എന്താണ്​ ഈ​ 'വൈബി ഓർ കളൈബി'? -സംഭവം ഇതാണ്​

കോവിഡ്​ നാട്ടിൽ വ്യാപിച്ചതു മുതൽ ആരെയെങ്കിലും​ ഫോൺ വിളിച്ചാൽ റിങ്​ ചെയ്യുന്നതിന്​ മുമ്പു തന്നെ കോവിഡിനെതിരെ സ്വീകരിക്കേണ്ട മ​ുൻകരുതലുകൾ വിശദീകരിക്കുന്ന ശബ്​ദ സന്ദേശം കേൾക്കാം. അതിന്‍റെ ഇംഗ്ലീഷ്​, ഹിന്ദി വിവരണത്തിൽ പലരും കേട്ട ഒരു വാചകം​ ഇങ്ങനെയാകു​ം; 'വൈഭി ഓർ കളൈബി'.

എന്താണ് ഈ 'വൈഭി ഓർ കളൈഭി'?. നിരവധി പേരാണ് ഈ വാചകമെന്താണെ​ന്നറിയാതെ കു​ഴങ്ങിയത്. അതറിയാനായി ഗൂഗിളിനേയും യൂട്യ​ൂബിനേയും ആശ്രയിച്ചവരും കുറവല്ല. എന്നാൽ ശബ്​ദ സന്ദേശത്തിൽ കേൾക്കുന്നത്​ വൈഭി എന്നോ കളൈബി എന്നോ അല്ലെന്നതാണ്​ സത്യം.

'ദവായ്​ ഭി ഓർ കഡായ്​ ഭി' എന്നാണ്​ സന്ദേശത്തിൽ പറയുന്നത്​. 'ദവായ്​ ഭി ഓർ കഡായ്​ ഭി'എന്ന ഹിന്ദി വാചകത്തിന്‍റെ അർഥം​ 'മരുന്നും വേണം ജാഗ്രതയും വേണം' എന്നാണ്​. കോവിഡ്​ പ്രതിരോധത്തിന്‍റെ മുദ്രാവാക്യമെന്ന നിലയിൽ പ്രധാനമന്ത്രി നരേന്ദ്രമോദിയാണ്​ ഈ വാചകം ഉപയോഗിച്ചത്​. 2021ലെ മന്ത്രമെന്ന നിലയിലാണ്​ അദ്ദേഹം ഇത്​ മുന്നോട്ടുവെച്ചത്​.

ഫോണിലെ ശബ്​ദ സന്ദേശത്തിൽ അത്​ വേഗത്തിൽ ഒഴുക്കോടെ പറഞ്ഞു പോകുന്നതിനാലും ഫോണിന്‍റെ മറുതലക്കലുള്ള വ്യക്തിയെ ലൈനിൽ കിട്ടാനുള്ള വ്യ​ഗ്രതയും കാരണം പലപ്പോഴും സന്ദേശത്തിൽ ശ്രദ്ധ കൊടുക്കാൻ സാധിക്കാത്തതുകൊണ്ടാണ്​ ഈ വാചകം ശരിക്ക്​ മനസ്സിലാക്കാൻ പലർക്കും സാധിക്കാതെ പോയത്​.