കാട്ടാന ആക്രമണം: നഷ്ടപരിഹാരം കാത്ത് ഡൊമിനിക്കിനിത് രണ്ടുവർഷം

ഇ​രി​ട്ടി: 2022 മേയ് 27ന് ​കാ​ട്ടാ​ന​യു​ടെ കാ​ലി​ന് കീ​ഴി​ൽ​നി​ന്ന് അ​ത്ഭു​ത​ക​ര​മാ​യി ജീ​വി​തം തി​രി​ച്ചു​കി​ട്ടി​യ അ​യ്യ​ൻ​കു​ന്ന് പ​ഞ്ചാ​യ​ത്തി​ലെ ക​ച്ചേ​രി​ക്ക​ട​വ് മു​ടി​ക്ക​യം സ്വ​ദേ​ശി ഡൊ​മി​നി​ക് വെ​ട്ടി​ക്കാ​ട്ടി​ലി​ന്റെ ക​ണ്ണു​ക​ളി​ൽ ആ ​ദി​വ​സ​ത്തി​ന്റെ പേ​ടി​പ്പെ​ടു​ത്തു​ന്ന ഓ​ർ​മ ക​ണ്മു​ന്നി​ൽ ഇ​ന്നും തെ​ളി​യു​ക​യാ​ണ്. കാ​ട്ടാ​ന​യു​ടെ ആ​ക്ര​മ​ണ​ത്തി​ൽ​നി​ന്ന് പ​രി​ക്കു​ക​ളോ​ടെ അ​ത്ഭു​ത​ക​ര​മാ​യി ര​ക്ഷ​പ്പെട്ട് ര​ണ്ട് വ​ർ​ഷ​ത്തോ​ട് അ​ടു​ക്കു​മ്പോ​ഴും ചി​കി​ത്സ​ക്കാ​യും തു​ട​ർ ചി​കി​ത്സ​ക്കു​മാ​യി ചെല​വാ​യ ര​ണ്ട് ല​ക്ഷം രൂ​പ​യി​ൽ ഒ​രു രൂ​പപോ​ലും ന​ഷ്ട​പ​രി​ഹാ​രം ല​ഭി​ക്കാ​തെ അ​പേ​ക്ഷ ഫ​യ​ൽ ഇ​ന്നും ഡി.​എ​ഫ്.​ഒ​യു​ടെ ഓ​ഫി​സി​ൽ കെ​ട്ടി​ക്കി​ട​ക്കു​ക​യാ​ണ്. അ​പ​ക​ട​ത്തി​ന് ശേ​ഷം ഒ​ന്ന​ര ആ​ഴ്ച​യോ​ളം ക​ണ്ണൂ​രി​ലെ സ്വ​കാ​ര്യ ആ​ശു​പ​ത്രി​യി​ലാ​യിരു​ന്നു ചി​കി​ത്സ.

അ​പ​ക​ട​ത്തി​ൽ വാ​രി​യെ​ല്ലു​ക​ൾ​ക്ക് പൊ​ട്ട​ൽ സം​ഭ​വി​ക്കു​ക​യും ന​ട്ടെ​ല്ലി​നും കാ​ലി​നും ഗു​രു​ത​ര പ​രി​ക്കേ​ൽ​ക്കു​ക​യും ചെ​യ്തി​രു​ന്നു. ന​ഷ്ട​പ​രി​ഹാ​ര​ത്തി​നാ​യി നി​ര​വ​ധി​ത​വ​ണ ഉ​ദ്യോ​ഗ​സ്ഥ​രെ ബ​ന്ധ​പ്പെ​ട്ടെ​ങ്കി​ലും പ​ണം ല​ഭി​ക്കാ​തെ വ​ന്ന​പ്പോ​ൾ ന​വ​കേ​ര​ള സ​ദ​സ്സി​ൽ പ​രാ​തി ന​ൽ​കി. തു​ക ല​ഭ്യ​മാ​കു​ന്ന മു​റ​ക്ക് അ​ക്കൗ​ണ്ടി​ൽ നി​ക്ഷേ​പി​ക്കു​മെ​ന്ന മ​റു​പ​ടി​യാ​ണ് വ​നം വ​കു​പ്പി​ൽ​നി​ന്ന് ല​ഭി​ച്ച​ത്.

