കോൺക്രീറ്റ് മിക്സിങ് യൂനിറ്റ് വൃത്തിയാക്കുന്നതിനിടെ മെഷീനിൽ കുടുങ്ങി തൊഴിലാളിക്ക് ദാരുണാന്ത്യം

ആലുവ: കോൺക്രീറ്റ് മിക്സിങ് യൂനിറ്റ് വൃത്തിയാക്കുന്നതിനിടെ മെഷീനിൽ കുടുങ്ങിയ തൊഴിലാളി മരിച്ചു. നെടുമ്പാശ്ശേരി കപ്രശ്ശേരി ആലഞ്ചേരി മറ്റത്ത് വീട്ടിൽ സുബ്രൻറെ മകൻ പ്രദീപാണ് (45) മരിച്ചത്. ബിനാനിപുരം പൊലീസ് സ്റ്റേഷൻ സമീപത്ത് വെള്ളിയാഴ്ച വൈകീട്ടാണ് സംഭവം.

മുപ്പത്തടം കാട്ടിപ്പറമ്പിൽ വീട് നിർമാണ ജോലിക്ക് ശേഷം കോൺക്രീറ്റ് മിക്സിങ് യൂനിറ്റ് വൃത്തിയാക്കുന്നതിനിടെയാണ് പ്രദീപ് മെഷീനിൽ കുടുങ്ങിയത്. പൊലീസ് എത്തി മൃതദേഹം കളമശേരി മെഡിക്കൽ കോളജ് ആശുപത്രിയിലേക്ക് മാറ്റി.