'വോട്ടിന്​ പോകു​േമ്പാൾ ഗ്യാസിനെ നമസ്​കരിക്കൂ...' -മോദിയുടെ ഗ്യാസ്​ ട്വീറ്റ്​ കുത്തിപ്പൊക്കി നെറ്റിസൺസ്​

ന്യൂഡൽഹി: പാചകവാതക വില കുതിച്ചുയരുന്നതിനിടെ പ്രധാന മന്ത്രി നരേന്ദ്രമോദിയുടെ പഴയ ട്വീറ്റ്​ കുത്തിപ്പൊക്കി നെറ്റിസൺസ്​. യു.പി.എ ഭരണകാലത്ത്​ ഗ്യാസിന്​ വില കൂട്ടിയപ്പോൾ മോദി നടത്തിയ പ്രതികരണമാണ്​ ഇപ്പോൾ തിരിച്ചുകുത്തുന്നത്​.

'നിങ്ങൾ വോട്ടുചെയ്യാൻ പോകുമ്പോൾ, വീട്ടിലെ ഗ്യാസ് സിലിണ്ടറിനെ നമസ്​കരിക്കൂ.. അതും അവർ തട്ടിപ്പറിച്ചെടുക്കുകയാണ്' എന്നായിരുന്നു നരേന്ദ്ര മോദി ​ ഇൻ എന്ന ​ട്വിറ്റർ ഹാൻഡിലിൽ ട്വീറ്റ്​ ചെയ്​തത്​. മോദി അധികാരത്തിലേറുന്നതിന്​ മുമ്പ്, 2013 നവംബർ 23 നായിരുന്നു ട്വീറ്റ്​. വിലവർധനക്കെതിരെ അദ്ദേഹം നടത്തിയ പ്രസംഗത്തിന്‍റെ സംക്ഷിപ്​ത രൂപമായിരുന്നു ഇത്​. പ്രസംഗത്തിന്‍റെ വിഡിയോയും പ്രചരിക്കുന്നുണ്ട്​.

മോദി ഭരണത്തിലേറിയ ശേഷം നിരവധി തവണയാണ്​ ഗാർഹിക പാചകവാതകത്തിന്​ വിലകൂട്ടിയത്​. ഏറ്റവുമൊടുവിൽ മൂന്നുമാസത്തിനിടെ 225 രൂപ വർധിപ്പിച്ചു. സിലിണ്ടറിന്​ 826 രൂപയാണ്​ വില. 2019 ജൂണിൽ സബ്​സിഡിയുള്ള എൽ.പി.ജി സിലിണ്ടറി​െൻറ വില 497 രൂപയായിരുന്നു​.

വാണിജ്യ സിലിണ്ടറിനും അമിതനിരക്കിലാണ്​ വില ഉയരുന്നത്​. 19 കി​ലോ സി​ലി​ണ്ട​റി​ന്​ നൂറുരൂപയാണ്​ ഇന്ന്​ വർധിപ്പിച്ചത്​. 1618 രൂപയാണ്​ വാണിജ്യ സിലിണ്ടറിന്‍റെ വില. ഫെബ്രുവരി ഒന്നിന്​ 191 രൂ​പ​യും ​ ജ​നു​വ​രി ആ​ദ്യം 17 രൂ​പയും വ​ർ​ധി​പ്പി​ച്ചി​രു​ന്നു. ഡി​സം​ബ​റി​ലും ര​ണ്ടു​ത​വ​ണ വാ​ണി​ജ്യ സി​ലി​ണ്ട​റി​െൻറ വി​ല കൂ​ട്ടി​യി​രു​ന്നു.

അതിനിടെ ഗാർഹിക ഉപഭോക്​താക്കൾക്ക്​ നൽകിയിരുന്ന സബ്​സിഡി ഒരുവർഷത്തിലേറെയായി നിലച്ച മട്ടാണ്​. സബ്​സിഡി ബാങ്ക്​ അക്കൗണ്ടുമായി ലിങ്ക്​ ചെയ്​ത ശേഷം തുടക്കത്തിൽ ഏതാനും മാസങ്ങൾ കൃത്യമായി അക്കൗണ്ടിൽ വന്നിരുന്നുവെങ്കിലും പിന്നീട്​ അതേക്കുറിച്ച്​ മിണ്ടാട്ടമില്ല. കഴിഞ്ഞ ദിവസം ഗോ ഇലക്​ട്രിക്​ കാമ്പയിൻ ഉദ്​ഘാടനത്തിനിടെ കേന്ദ്രമന്ത്രി നിതിൻ ഗഡ്​കരി സബ്​സിഡി നിർത്തുന്നത്​ സംബന്ധിച്ച സൂചന നൽകിയിരുന്നു.