Begin typing your search above and press return to search.
proflie-avatar
Login
exit_to_app
exit_to_app
P Sreeramakrishnan
cancel
Homechevron_rightNewschevron_rightKeralachevron_right'നികൃഷ്​ട ജീവികൾ...

'നികൃഷ്​ട ജീവികൾ നുണപ്രചാരണം നടത്തുന്നു, ആത്​മഹത്യയിൽ അഭയം ​പ്രാപിക്കുന്ന ഭീരുവല്ല'; മറുപടിയുമായി ശ്രീരാമകൃഷ്ണൻ - വിഡിയോ

text_fields
bookmark_border

കോഴിക്കോട്​: താൻ ആത്​മഹത്യ ചെയ്യാൻ ​ശ്രമിച്ചെന്നും​ കുടുംബം തകർന്നുപോയെന്നുമുള്ള രീതിയിൽ നടക്കുന്ന പ്രചാരണങ്ങൾക്ക്​ മറുപടിയുമായി സ്​പീക്കർ പി. ശ്രീരാമകൃഷ്​ണൻ. താൻ ഇവിടെ ജീവിച്ചിരിപ്പുണ്ടെന്ന്​ വിളിച്ചുപറയേണ്ട അവസ്​ഥയിലേക്ക്​ ചില മാധ്യമങ്ങളുടെ പ്രചാരണം എത്തിച്ചിരിക്കുകയാണെന്ന്​ അദ്ദേഹം വിഡിയോ സന്ദേശത്തിൽ പറയുന്നു.

'ഞാൻ ആത്​മഹത്യ ചെയ്യാൻ ശ്രമിച്ചു, എന്‍റെ കുടുംബം തകർന്ന​ുപോയി തുടങ്ങിയ ദിവാസ്വപ്​നങ്ങൾ നികൃഷ്​ടജീവികൾ നവമാധ്യമങ്ങളിലൂടെ പ്രചരിപ്പിക്കുകയാണ്​. നിരവധി പേർ അത്​ ഏറ്റുപിടിച്ചു. ചിലർ അത്​ വിശ്വസിച്ചിട്ടുണ്ടാകാം. ആത്​മഹത്യയുടെ മുന്നിൽ അഭയം പ്രാപിക്കുന്ന അത്ര ഭീരുവുമല്ല ഞാൻ.

ഏത്​ അന്വേഷണ ഏജൻസികളുടെ മുന്നിലും എപ്പോൾ വേണമെങ്കിലും ആവശ്യമായ വിവരങ്ങൾ നൽകാമെന്ന്​ എന്നോ വ്യക്​തമാക്കിയതാണ്​. എന്നാൽ, രക്​തം കുടിക്കുന്ന ഡ്രാക്കുളയുടെ മനോഭാവത്തിൽ എന്‍റെ മരണം പോലും പ്രതീക്ഷിക്കുന്ന ചിലർ കുപ്രചാരണങ്ങൾ നടത്തുകയാണ്​.

വ്യക്​തിപരമായ ആക്രമണമായിട്ട്​ ഇതിനെ കരുതുന്നില്ല. നിങ്ങളതിൽ പരാജയപ്പെടും. എന്‍റെ പ്രസ്​ഥാനത്തിന്‍റെ കരുത്തിലും മുകളിലുമാണ്​ ഞാൻ നിൽക്കുന്നത്​. പത്ത്​ വയസ്സ്​ മുതൽ സി.പി.എമ്മിന്‍റെ ഭാഗമായി മാറിയതാണ്​. 40 വർഷക്കാലത്തെ കഠിനവും ശക്​തവും നല്ലതും ചീത്തതുമായ അനുഭവങ്ങളുടെ മൂശയിൽ വാർത്തെടുത്ത വ്യക്​തിത്വമാണ്​ താൻ.

അതുകൊണ്ട്​ ഇത്തരം പ്രചാരണങ്ങളുടെ മുന്നിൽ തലകുനിക്കുമെന്ന്​ പ്രതീക്ഷിക്കരുത്​​. തെറ്റായ ​പ്രചാരണങ്ങൾ ആരും​ വിശ്വസിക്കരുത്​​. ഇതെല്ലാം ശുദ്ധകളവാണ്​. കഴിഞ്ഞദിവസം പനി ബാധിച്ചിരുന്നു​. അതിനെ തുടർന്ന്​ വിശ്രമത്തിലാണ്'​ -പി. ശ്രീരാമകൃഷ്​ണൻ വിഡിയോയിൽ പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:P Sreeramakrishnan
News Summary - Wicked creatures spread lies, not cowards who seek refuge in suicide - p. Sri Ramakrishnan
Next Story