എവിടെ നരഭോജി കടുവ?

കാ​ൽ​പാ​ട്വാ​കേ​രി: നാ​ടി​നെ ആ​ശ​ങ്ക​യി​ലാ​ക്കി​യ മൂ​ട​ക്കൊ​ല്ലി​യി​ലെ ന​ര​ഭോ​ജി ക​ടു​വ​യെ പി​ടി​കൂ​ടാ​നു​ള്ള ദൗ​ത്യം ആ​റാം​നാ​ളി​ലും ഫ​ലം ക​ണ്ടി​ല്ല. എ​ന്നാ​ൽ, ഇ​ന്ന​ലെ​യും കൂ​ട​ല്ലൂ​രി​ൽ നി​ന്ന് അ​ഞ്ചു കി.​മീ. അ​ക​ലെ​യു​ള്ള ക​ല്ലൂ​ർ​കു​ന്ന് ഞാ​റ്റാ​ടി​യി​ൽ ക​ടു​വ​യു​ടെ കാ​ൽ​പാ​ടു​ക​ൾ ക​ണ്ടെ​ത്തി. ഞാ​റ്റാ​ടി സാ​ബു​വി​ന്റെ വീ​ടി​ന്റെ മു​റ്റ​ത്താ​ണ് കാ​ൽ​പ്പാ​ടു​ക​ൾ ക​ണ്ട​ത്. ക​ടു​വ ന​ട​ന്നു​പോ​യ കാ​ൽ​പ്പാ​ടു​ക​ൾ വെ​ള്ളി​യാ​ഴ്ച രാ​വി​ലെ പ​ത്തു​മ​ണി​യോ​ടെ​യാ​ണ് വീ​ട്ടു​കാ​രു​ടെ ശ്ര​ദ്ധ​യി​ൽ​പ്പെ​ട്ട​ത്. സ​മീ​പ​ത്തെ വ​യ​ലി​ലും കാ​ൽ​പ്പാ​ടു​ക​ൾ ക​ണ്ടെ​ത്തി. ചൊ​വാ​ഴ്ച ഗാ​ന്ധി​ന​ഗ​ർ 90ൽ ​ക​ടു​വ​യെ പ്ര​ദേ​ശ​വാ​സി​ക​ൾ ക​ണ്ടി​രു​ന്നു. അ​വി​ടു​ന്ന് ഒ​രു കി​ലോമീ​റ്റ​ർ ദൂ​രം മാ​ത്ര​മാ​ണ് ഞാ​റ്റ​ടി​യി​ലേ​ക്കു​ള്ള​ത്. ഇ​വി​ടെ ഒ​രു വ​ശം എ​സ്റ്റേ​റ്റു​ക​ളാ​ണ്. വ​നം വ​കു​പ്പ് അ​ധി​കൃ​ത​ർ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി.

വെ​ള്ളി​യാ​ഴ്ച രാ​വി​ലെ മു​ത​ൽ ദൗ​ത്യ​സം​ഘം വ​ന​മേ​ഖ​ല​യി​ല​ട​ക്കം തി​ര​ച്ചി​ൽ ന​ട​ത്തി. വെ​റ്റ​റിന​റി സ​ർ​ജ​ൻ മൃ​ഗ​സം​ര​ക്ഷ​ണ​വ​കു​പ്പി​ലെ അ​സി.​ഡ​യ​റ​ക്ട​ർ കൂ​ടി​യാ​യ ഡോ. ​അ​രു​ൺ സ​ഖ​റി​യ, ഡി.​എ​ഫ്.​ഒ ഷ​ജ്ന ക​രീം, നോ​ർ​തേ​ൺ സി.​സി.​എ​ഫ് കെ.​എ​സ്.​ദീ​പ എ​ന്നി​വ​രു​ൾ​പ്പെ​ടെ മേ​ഖ​ല​യി​ൽ ക്യാ​മ്പ് ചെ​യ്യു​ന്നു​ണ്ട്. കു​റ്റി​ക്കാ​ടു​ക​ളും കാ​പ്പി​ത്തോ​ട്ട​ങ്ങ​ളും തി​ര​ച്ചി​ലി​ന് പ്ര​യാ​സം സൃ​ഷ്ടി​ക്കു​ന്നു​ണ്ട്. കൊ​ല്ലി പോ​ലു​ള്ള ഭാ​ഗ​ങ്ങ​ളി​ൽ ഒ​രാ​ൾ​ക്ക് മു​ക​ളി​ലാ​ണ് കാ​ടുവ​ള​ർ​ന്ന് പ​ട​ർ​ന്നു​കി​ട​ക്കു​ന്ന​ത്. ഇ​വി​ടെ വെ​ച്ച് ക​ടു​വ​യെ മ​യ​ക്കു​വെ​ടി ഉ​ൾ​പ്പെ​ടെ വെ​ക്കു​ന്ന​ത് തി​ര​ച്ചി​ൽ സം​ഘ​ത്തി​ന് വെ​ല്ലു​വി​ളി​യാ​ണ്. കു​ങ്കി​യാ​ന​ക​ളെ ഉ​പ​യോ​ഗി​ച്ച് രാ​വി​ലെ മു​ത​ൽ കാ​പ്പി​ത്തോ​ട്ട​ങ്ങ​ളി​ലു​ൾ​പ്പെ​ടെ തി​ര​ച്ചി​ൽ ന​ട​ത്തി.