അ​പ​ക​ട​ത്തെ​ക്കു​റി​ച്ച് ഡൊ​മി​നി​ക്കി​ന്റെ വാ​ക്കു​ക​ൾ ഇ​ങ്ങ​നെ​യാ​ണ്: വൈ​കീ​ട്ട് നാ​ലു മ​ണി​യോ​ടെ​യാ​ണ് ഡൊ​മി​നി​ക്ക് ബാ​രാ​പ്പോ​ൾ പു​ഴ​യോ​ട് ചേ​ർ​ന്നു​ള്ള കൃ​ഷി​യി​ട​ത്തി​ലേ​ക്ക് പോ​കു​ന്ന​ത്. സ​മീ​പ​ത്തെ പ​റ​മ്പി​ലെ കൊ​ക്കോ തോ​ട്ട​ത്തി​ൽ ആ​ന നി​ൽ​ക്കു​ന്ന​ത് അ​റി​ഞ്ഞി​രു​ന്നി​ല്ല. മ​ഴ പെ​യ്ത​തു​കൊ​ണ്ട് ആ​ന​യു​ടെ മ​ണ​വും തി​രി​ച്ച​റി​യാ​ൻ ക​ഴി​ഞ്ഞി​ല്ല. ചി​ന്നം വി​ളി​ച്ച് പാ​ഞ്ഞ​ടു​ത്ത ആ​ന​യെ​ക്ക​ണ്ട് തി​രി​ഞ്ഞോ​ടി​യെ​ങ്കി​ലും ച​ളി​യി​ൽ വീ​ണു​പോ​യ​താ​യി ഡൊ​മി​നി​ക്ക് ഓ​ർ​ക്കു​ന്നു. പി​ന്നീ​ട​് ന​ട​ന്ന സം​ഭ​വ​ങ്ങ​ൾ തി​ക​ച്ചും നാ​ട​കീ​യ​മാ​യി​രു​ന്നു. നി​ല​ത്ത് വീ​ണു​കി​ട​ന്ന ഡൊ​മി​നി​ക്കി​നെ 50 മീ​റ്റ​റോ​ളം ആ​ന ച​ളി​യി​ലൂ​ടെ കൊ​മ്പി​ൽ കോ​ർ​ത്ത് ത​ള്ളി​ക്കൊ​ണ്ടു​പോ​യി.

ച​വി​ട്ടി​ക്കൊ​ല്ലാ​നാ​യി കാ​ലു​യ​ർ​ത്തി​യ ആ​ന​ക്ക് മു​ന്നി​ൽ, മ​ര​ണം​മു​ന്നി​ൽ ക​ണ്ട് ത​ന്റെ ര​ണ്ട് കൈ​കൊ​ണ്ടും ക​ണ്ണു​ക​ൾ പൊ​ത്തി​ക്കി​ട​ന്ന നി​മി​ഷം ഇ​പ്പോ​ഴും പേ​ടി​പ്പെ​ടു​ത്തു​ന്നു. പി​ന്നീ​ട് എ​ന്താ​ണ് സം​ഭ​വി​ച്ച​തെ​ന്ന് ഡൊ​മ​നി​ക്കി​നെ​ന്ന​ല്ല ആ​ർ​ക്കും അ​റി​യി​ല്ല. കൊ​ല്ലാ​ൻ ക​ലി​പൂ​ണ്ട്‌ കാ​ലു​യ​ർ​ത്തി​നി​ന്ന ആ​ന ചി​ന്നം​വി​ളി​ച്ച് തി​രി​ഞ്ഞോ​ടി​യെ​ന്നാ​ണ് ഡൊ​മി​നി​ക്ക് പ​റ​യു​ന്ന​ത്.

ഫോ​ൺ ന​ഷ്ട​പ്പെ​ട്ട​തു​കൊ​ണ്ട് ഒ​രു​വി​ധം എ​ണീ​റ്റ് ന​ട​ന്ന് വീ​ട്ടി​ലെ​ത്തി​യെ​ങ്കി​ലും വീ​ണു​പോ​യ ഡൊ​മി​നി​ക്ക് ഒ​ന്ന​ര ആ​ഴ്ച​യോ​ളം ക​ണ്ണൂ​രി​ലെ ആ​ശു​പ​ത്രി​യി​ലാ​യി​രു​ന്നു. ജീ​വ​ൻ തി​രി​ച്ചു കി​ട്ടി​യെ​ങ്കി​ലും കാ​ര്യ​മാ​യ ജോ​ലി​ക​ളൊ​ന്നും ചെ​യ്യാ​ൻ ക​ഴി​യാ​ത്ത 59 കാ​ര​നാ​യ ഡൊ​മി​നി​ക്ക്, ചി​കി​ത്സ​ക്ക് ചെല​വാ​യ തു​ക എ​ന്ന് ല​ഭി​ക്കു​മെ​ന്ന​റി​യാ​തെ കാ​ത്തി​രി​ക്കു​ക​യാ​ണ്.