Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightബെഹ്റയും മനോജ്...

ബെഹ്റയും മനോജ് എബ്രഹാമും എന്തിന് മോൻസണിന്‍റെ വീട്ടിൽ പോയി? വിമർശനമുന്നയിച്ച് ഹൈകോടതി

text_fields
bookmark_border
ബെഹ്റയും മനോജ് എബ്രഹാമും എന്തിന് മോൻസണിന്‍റെ വീട്ടിൽ പോയി? വിമർശനമുന്നയിച്ച് ഹൈകോടതി
cancel

കൊ​ച്ചി: പുരാവസ്തു- സാമ്പത്തിക തട്ടിപ്പ് കേസ് പ്രതി മോ​ൻ​സ​ൺ മാ​വു​ങ്ക​ലിന്‍റെ കേ​സി​ൽ പോ​ലീ​സ് മേ​ധാ​വി​യാ​യി​രു​ന്ന ലോ​ക്നാ​ഥ് ബെ​ഹ്റ​യേയും എ​.ഡി.​ജി​.പി മ​നോ​ജ് എ​ബ്രാ​ഹി​നേയും വി​മ​ർശിച്ച് ഹൈ​കോ​ട​തി. ലോ​ക്നാ​ഥ് ബെ​ഹ്റ​യും മ​നോ​ജ് എ​ബ്ര​ഹാ​മും എ​ന്തി​നാണ് മോ​ൻ​സ​ന്‍റെ വീ​ട്ടി​ൽ പോ​യതെന്ന് കോ​ട​തി ചോ​ദി​ച്ചു.

മോ​ൻ​സ​ൺ മാ​വു​ങ്ക​ലി​ന് എ​തി​രാ​യ അ​ന്വേ​ഷ​ണ പു​രോ​ഗ​തി റി​പ്പോ​ർ​ട്ട്‌ ഇ​ന്ന് ഹൈ​കോ​ട​തി​ക്ക് കൈ​മാ​റി​യി​രു​ന്നു. ഇ​ത് പ​രി​ഗ​ണി​ക്ക​വേ​യാ​ണ് കോ​ട​തി വി​മ​ർ​ശ​നം. ഡി.ജി.പിയുടെ സത്യവാങ്മൂലവും കോടതിക്ക് നല്‍കിയ രേഖകളും തമ്മില്‍ പൊരുത്തക്കേടുണ്ടെന്നും കോടതി നിരീക്ഷിച്ചു.

പോ​ലീ​സ് മേ​ധാ​വി​യും എ​.ഡി​.ജി​.പി​യും വെ​റു​തെ ഒ​രു വീ​ട്ടി​ൽ പോ​കു​മോ എ​ന്നും ജ​സ്റ്റീിസ് ദേ​വ​ൻ രാ​മ​ച​ന്ദ്ര​ൻ ചോ​ദി​ച്ചു. കേ​സി​ൽ ഉ​രു​ണ്ടു ക​ളി​ക്ക​രു​തെ​ന്നും ഡി​.ജി​.പി​യോ​ട് (ഡ​യ​റ​ക്ട​ർ ജ​ന​റ​ൽ ഓ​ഫ് പ്രോ​സി​ക്യൂ​ഷ​ൻ) കോ​ട​തി പ​റ​ഞ്ഞു. കേ​സ് കൂ​ടു​ത​ൽ വാ​ദം കേ​ൾ​ക്കാ​നാ​യി ഇ​ന്ന് ഉ​ച്ച​ക്കു​ശേ​ഷം വീ​ണ്ടും പ​രി​ഗ​ണി​ക്കും.

