കാട്ടുപന്നിയെ വേ​ട്ട​യാടൽ: പ്രസംഗം ദുർവ്യാഖ്യാനം ചെയ്തെന്ന് വെച്ചൂച്ചിറ ഗ്രാമപഞ്ചായത്ത് പ്രസിഡന്‍റ്

റാ​ന്നി: കാട്ടുപന്നി ശല്യത്തിൽ നിന്ന് കർഷകരെ രക്ഷിക്കുന്നത് സംബന്ധിച്ച് വെച്ചൂച്ചിറ ഗ്രാമപഞ്ചായത്ത് പ്രസിഡൻ്റ് ടി.കെ. ജെയിംസ് ഒരു പരിപാടിയിൽ നടത്തിയ പ്രസംഗം ദുർവ്യാഖ്യാനം ചെയ്ത് പ്രചരിപ്പിക്കുന്നതായി പരാതി. ഇത് സംബന്ധിച്ച് പത്രങ്ങളിൽ വന്ന വാർത്ത തെറ്റിദ്ധരിപ്പിച്ച് പ്രചരിപ്പിക്കുന്നതായി ടി.കെ. ജയിംസ് പറഞ്ഞു. വ്യവസ്ഥാപിത മാർഗത്തിൽ കർഷകർക്ക് അനുമതി നൽകാൻ പറ്റുമെങ്കിൽ നൽകുമെന്നും അങ്ങനെയെങ്കിൽ ഷൂട്ടർമാർക്ക് നൽകുന്ന പോലെ പ്രതിഫലം നൽകാമെന്നുമാണ് താൻ ഉദ്ദേശിച്ചതെന്നും ടി.കെ. ജയിംസ് മാധ്യമത്തോട് വ്യക്തമാക്കി.

കൃ​ഷി ന​ശി​പ്പി​ക്കു​ന്ന കാ​ട്ടു​പ​ന്നി​ക​ളെ സ്വ​ന്തം നി​ല​യി​ൽ വേ​ട്ട​യാ​ട​ണ​മെ​ന്ന് വെ​ച്ചൂ​ച്ചി​റ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് ടി.​കെ. ജ​യിം​സ് ക​ർ​ഷ​ക​രോ​ട് ആ​വ​ശ്യ​പ്പെ​ട്ട തരത്തിലാണ് മാധ്യമങ്ങളിൽ വാർത്ത പ്രചരിച്ചത്. പ​ഞ്ചാ​യ​ത്തീ​രാ​ജ് ച​ട്ട പ്ര​കാ​ര​വും ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റി​ന്‍റെ സ​വി​ശേ​ഷ അ​ധി​കാ​ര പ്ര​കാ​രം ചീ​ഫ് വൈ​ൽ​ഡ് വാ​ർ​ഡൻ അ​ധി​കാ​ര പ​ദ​വി​വെ​ച്ചാ​ണ് വ്യ​വ​സ്ഥാ​പി​ത മാ​ർ​ഗ​ത്തി​ലൂ​ടെ കാ​ട്ടു​പ​ന്നി​ക​ളെ കൊ​ന്നൊ​ടു​ക്ക​ണ​മെ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ്​ ആ​വ​ശ്യ​പ്പെ​ട്ട​ത്. പ​ന്നി​ക​ളെ വേ​ട്ട​യാ​ടാ​ൻ സ്വ​ന്ത​മാ​യി തോ​ക്ക് ഇ​ല്ലാ​ത്ത ക​ർ​ഷ​ക​ന് അ​വ​ന് അ​റി​യാ​വു​ന്ന മാ​ർ​ഗം സ്വീ​ക​രി​ച്ച് പ​ന്നി​ക​ളെ വേ​ട്ട​യാ​ടാ​മെ​ന്നും വേ​ട്ട​യാ​ടി​യാ​ൽ ഗ്രാ​മ​പ​ഞ്ചാ​യ​ത്തി​നെ അ​റി​യി​ക്ക​ണ​മെ​ന്നും വേ​ട്ട​യാ​ടു​ന്ന ക​ർ​ഷ​ക​ന് 1000 രൂ​പ​യും കു​ഴി​ച്ചി​ടു​ന്ന ആ​ൾ​ക്ക് 500 രൂ​പ​യും ന​ൽ​കു​മെ​ന്ന് പ്ര​സി​ഡ​ന്‍റ്​ പ​റ​ഞ്ഞു.

മു​ൻ​കൂ​ർ അ​നു​മ​തി ന​ല്‍കാ​ൻ വെ​ള്ള പേ​പ്പ​റി​ൽ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റി​ന് അ​പേ​ക്ഷ ന​ല്‍ക​ണ​മെ​ന്നും അ​പേ​ക്ഷ ന​ല്‍കു​ന്ന​വ​ർ​ക്ക് ഉ​ട​ൻ വേ​ട്ട​യാ​ടാ​നു​ള്ള ഉ​ത്ത​ര​വ്​ ന​ല്‍കു​മെ​ന്നും പ്ര​സി​ഡ​ന്‍റ്​ പ​റ​ഞ്ഞു. തോ​ക്ക് ലൈ​സ​ൻ​സു​ള്ള എ​ട്ടു​പേ​ർ​ക്ക് ക​ർ​ഷ​ക​രു​ടെ കൃ​ഷി ഭൂ​മി​യി​ൽ പ്ര​വേ​ശി​പ്പി​ച്ച് കാ​ട്ടു​പ​ന്നി​ക​ളെ വെ​ടി​വെ​ച്ചു കൊ​ല്ലാ​ൻ അ​നു​മ​തി ന​ല്‍കി​യി​ട്ടു​ണ്ട്. ഗ്രാ​മ പ​ഞ്ചാ​യ​ത്തി​ൽ ആ​ർ​ക്കും തോ​ക്ക് സ്വ​ന്ത​മാ​യി​ല്ല. അ​തി​നാ​ൽ പ​ഞ്ചാ​യ​ത്തി​ന് വെ​ളി​യി​ൽ ഉ​ള്ള​വ​ർ​ക്കാ​ണ് അ​നു​മ​തി ന​ല്‍കി​യി​ട്ടു​ള്ള​തെന്നും പ്രസിഡന്‍റ് ചൂണ്ടിക്കാട്ടി.