കാണാതായ 62 കുട്ടികൾ എവിടെ?

തി​രു​വ​ന​ന്ത​പു​രം: കു​ട്ടി​ക​ൾ​ക്കെ​തി​രാ​യ അ​തി​ക്ര​മ​ങ്ങ​ൾ​ക്കെ​തി​രെ ശ​ക്ത​മാ​യ ന​ട​പ​ടി സ്വീ​ക​രി​ക്കു​ന്ന​താ​യി സ​ർ​ക്കാ​ർ അ​വ​കാ​ശ​പ്പെ​ടു​മ്പോ​ഴും കേ​ര​ള​ത്തി​ൽ അ​ഞ്ചു വ​ർ​ഷ​ത്തി​നി​ടെ കാ​ണാ​താ​യ​ത് 62 കു​ട്ടി​ക​ളെ. സം​സ്ഥാ​ന ക്രൈം ​റെ​ക്കോ​ഡ്സ് ബ്യൂ​റോ ക​ണ​ക്കു​പ്ര​കാ​രം 2018 മു​ത​ൽ 2023 മാ​ർ​ച്ചു​വ​രെ 43 ആ​ൺ​കു​ട്ടി​ക​ളെ​യും 19 പെ​ൺ​കു​ട്ടി​ക​ളെ​യു​മാ​ണ് കാ​ണാ​താ​യ​ത്.

ഇ​വ​രി​ൽ പ​ല​രും ഇ​ത​ര സം​സ്ഥാ​ന തൊ​ഴി​ലാ​ളി​ക​ളു​ടെ മ​ക്ക​ളാ​ണ്. പൊ​ലീ​സി​ൽ പ​രാ​തി ന​ൽ​കി വ​ർ​ഷ​ങ്ങ​ൾ​ക്ക് ശേ​ഷ​വും ന​ട​പ​ടി​യു​ണ്ടാ​കാ​തെ വ​രു​ന്ന​തോ​ടെ പ​രാ​തി​ക്കാ​ർ ജോ​ലി തേ​ടി മ​റ്റു ദേ​ശ​ങ്ങ​ളി​ലേ​ക്ക് പോ​കാ​റാ​ണ് പ​തി​വ്. ഇ​തോ​ടെ കേ​സു​ക​ൾ പൊ​ലീ​സ് പൂ​ട്ടി​ക്കെ​ട്ടും. ഇ​ങ്ങ​നെ മാ​താ​പി​താ​ക്ക​ളു​ടെ വാ​സ​സ്ഥ​ലം സം​ബ​ന്ധി​ച്ച വി​വ​രം ല​ഭ്യ​മ​ല്ലാ​ത്ത​തി​നാ​ൽ വി​വി​ധ സ്റ്റേ​ഷ​നു​ക​ളി​ലാ​യി ര​ജി​സ്റ്റ​ർ ചെ​യ്ത ആ​റു കേ​സ്​ ‘അ​ൺ-​ഡി​ക്റ്റ​റ്റ​ഡ്’ (യു.​ഡി) ആ​യി പ​രി​ഗ​ണി​ക്ക​ണ​മെ​ന്നാ​വ​ശ്യ​പ്പെ​ട്ട് പൊ​ലീ​സ് കോ​ട​തി​ക്ക് റി​പ്പോ​ർ​ട്ട് സ​മ​ർ​പ്പി​ച്ചി​ട്ടു​ണ്ട്.

കൂ​ടു​ത​ൽ കു​ട്ടി​ക​ളെ കാ​ണാ​താ​യ​ത് 2022ലാ​ണ്; 28 പേ​ർ. നി​സ്സാ​ര കാ​ര്യ​ങ്ങ​ൾ​ക്കു​പോ​ലും മാ​താ​പി​താ​ക്ക​ളോ​ട് വ​ഴ​ക്കി​ട്ട് വീ​ടു​വി​ട്ടി​റ​ങ്ങു​ന്ന​വ​രും പ​രീ​ക്ഷ​യി​ൽ തോ​റ്റ​തി​നും ചോ​ദി​ച്ച സാ​ധ​നം ല​ഭി​ക്കാ​ത്ത​തി​ന്‍റെ പേ​രി​ലും വീ​ടു​വി​ട്ട കു​ട്ടി​ക​ളു​ണ്ട്. ഇ​വ​ർ ഭി​ക്ഷാ​ട​ന മാ​ഫി​യ, അ​ന്യ​സം​സ്ഥാ​ന നാ​ടോ​ടി സം​ഘ​ങ്ങ​ൾ, മ​നു​ഷ്യ​ക്ക​ട​ത്ത് സം​ഘ​ങ്ങ​ൾ, സെ​ക്സ് റാ​ക്ക​റ്റ്​ എ​ന്നി​വ​യു​ടെ പി​ടി​യി​ലാ​യി​ട്ടു​ണ്ടോ​യെ​ന്ന ചോ​ദ്യ​ത്തി​നും വ്യ​ക്ത​മാ​യ ഉ​ത്ത​ര​മി​ല്ല.

അ​ഞ്ചു വ​ർ​ഷ​ത്തി​നി​ടെ എ​റ​ണാ​കു​ളം ജി​ല്ല​യി​ൽ​നി​ന്ന് 11 പേ​രെ​യും മ​ല​പ്പു​റ​ത്തു​നി​ന്ന് 10 പേ​രെ​യും തൃ​ശൂ​രി​ൽ​നി​ന്ന് ഒ​മ്പ​ത് പേ​രെ​യും കാ​സ​ർ​കോ​ട് എ​ട്ട്, കോ​ഴി​ക്കോ​ട് തി​രു​വ​ന​ന്ത​പു​രം ജി​ല്ല​ക​ളി​ൽ​നി​ന്ന് ഏ​ഴു പേ​രെ​യും കാ​ണാ​താ​യി. കൊ​ല്ലം, ആ​ല​പ്പു​ഴ, ഇ​ടു​ക്കി, പാ​ല​ക്കാ​ട്, വ​യ​നാ​ട്, ക​ണ്ണൂ​ർ ജി​ല്ല​ക​ളി​ൽ​നി​ന്ന് 10 കു​ട്ടി​ക​ളാ​ണ് ‘അ​പ്ര​ത്യ​ക്ഷ​മാ​യ​ത്’.

കാ​ണാ​താ​കു​ന്ന കു​ട്ടി​ക​ളു​ടെ കേ​സ്​ പ്ര​ത്യേ​കം കൈ​കാ​ര്യം ചെ​യ്യു​ന്ന​തി​ന്​ 2012ൽ ‘​ഡി​സ്ട്രി​ക്ട് മി​സി​ങ് പേ​ഴ്സ​ൺ​സ് ട്രെ​യ്സി​ങ് യൂ​നി​റ്റ് ’ (ഡി.​എം.​പി.​ടി.​യു) ഡി​വൈ.​എ​സ്.​പി / എ.​സി.​പി​യു​ടെ മേ​ൽ​നോ​ട്ട​ത്തി​ൽ എ​ല്ലാ ജി​ല്ല​യി​ലും രൂ​പ​വ​ത്​​ക​രി​ച്ചെ​ങ്കി​ലും പ്ര​വ​ർ​ത്ത​നം കാ​ര്യ​ക്ഷ​മ​മ​ല്ലെ​ന്ന വി​മ​ർ​ശ​നം ശ​ക്ത​മാ​ണ്.