ​യി മാ​റു​ന്നു​ണ്ടെ​ന്ന് ഉ​റ​പ്പാ​ക്കാ​നും സ്ഥ​ല​ത്ത് വ​നം​വ​കു​പ്പ് പ്ര​ത്യേ​ക നി​രീ​ക്ഷ​ണം ഏ​ർ​പ്പെ​ടു​ത്തി. ആ​റ​ളം ഫാം ​കാ​ർ​ഷി​ക​മേ​ഖ​ല​യി​ൽ അ​റു​പ​തോ​ളം കാ​ട്ടാ​ന​ക​ൾ ഉ​ണ്ടെ​ന്നാ​ണ് തൊ​ഴി​ലാ​ളി​ക​ൾ പ​റ​യു​ന്ന​ത്.