കു​ടും​ബ​നാ​ഥ​നെ ആ​ന ച​വി​ട്ടി​ക്കൊ​ന്നു, കു​ടും​ബം നീ​തി​ക്കാ​യി കേ​ഴു​ന്നു

ഇ​രി​ട്ടി: ര​ണ്ട് വ​ർ​ഷം മു​മ്പ് ഭാ​ര്യ​യു​മൊ​ത്ത് ബു​ള്ള​റ്റ് ബൈ​ക്കി​ൽ പ​ള്ളി​യി​ലേ​ക്ക് പോ​യ​താ​യി​രു​ന്നു പായംപണയിലെ മേലേ വെരിങ്കരി ചെങ്ങഴശ്ശേരി​ ജ​സ്റ്റി​ൻ എ​ന്ന 38കാ​ര​ൻ. പെരിങ്കരി റോഡിൽ അ​പ്ര​തീ​ക്ഷി​ത​മാ​യി ഓ​ടി​യ​ടു​ത്ത കൊ​മ്പ​നാ​ന അ​ന്ന് ജ​സ്റ്റി​ന്റെ ജീ​വ​നെ​ടു​ത്ത​പ്പോ​ൾ ത​നി​ച്ചാ​യി​പ്പോ​യ​ത് ഒ​രു കു​ടും​ബ​മാ​ണ്. എ​ന്നാ​ൽ, അ​വ​രെ കൈ​പി​ടി​ച്ചു​യ​ർ​ത്താ​ൻ ര​ണ്ട് വ​ർ​ഷം ക​ഴി​ഞ്ഞി​ട്ടും അ​ധി​കൃ​ത​രാ​രും രം​ഗ​ത്ത് വ​ന്നി​ല്ല.

ജ​സ്റ്റി​നൊ​പ്പം ബു​ള്ള​റ്റ് ബൈ​ക്കി​ൽ യാ​ത്ര​ചെ​യ്തി​രു​ന്ന ഭാ​ര്യ അ​ൽ​ഫോ​ൻ​സ​ക്കും അ​ന്ന് ആ​ന​യു​ടെ ആ​ക്ര​മ​ണ​ത്തി​ൽ ഗു​രു​ത​ര പ​രി​ക്കേ​റ്റി​രു​ന്നു. ത​ല​നാ​രി​ഴ വ്യ​ത്യാ​സ​ത്തി​ൽ ര​ക്ഷ​പ്പെ​ട്ട അ​ൽ​ഫോ​ൻ​സ​ക്ക് അ​ന്ന് വാ​ഗ്‌​ദാ​നം ന​ൽ​കി​യ ജോ​ലി ല​ഭി​ക്കാ​ൻ മു​ട്ടാ​ത്ത വാ​തി​ലു​ക​ളി​ല്ല. എ​ല്ലാ​യി​ട​ത്തും ഹ​ര​ജി​ക​ൾ ന​ൽ​കി​യി​ട്ടും വി​ധ​വ എ​ന്ന പ​രി​ഗ​ണ​ന പോ​ലും ല​ഭി​ച്ചി​ല്ല. അ​ൽ​ഫോ​ൻ​സ ഇ​ന്ന് ഉ​ളി​ക്ക​ല്ലി​ലെ ചി​ട്ടി​ക്ക​മ്പനി​യി​ൽ തു​ച്ഛ​മാ​യ ശ​മ്പ​ള​ത്തി​ൽ ജോ​ലി ചെ​യ്യു​ക​യാ​ണ്.

ജ​സ്റ്റി​ൻ മ​രി​ക്കു​മ്പോ​ൾ മൂ​ത്ത​മ​ക​ൻ ജു​വാ​ന് ഏ​ഴും ജു​വ​ൽ ട്രീ​സ​ക്ക് മൂ​ന്ന് വ​യ​സ്സും മാ​ത്ര​മാ​യി​രു​ന്നു പ്രാ​യം. ആ​ന​യു​ടെ ആ​ക്ര​മ​ണ​ത്തി​ൽ ഗു​രു​ത​ര​മാ​യി പ​രി​ക്കേ​റ്റ അ​ൽ​ഫോ​ൻ​സ​ക്ക് ചി​കി​ത്സ ഇ​ന​ത്തി​ൽ മൂ​ന്ന​ര ല​ക്ഷം ചെല​വാ​യി​ട്ടും ചി​കി​ത്സ സ​ഹാ​യ ഇ​ന​ത്തി​ൽ വ​നം വ​കു​പ്പ് ന​ൽ​കി​യ​ത് ഒ​രു ല​ക്ഷം രൂ​പ മാ​ത്ര​മാ​യി​രു​ന്നു.

കൂ​ടു​ത​ൽ ന​ൽ​കാ​ൻ വ​കു​പ്പി​ല്ലെ​ന്നാ​ണ് അ​ധി​കാ​രി​ക​ളു​ടെ മ​റു​പ​ടി​യെ​ന്ന് അ​ൽ​ഫോ​ൻ​സ പ​റ​യു​ന്നു. നേ​ഴ്സ് ആ​യ അ​ൽ​ഫോ​ൻ​സ​ക്ക് ജോ​ലി ന​ൽ​കു​മെ​ന്ന് സ്ഥ​ലം സ​ന്ദ​ർ​ശി​ച്ച പ്ര​മു​ഖ​ർ പ​ല​രും വാ​ഗ്ദാ​നം ന​ൽ​കി​യി​രു​ന്നു​വെ​ങ്കി​ലും ​ഒ​ന്നും ന​ട​പ്പാ​യി​ല്ല. വ​ന്യ മൃ​ഗ​ങ്ങ​ൾ കൊ​ല്ലു​ന്ന​വ​രു​ടെ ആ​ശ്രി​ത​ർ​ക്ക് ജോ​ലി ന​ല്കാ​ൻ വ​നം വ​കു​പ്പി​ൽ ച​ട്ട​ങ്ങ​ൾ ഇ​ല്ലെ​ന്നാ​ണ് വ​നം വ​കു​പ്പി​ന്റെ നി​ല​പാ​ട്. ക​ർ​ണാ​ട​ക​യു​ടെ ബ്ര​ഹ്മ​ഗി​രി വ​ന്യ ജീ​വി കേ​ന്ദ്ര​ത്തി​ൽ നി​ന്നും ഇ​റ​ങ്ങി​യ ഒ​ന്ന​ര​ക്കൊ​മ്പ​നാ​ണ് ജ​സ്റ്റി​ന്റെ ജീ​വ​നെ​ടു​ത്ത​ത്.