ക​ടു​വ​യെ പി​ടി​കൂ​ടാ​ത്ത​തി​നാ​ൽ നാ​ട്ടു​കാ​ർ ആ​ശ​ങ്ക​യി​ലാ​ണ്. തോ​ട്ട​ങ്ങ​ളി​ൽ കാ​പ്പി​ക്കു​രു പ​ഴു​ത്തു​കി​ട​ക്കു​ക​യാ​ണ്. കാ​പ്പി​ക്കു​രു പ​റി​​ച്ചെ​ടു​ക്കേ​ണ്ട സ​മ​യ​മാ​യി. ക​ടു​വപ്പേ​ടി ഉ​ള്ള​തി​നാ​ൽ പ​ണി​ക്ക് തൊ​ഴി​ലാ​ളി​ക​ളെ കി​ട്ടു​ന്നി​ല്ല. സ്വ​ന്തം പ​റ​മ്പി​ൽ ഇ​റ​ങ്ങി പ​റി​ച്ചെ​ടു​ക്കാ​നും ക​ഴി​യാ​ത്ത സ്ഥി​തി​യി​ലാ​ണ് ജ​നം.

ആ ​ജീ​വ​ൻ പൊ​ലി​ഞ്ഞി​ട്ട് ഒ​രാ​ഴ്ച

വാ​കേ​രി: യു​വ​ക​ർ​ഷ​ക​നെ കൊ​ന്ന് മൃ​ത​ദേ​ഹം ഭ​ക്ഷി​ച്ചി​ട്ട് എ​ട്ടു ദി​വ​സ​മാ​യി​ട്ടും പി​ടി​കൊ​ടു​ക്കാ​തെ ന​ര​ഭോ​ജി ക​ടു​വ. വാ​കേ​രി കൂ​ട​ല്ലൂ​ര്‍ മ​റോ​ട്ടി​ത്ത​റ​പ്പി​ല്‍ പ്ര​ജീ​ഷാ​ണ് ഡി​സം​ബ​ർ ഒ​മ്പ​തി​ന് രാ​വി​ലെ സ്വ​കാ​ര്യ​തോ​ട്ട​ത്തി​ല്‍ പു​ല്ല​രി​യാ​ന്‍ പോ​യ​പ്പോ​ൾ ക​ടു​വ​ക്ക് ഇ​ര​യാ​യ​ത്. ഇ​തോ​ടെ നാ​ട്ടു​കാ​ർ പ്ര​തി​ഷേ​ധ​വു​മാ​യെ​ത്തി. തു​ട​ർ​ന്ന് ജ​ന​പ്ര​തി​നി​ധി​ക​ളും വ​നം ​ഉ​ദ്യേ​ാഗ​സ്ഥ​രും ഇ​ട​പെ​ട്ടു. ച​ർ​ച്ച​യി​ൽ ക​ടു​വ​യെ ന​ര​ഭോ​ജി​യാ​യി പ്ര​ഖ്യാ​പി​ക്ക​ണ​മെ​ന്നാ​വ​ശ്യ​പ്പെ​ട്ട് റി​പ്പോ​ർ​ട്ട് ന​ൽ​കാ​ൻ ധാ​ര​ണ​യാ​യ​തോ​ടെ​യാ​ണ് പ്ര​ദേ​ശ​വാ​സി​ക​ൾ പി​ൻ​മാ​റി​യ​ത്.

ന​ര​ഭോ​ജി ക​ടു​വ​യെ വെ​ടി​വെ​ച്ചു കൊ​ല്ല​ണ​മെ​ന്ന ഉ​ത്ത​ര​വ് രേ​ഖാ​മൂ​ലം വ​നം വ​കു​പ്പ​ധി​കൃ​ത​രി​ൽ നി​ന്ന് കി​ട്ടി​യാ​ൽ മാ​ത്ര​മേ യു​വാ​വി​ന്റെ മൃ​ത​ദേ​ഹം പോ​സ്റ്റു​മോ​ർ​ട്ട​ത്തി​നു ശേ​ഷം ഏ​റ്റു​വാ​ങ്ങൂ​വെ​ന്ന തീ​രു​മാ​ന​ത്തി​ലു​മാ​യി​രു​ന്നു നാ​ട്ടു​കാ​ർ. തു​ട​ർ​ന്ന് ഐ.​സി.​ ബാ​ല​കൃ​ഷ്ണ​ൻ എം.​എ​ൽ.​എ​യു​ടെ നേ​തൃ​ത്വ​ത്തി​ൽ മോ​ർ​ച്ച​റി​ക്ക് മു​ന്നി​ൽ കു​ത്തി​യി​രു​പ്പ് സ​മ​രം ന​ട​ത്തി. അ​വ​സാ​നം മ​യ​ക്കു​വെ​ടി​വെ​ച്ചോ കൂ​ടു​വെ​ച്ചോ പി​ടി​കൂ​ടാ​ൻ ക​ഴി​ഞ്ഞി​ല്ലെ​ങ്കി​ൽ ന​ര​ഭോ​ജി ക​ടു​വ​യെ വെ​ടി​വെ​ച്ചു കൊ​ല്ലാ​മെ​ന്ന ചീ​ഫ് വൈ​ൽ​ഡ് ലൈ​ഫ് വാ​ർ​ഡ​ന്റെ ഉ​ത്ത​ര​വി​റ​ങ്ങി​യ​തോ​ടെ​യാ​ണ് സ​മ​രം അ​വ​സാ​നി​പ്പി​ച്ച് മൃ​ത​ദേ​ഹം വീ​ട്ടി​ലെത്തി​ച്ച​ത്. പി​റ്റേ​ന്നു മു​ത​ൽ ക​ടു​വ​യെ ക​ണ്ടെ​ത്തു​ന്ന​തി​നാ​യി തി​ര​ച്ചി​ൽ ഊ​ർ​ജി​ത​മാ​ക്കി.

