കൂട്ടിക്കല്‍ പഞ്ചായത്ത് 11ാം വാര്‍ഡില്‍ ആര് ജയിച്ചാലും ജെസി ജോസ്
text_fields
ജെസി ജോസ് ചള്ളവയലിൽ, ജെസി ജോസ് അരിമറ്റം
മുണ്ടക്കയം: കൂട്ടിക്കല്‍ പഞ്ചായത്ത് 11ാം വാര്‍ഡില്‍ ഇടതുമുന്നണി ജയിച്ചാലും വലതു മുന്നണി ജയിച്ചാലും മെംബര്‍ ജെസി ജോസ് തന്നെ. ഒരേ പേരില്‍ രണ്ട് സ്ഥാനാര്‍ഥികള്‍ പോരിനിറങ്ങുമ്പോള്‍ ഇരുവരെയും തിരിച്ചറിയാനുള്ള ആയുധം വീട്ടുപേര് മാത്രം. പഞ്ചായത്തിെൻറ ടൗണ്‍ വാര്‍ഡില്‍ ഇടത്, വലത് മുന്നണികളുടെ സ്ഥാനാര്‍ഥികള്‍ രണ്ടും ജെസി ജോസാണ്.
എൽ.ഡി.എഫില്‍ കേരള കോണ്‍ഗ്രസിന്‍റെ ജെസി ജോസ് അരിമറ്റത്ത് മത്സരിക്കുമ്പോള്‍ യു.ഡി.എഫില്‍ ജെസി ജോസ് ചള്ളവയലിലാണ് മത്സരിക്കുന്നത്.
ജെസി ജോസ് അരിമറ്റത്ത് മുന്‍ പഞ്ചായത്ത് പ്രസിഡൻറാണ് കഴിഞ്ഞ മൂന്നു ടേമുകളില്‍ പഞ്ചായത്ത് അംഗമായി കേരള കോണ്‍ഗ്രസ് പാര്‍ട്ടിയില്‍നിന്ന് യു.ഡി.എഫിെൻറ ഭാഗമായിരുന്ന അരിമറ്റത്ത് ജെസി ഇക്കുറി ഇടത് പാളയത്തില്‍ എത്തി. കോണ്‍ഗ്രസ് പാരമ്പര്യമുള്ള ചള്ളവയലില്‍ കുടുംബത്തില്‍നിന്ന് മത്സരത്തിന് എത്തിയ യു.ഡി.എഫിലെ ജെസി ജോസിന് കുടുംബശ്രീ പ്രവര്‍ത്തനപാരമ്പര്യം കൈമുതലാണ്.