മു​ദ്ര​വെ​ച്ച ക​വ​റി​ലാ​ണ് റി​പ്പോ​ർ​ട്ട്‌ ന​ൽ​കി​യ​ത്. മോ​ൻ​സ​ണ് എ​തി​രെ അ​ന്വേ​ഷ​ണം ആ​വ​ശ്യ​പ്പെ​ട്ട് മു​ൻ ഡി​.ജി​.പി ലോ​ക​നാ​ഥ് ബെ​ഹ്റ എ​ഴു​തി​യ ക​ത്തും കോ​ട​തി​ക്ക് കൈ​മാ​റി​യി​ട്ടു​ണ്ട്. പു​രാ​വ​സ്തു മ്യൂ​സി​യ​ത്തി​ന്‍റെ പ്ര​വ​ർ​ത്ത​ന​ത്തി​ൽ സം​ശ​യം പ്ര​ക​ടി​പ്പി​ച്ച് ഡി​.ജി​.പി മ​നോ​ജ്‌ എ​ബ്ര​ഹാം എ​ഴു​തി​യ നോ​ട് ഫ​യ​ലും റി​പ്പോ​ർ​ട്ട്‌ ഉ​ൾ​കൊ​ള്ളി​ച്ചി​രു​ന്നു.

ഇതിനിടെ പോക്സോ കേസിൽ തെളിവെടുപ്പിനായി മോൻസൻ മാവുങ്കലിനെ കൊച്ചിയിലെ വീട്ടിലെത്തിച്ചു. ഇന്ന് കസ്റ്റഡി കാലാവധി അവസാനിക്കും മുൻപ് തെളിവെടുപ്പ് പൂർത്തിയാക്കാനുള്ള ശ്രമത്തിലാണ് ക്രൈംബ്രാഞ്ച്.

ഏഴ് മാ​സം അന്വേഷിച്ച്​ ഇൻറലിജൻസ്​ തയാറാക്കിയത്​ ഒന്നര പേജ്​ റിപ്പോർ​ട്ടെന്ന്​ സിംഗിൾ ബെഞ്ചി​െൻറ പരിഹാസം

കൊച്ചി: പുരാവസ്തു തട്ടിപ്പ് കേസ് പ്രതി മോൻസൺ മാവുങ്കലിനെതിരായ അന്വേഷണത്തിലെ പൊലീസ്​ ഒളിച്ചുകളിയെ വിമർശിച്ച്​ ഹൈകോടതി.​ മോൻസണുമായി ഉന്നത ഉദ്യോഗസ്​ഥർക്കുള്ള വഴിവിട്ട ബന്ധവും അന്വേഷണത്തിലും അന്വേഷണ റിപ്പോർട്ടിലുമുള്ള ഗൗരവമില്ലായ്​മയും വിലയിരുത്തിയാണ്​ ജസ്​റ്റിസ്​ ദേവൻ രാമച​ന്ദ്രൻ പൊലീസ്​ നടപടി​കളെ രൂക്ഷമായി വിമർശിച്ചത്​.

സർക്കാർ സമർപ്പിച്ച റിപ്പോർട്ടുകളുടെ അടിസ്​ഥാനത്തിൽ അവ്യക്​തതയുള്ള ഭാഗങ്ങൾ സംബന്ധിച്ച്​ ചോദ്യങ്ങൾ ഉന്നയിച്ചായിരുന്നു പൊലീസിനെ കോടതി കുഴക്കിയത്​. മോൻസണി​െൻറ ഇടപാടുമായി ബന്ധപ്പെട്ട കേസിൽ പൊലീസ്​ ഉദ്യോഗസ്​ഥർ പ്രതിയാണോയെന്ന്​ ചോദിച്ച കോടതി, ഒന്നും മറച്ചുവെക്കാൻ അനുവദിക്കില്ലെന്നും വ്യക്​തമാക്കി. മോൻസണിനെതിരെ മൊഴി നൽകിയതിെൻറ പേരിൽ ഗുണ്ടകളും പൊലീസും ഭീഷണിപ്പെടുത്തുന്നുവെന്നാരോപിച്ച് മുൻ ഡ്രൈവർ ഇ.വി. അജിത്ത് നൽകിയ ഹരജിയാണ് കോടതിയുടെ പരിഗണനയിലുള്ളത്.

