ഓടിക്കൊണ്ടിരിക്കവെ ജർമൻ സ്വദേശിയുടെ കാർ കത്തിനശിച്ചു

പറവൂർ: ഓടിക്കൊണ്ടിരുന്ന കാർ കത്തിനശിച്ചു. വ്യാഴാഴ്ച ഉച്ചക്ക് 2.15ന് വെടിമറ കവലക്ക് സമീപമാണ് സംഭവം. ജർമൻ സ്വദേശിയായ കോൾ മാക്സും ഭാര്യയുമാണ് കാറിലുണ്ടായിരുന്നത്.പറവൂരിൽനിന്ന് ആലുവ ഭാഗത്തേക്ക് പോകുകയായിരുന്ന കാറിന്‍റെ ബോണറ്റിൽനിന്ന് പുക ഉയരുന്നത് നാട്ടുകാർ കണ്ടതിനെ തുടർന്ന് കാർ നിർത്തി ഇറങ്ങിയതിനാൽ ഇരുവരും പരിക്കേൽക്കാതെ രക്ഷപ്പെട്ടു.

കാറിന്‍റെ മുൻഭാഗം പൂർണമായും കത്തി. അഗ്നിരക്ഷസേന വിഭാഗം എത്തി തീയണച്ചു.കോൾ മാക്സിന്‍റെ ഭാര്യ മലയാളിയാണ്. ഇദ്ദേഹംഏറെ നാളായി വലിയ പഴമ്പിള്ളി തുരുത്തിലാണ് താമസം.