കഞ്ചിക്കോടിന് സമീപം ട്രെയിനിടിച്ച് കാട്ടാന ചരിഞ്ഞു; സംഭവം ട്രാക്ക് മുറിച്ച് കടക്കുന്നതിനിടെ

പാലക്കാട്: കഞ്ചിക്കോടിന് സമീപം ട്രാക്ക് മുറിച്ച് കടക്കുന്നതിനിടെ ട്രെയിനിടിച്ച് കാട്ടാന ചരിഞ്ഞു. ഇന്നലെ രാത്രിയിൽ തിരുവനന്തപുരം-ചെന്നൈ എക്സ്പ്രസ് തട്ടിയാണ് ണ്ട് വയസ് പ്രായമുള്ള ആന ചരിഞ്ഞത്.

രാത്രി 11 മണിയോടെ മലമ്പുഴ-കഞ്ചിക്കോട് റോഡിൽ അഗസ്റ്റിൻ ടെക്സ്റ്റൈൽ കമ്പനിക്ക് സമീപമാണ് സംഭവം. ട്രെയിനിടിച്ച് ആനയുടെ തലക്കും പുറത്തിനും ഗുരുതര പരിക്കേറ്റിരുന്നു. ഇടിയുടെ ആഘാതത്തിൽ ട്രാക്കിന് സമീപത്തെ കുഴിയിൽ ആന വീഴുകയായിരുന്നു.

ഒരു മാസത്തിനിടെ കഞ്ചിക്കോട് രണ്ട് ആനകളാണ് ട്രാക്ക് മുറിച്ച് കടക്കുന്നതിനിടെ ട്രെയിനിടിച്ച് ചരിഞ്ഞത്.