വിദേശ നിർമിത കാറുള്ള മോൻസൺ കൂടുതൽ സമയവും ഡൽഹിയിലും വിദേശത്തുമാണെന്നതടക്കം ചില വിവരങ്ങൾ മാ​ത്രമുള്ള സർക്കാർ റിപ്പോർട്ടിൽ രഹസ്യ സ്വഭാവത്തിലുള്ളതൊന്നുമില്ലെന്ന്​ കോടതി അഭിപ്രായപ്പെട്ടു.

ഏഴ് മാ​സം അന്വേഷിച്ച്​ ഇൻറലിജൻസ്​ തയാറാക്കിയ റിപ്പോർട്ട്​ ആകെ ഒന്നര പേജാണുള്ളത്​. അന്വേഷണത്തെക്കുറിച്ച് ആരും പരാതി ഉന്നയിച്ചിട്ടില്ലെന്നായിരുന്നു സർക്കാറി​െൻറ വിശദീകരണം. പൊലീസ്​ ഉദ്യോഗസ്​ഥർ പ്രതിയാണോയെന്ന ചോദ്യത്തിന്​, ഇതുവരെ ആരെയും പ്രതിയാക്കിയിട്ടില്ലെങ്കിലും ഐ.ജി ലക്ഷ്മണിനെ സസ്പെൻഡ്​​ ചെയ്തതായി മാധ്യമങ്ങളിലൂടെ അറിയാൻ കഴിഞ്ഞെന്ന്​ ഡയറക്​ടർ ജനറൽ ഒാഫ് പ്രോസിക്യൂഷൻ ബോധിപ്പിച്ചു. മോൻസ​ണി​െൻറ വീട് സന്ദർശിക്കാൻ ഡി.ജി.പിയെയടക്കം ക്ഷണിച്ച പ്രവാസി സംഘടന കോ-ഓഡിനേറ്റർ അനിത പുല്ലയിലിനെക്കുറിച്ച് അന്വേഷിച്ചോയെന്ന ചോദ്യത്തിന് ഇത്തരം കാര്യങ്ങൾ ഹരജിയിൽ ഉന്നയിച്ചിട്ടില്ലെന്നായിരുന്നു സർക്കാർ വിശദീകരണം. എന്നാൽ, കോടതിക്ക്​ ഇതൊന്നും കണ്ടില്ലെന്ന് നടിക്കാനാവില്ലെന്ന്​ സിംഗിൾ ബെഞ്ച്​ വ്യക്​തമാക്കി.

മോൻസണി​െൻറ ഇടപാടുകളെക്കുറിച്ച് അന്വേഷണമാവശ്യപ്പെട്ട് എൻ​േഫാഴ്​സ്​മെൻറ്​ ഡയറക്ടറേറ്റിന് കത്ത് നൽകിയിട്ടും പൊലീസ്​ തുടരന്വേഷണം നടത്താതിരുന്നതെന്ത്​ കൊണ്ടാണെന്ന്​ കോടതി ചോദിച്ചു​. പുരാവസ്തു വിൽപനക്കുള്ള ലൈസൻസ്​ ഉ​ണ്ടോയെന്നു​പോലും അന്വേഷിച്ചില്ല. മോൻസണിനെതിരെ പരാമർശമുള്ള ഇൻറലിജൻസ്​ റിപ്പോർട്ട്​ നിലനിൽക്കെയാണ്​ ഡി.ജി.പിക്ക്​ ഉപഹാരവുമായി മോൻസൺ ഓഫിസിലെത്തിയത്​. അയാളെക്കുറിച്ച് സംശയം തോന്നിയതിന് പിന്നാലെ അന്വേഷിച്ച് നടപടി സ്വീകരിച്ചിരുന്നെങ്കിൽ പോക്സോ കേസ് ഉണ്ടാകുമായിരുന്നോയെന്നും ആരാഞ്ഞു. അന്വേഷണം സുതാര്യമായി നടക്കണമെന്നും കോടതി വ്യക്തമാക്കി.

Show Full Article
TAGS:monson mavunkal Loknath Behra Manoj Abraham 
News Summary - Why did Behra and Manoj Abraham go to Monson's house? High Court criticizes
Next Story