സം​ഘ​ങ്ങ​ളാ​യി തിര​ച്ചി​ൽ ന​ട​ത്തി. വ​നം​വ​കു​പ്പി​ന്റെ 80 ഓ​ളം വ​രു​ന്ന സം​ഘ​മാ​ണ് തി​ര​ച്ചി​ലി​ന് നേ​തൃ​ത്വം ന​ൽ​കു​ന്ന​ത്. പ്ര​ദേ​ശ​ത്ത് 36 ഓ​ളം കാ​മ​റ​ക​ൾ സ്ഥാ​പി​ച്ചു. എ​സ്റ്റേ​റ്റു​ക​ളും വ​ന​യോ​ര​വും ക​യ​റി​യി​റ​ങ്ങി. ഡ്രോ​ൺ ഉ​ൾ​പ്പെ​ടെ​യു​ള്ള​വ​യും ഉ​പ​യോ​ഗ​പ്പെ​ടു​ത്തി. ചൊ​വ്വാ​ഴ്ച ക​ടു​വ​യെ ക​ണ്ട​താ​യി പ്ര​ദേ​ശ​വാ​സി​ക​ൾ പ​റ​ഞ്ഞ​തോ​ടെ നി​രോ​ധ​നാ​ജ്ഞ പ്ര​ഖ്യാ​പി​ച്ചാ​ണ് ഗാ​ന്ധി​ന​ഗ​ർ 90ൽ ​വ​ന​മേ​ഖ​ല​യി​ലു​​ൾ​പ്പെ​ടെ തി​ര​ച്ചി​ൽ ന​ട​ത്തി​യ​ത്. കോ​ള​നി ക​വ​ല​യി​ലും കൂ​ട​ല്ലൂ​രി​ൽ കോ​ഴി​ഫാ​മി​ന​ടു​ത്തും ര​ണ്ട് കൂ​ടു​ക​ൾ​കൂ​ടി സ്ഥാ​പി​ച്ചു. എ​ന്നാ​ൽ, വ​നം വ​കുപ്പ് സ്ഥാ​പി​ച്ച മൂ​ന്നു കൂ​ടു​ക​ളി​ലും ക​ടു​വ വീ​ണി​ല്ല. വ്യാ​ഴാ​ഴ്ച ക​ടു​വ വ​നം​വ​കു​പ്പി​ന്റെ നി​രീ​ക്ഷ​ണ വ​ല​യ​ത്തി​ലാ​യെ​ങ്കി​ലും വെ​ടി വെ​ക്കാ​ൻ പ​ഴു​തുതേ​ടി ചി​ല ശ്ര​മ​ങ്ങ​ൾ ന​ട​ത്തി​യെ​ങ്കി​ലും വി​ജ​യി​ച്ചി​ല്ല. ഭ​ര​ത്, വി​ക്രം എ​ന്നീ കു​ങ്കി​യാ​ന​ക​ളെ​യും തി​ര​ച്ചി​ലി​നാ​യി ഇ​റ​ക്കി.

പ്ര​ജീ​ഷി​നെ കൊ​ന്ന​ത്‍ വ​നം വ​കു​പ്പി​ന്റെ ഡേറ്റ​ബേ​സി​ൽ ഉ​ൾ​പ്പെ​ട്ട വ​യ​നാ​ട് വ​ന്യ​ജീ​വി സ​ങ്കേ​ത​ത്തി​ലെ ഡ​ബ്ല്യു.​ഡ​ബ്ല്യു.​എ​ൽ 45 എ​ന്ന ഇ​ന​ത്തി​ൽ​പ്പെ​ട്ട 13 വ​യ​സ്സു​ള്ള ആ​ൺ ക​ടു​വ​യാ​ണെ​ന്ന് വ​നം വ​കു​പ്പ് സ്ഥി​രീ​ക​രി​ച്ചി​രു​ന്നു. കാ​മ​റ​ക​ളി​ല​ട​ക്കം ക​ടു​വ​യു​ടെ ദൃ​ശ്യം പ​തി​ഞ്ഞി​ട്ടു​ണ്ട്.