Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസംസ്​ഥാനത്ത്...

സംസ്​ഥാനത്ത് വാട്​സ്​ആപ്പ്​ ഹണിട്രാപ് വ്യാപകം; മുന്നറിയിപ്പുമായി പൊലീസ്​

text_fields
bookmark_border
സംസ്​ഥാനത്ത് വാട്​സ്​ആപ്പ്​ ഹണിട്രാപ് വ്യാപകം; മുന്നറിയിപ്പുമായി പൊലീസ്​
cancel

സംസ്​ഥാനത്ത്​ ഒാൺലൈൻ തട്ടിപ്പുകൾക്ക്​ കളമൊരുങ്ങുന്നതായി പൊലീസ്​. വാട്​സ്​ ആപ്പ്​ ഹണിട്രാപിലൂടെയാണ്​ ആളുകളെ കുരുക്കുന്നത്​. ചാറ്റിലൂടെയും കോളിലൂടെയും തട്ടിപ്പിന് വഴിയൊരുക്കുന്നതായും പൊലീസ്​ പറഞ്ഞു. നിരവധി പേര്‍ക്ക് വഞ്ചനയില്‍ വന്‍ തുകകള്‍ നഷ്ടമായതായും സൂചനയുണ്ട്​. പലപ്പോഴും പരാതിപ്പെടാനാകാത്ത വിധം കെണിയിൽ കുടുക്കിയാവും തട്ടിപ്പ്​ നടത്തുന്നത്​. ഇതുസംബന്ധിച്ച്​ കേരള പൊലീസ്​ അവരുടെ ഒൗദ്യോഗിക ഫേസ്​ബുക്കിൽ പേജിൽ മുന്നറിയിപ്പ്​ നൽകി​.

തട്ടിപ്പുസംഘങ്ങൾ ഒാൺലൈനായി സൗഹൃദം സ്ഥാപിക്കുകയാണ്​ ആദ്യം ചെയ്യുന്നത്​. ചാറ്റിങ്ങിലൂടെ സ്വകാര്യവിവരങ്ങളും ചിത്രങ്ങളും കൈക്കലാക്കുകയും തുടർന്ന് ഭീഷണിപ്പെടുത്തി പണം തട്ടുകയുമാണ് ഇവരുടെ രീതി. തട്ടിപ്പുകാരുടെ എക്​സ്​റ്റഷൻ നമ്പരുകളും പൊലീസ്​ വെളിപ്പെടുത്തിയിട്ടുണ്ട്​. +44 +122 എന്നീ നമ്പരുകളിൽ നിന്നുള്ള വാട്​സ്​ആപ്പ്​ കാളുകളിലൂടെയാണ് തട്ടിപ്പ് നടന്നതെന്നാണ്​ പരാതികൾ പരിശോധിപ്പോൾ വ്യക്തമായതെന്ന്​ പൊലീസ്​ പറയുന്നു. പരാതികളിൽ ഹൈടെക് സെല്ലും സൈബർ സെല്ലും അന്വേഷണം ആരംഭിച്ചിട്ടുണ്ട്. അപരിചിതരുമായി വാട്​സ്​ആപ്പിലൂടെ ചാറ്റ്​ ചെയ്യരുതെന്നും പൊലീസ്​ മുന്നറിയിപ്പ്​ നൽകി.

Show Full Article
TAGS:Whatsapp honey trap police kerala police 
Next Story