Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightമോന്‍സൺ മാവുങ്കലിന്‍റെ...

മോന്‍സൺ മാവുങ്കലിന്‍റെ ഗോഡൗണിൽ തിമിംഗലത്തിന്‍റെ എല്ലും; 'ഒറിജിനൽ' ആണോയെന്ന്​ പരിശോധിക്കും

text_fields
bookmark_border
monson mavungal
cancel

കൊച്ചി​: പുരാവസ്​തു തട്ടിപ്പ്​ കേസിൽ പിടിയിലായ മോൻസൻ മാവുങ്കലിന്‍റെ ഗോഡൗണിൽ നിന്ന്​ തിമിംഗലത്തിന്‍റെ എല്ല് വനംവകുപ്പ് പിടിച്ചെടുത്തു. കാക്കനാട്ടെ ഒരു കെട്ടിടത്തിൽ നിന്നാണ് മോന്‍സന്‍ ഒളിപ്പിച്ചുവച്ചിരുന്ന വസ്തുക്കള്‍ കണ്ടെത്തിയത്.

ക്രൈംബ്രാഞ്ച് നല്‍കിയ വിവരത്തിന്‍റെ അടിസ്ഥാനത്തിലാണ് തിമിംഗലത്തിന്‍റെ എല്ല് വനംവകുപ്പ് പിടിച്ചെടുത്തത്​. രണ്ടു നീളൻ എല്ലുകളാണ്​ പിടികൂടിയത്​.

മോണ്‍സന്‍റെ പുരാവസ്തു മ്യൂസിയത്തിലാണ് തിമിംഗിലത്തിന്‍റെ എല്ലുകള്‍ സൂക്ഷിച്ചിരുന്നത്. എന്നാല്‍, തട്ടിപ്പു പുറത്തു വന്നതിനു പിന്നാലെ അറസ്റ്റിന് മൂന്നുദിവസം മുമ്പ് ഇവ മ്യൂസിയത്തില്‍ നിന്ന് മാറ്റിയിരുന്നു. എല്ലുകള്‍ ഉടന്‍ ശാസ്ത്രീയ പരിശോധനയ്ക്ക് അയക്കാനാണ് വനംവകുപ്പിന്‍റെ തീരുമാനം. മോന്‍സന്‍റെ മ്യൂസിയത്തിലുണ്ടായിരുന്ന ആനക്കൊമ്പ് അടക്കമുള്ള വസ്തുക്കള്‍ വ്യാജമാണെന്ന് നേരത്തെ അന്വേഷണത്തില്‍ ബോധ്യപ്പെട്ടിരുന്നു.

സാമ്പത്തിക തട്ടിപ്പു കേസുകൾക്ക്​ പുറമെ മോൻസൺ മാവുങ്കലിലനെതിരെ പൊലീസ് പോക്സോ കേസും എടുത്തിരുന്നു. തുടർ വിദ്യാഭ്യാസം വാഗ്ദാനം ചെയ്ത് പെൺകുട്ടിയെ കലൂരിലെ വീട്ടിൽ വെച്ച് ബാലാത്സംഗം ചെയ്തെന്ന പെൺകുട്ടിയുടെ പരാതിയിലാണ് മോൻസണിനെതിരെ കേസെടുത്തിരിക്കുന്നത്. ഈ കേസിൽ മാവുങ്കലിന്‍റെ മേക്കപ്പ് മാൻ ജോഷിയും അറസ്റ്റിലായിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Monson Mavunkal
Next Story