വ​ന്യ​ജീ​വി ആ​ക്ര​മ​ണ​ം: ന​ഷ്​​ട​പ​രി​ഹാ​രം ഇ​ര​ട്ടി​യാ​ക്കി

പു​ന​ലൂ​ർ: വ​ന്യ​ജീ​വി ആ​ക്ര​മ​ണ​ത്തി​ന് ഇ​ര​യാ​കു​ന്ന​വ​ർ​ക്കും കൃ​ഷി​ക്കും മ​റ്റും നാ​ശം നേ​രി​ടു​ന്ന​വ​ർ​ക്കും ന​ൽ​കു​ന്ന ന​ഷ്​​ട​പ​രി​ഹാ​രം ഇ​ര​ട്ടി​യാ​ക്കി ഉ​ത്ത​ര​വ് പു​റ​പ്പെ​ടു​വി​ച്ചു. നി​യ​മ​സ​ഭ വി​ഷ​യ​നി​ർ​ണ​യ സ​മി​തി​യു​ടെ ​ശി​പാ​ർ​ശ​പ്ര​കാ​ര​മാ​ണ് തു​ക വ​ർ​ധി​പ്പി​ക്കാ​ൻ സ​ർ​ക്കാ​ർ ത​യാ​റാ​യ​ത്. നാ​ട്ടാ​ന​യെ​യും വ​ന്യ​ജീ​വി​യാ​യി ക​ണ​ക്കാ​ക്കി . എ​ന്നാ​ൽ, നാ​ട്ടാ​ന​യു​ടെ ആ​ക്ര​മ​ണ​ത്തി​ന് ഇ​ര​യാ​കു​ന്ന​വ​രു​ടെ ന​ഷ്​​ട​പ​രി​ഹാ​രം സം​ബ​ന്ധി​ച്ച് വ്യ​ക്ത​ത​യി​ല്ല.

വ​ന്യ​ജീ​വി​ക​ളു​ടെ ആ​ക്ര​മ​ണം മൂ​ലം ജീ​വ​ഹാ​നി നേ​രി​ടു​ന്ന​വ​രു​ടെ ആ​ശ്രി​ത​ർ​ക്ക് നി​ല​വി​ൽ അ​ഞ്ച്​ ല​ക്ഷമാ​ണ് ന​ഷ്​​ട​പ​രി​ഹാ​രം. പു​തി​യ ഉ​ത്ത​ര​വ് പ്ര​കാ​രം 10 ല​ക്ഷ​മാ​ക്കി. വ​ന​ത്തി​ന് പു​റ​ത്ത് പാ​മ്പു​ക​ടി​യേ​റ്റ് മ​രി​ക്കു​ന്ന​വ​രു​ടെ ആ​ശ്രി​ത​ർ​ക്ക് ല​ഭി​ച്ചി​രു​ന്ന ല​ക്ഷം രൂ​പ ര​ണ്ട്​ ല​ക്ഷ​മാ​ക്കി. വ​ന്യ​മൃ​ഗ​ങ്ങ​ളു​ടെ ആ​ക്ര​മ​ണ​ത്തി​ൽ അം​ഗ​വൈ​ക​ല്യം നേ​രി​ടു​ന്ന​വ​ർ​ക്ക് തുക ര​ണ്ട്​ ല​ക്ഷ​മാ​യി വ​ർ​ധി​പ്പി​ച്ചു. ക​ന്നു​കാ​ലി, കൃ​ഷി, വീ​ട്, കു​ടി​ൽ എ​ന്നി​വ ന​ശി​ച്ചാ​ൽ ഇ​നി ല​ക്ഷം രൂ​പ ല​ഭി​ക്കും. നേ​ര​േ​ത്ത ഇ​ത് 75,000 രൂ​പ​യാ​യി​രു​ന്നു. പ​രി​ക്കേ​ൽ​ക്കു​ന്ന​വ​ർ​ക്കു​ള്ള ചി​കി​ത്സാ​സ​ഹാ​യം 75,000ൽ ​നി​ന്ന്​ ല​ക്ഷം രൂ​പ​യാ​ക്കി.