സ്കൂൾ കെട്ടിടത്തിൽ കഞ്ചാവ്​ ശേഖരം; അഞ്ചുപേർ പിടിയിൽ, സ്കൂ​ൾ സെ​ക്യൂ​രി​റ്റി ജീ​വ​ന​ക്കാ​ര​ൻ കടന്നുകളഞ്ഞു

​കോത​മം​ഗ​ലം: നെ​ല്ലി​ക്കു​ഴി ഗ്രീ​ൻ വാ​ലി പ​ബ്ലി​ക് സ്കൂ​ൾ കെ​ട്ടി​ട​ത്തി​ൽ​നി​ന്ന്​ ഒ​രു സം​ഘം യു​വാ​ക്ക​ളെ ക​ഞ്ചാ​വു​മാ​യി പി​ടി​കൂ​ടി. അ​ഞ്ചു​പേ​ർ പി​ടി​യി​ൽ, ര​ണ്ടു​പേ​ർ ക​ട​ന്നു​ക​ള​ഞ്ഞു. സം​ഘ​ത്ത​ല​വ​ൻ നെ​ല്ലി​ക്കു​ഴി സ്വ​ദേ​ശി കോ​ച്ചേ​രി എ​ന്ന യാ​സീ​ൻ, സ്കൂ​ൾ സെ​ക്യൂ​രി​റ്റി ജീ​വ​ന​ക്കാ​ര​നാ​യ പാ​ലാ സ്വ​ദേ​ശി സാ​ജു ബി​ജു എ​ന്നി​വ​രാ​ണ്​ എ​ക്സൈ​സ് സാ​ന്നി​ധ്യം മ​ന​സ്സി​ലാ​ക്കി സം​ഭ​വ​സ്ഥ​ല​ത്തു​നി​ന്ന്​ ക​ട​ന്നു​ക​ള​ഞ്ഞ​ത്.

വ​ടാ​ട്ടു​പാ​റ സ്വ​ദേ​ശി​ക​ളാ​യ ഷ​ഫീ​ഖ്, അ​ശാ​ന്ത്, ആ​ഷി​ഖ്, മു​നീ​ർ, കു​ത്തു​കു​ഴി സ്വ​ദേ​ശി ഹ​രി​കൃ​ഷ്ണ​ൻ എ​ന്നി​വ​രാ​ണ് എ​ക്സൈ​സ് സം​ഘ​ത്തി​ന്‍റെ പി​ടി​യി​ലാ​യ​ത്. സ്കൂ​ൾ വ​ള​പ്പി​ൽ യാ​സീ​ൻ ഉ​പേ​ക്ഷി​ച്ച ബു​ള്ള​റ്റി​ൽ​നി​ന്ന് ക​ഞ്ചാ​വ് ക​ണ്ടെ​ത്തി. സെ​ക്യൂ​രി​റ്റി ജീ​വ​ന​ക്കാ​ര​ൻ താ​മ​സി​ക്കു​ന്ന കെ​ട്ടി​ട​ത്തി​ലെ മു​റി സ്കൂ​ൾ ജീ​വ​ന​ക്കാ​രു​ടെ സാ​ന്നി​ധ്യ​ത്തി​ൽ തു​റ​ന്നു പ​രി​ശോ​ധി​ച്ച​പ്പോ​ൾ വി​ൽ​പ​ന​ക്ക്​ സൂ​ക്ഷി​ച്ച ക​ഞ്ചാ​വ് പൊ​തി​ക​ൾ ക​ണ്ടെ​ത്തി.

വ​ർ​ഷ​ങ്ങ​ളാ​യി സ്കൂ​ളി​ൽ സെ​ക്യൂ​രി​റ്റി ജോ​ലി ചെ​യ്യു​ന്ന സാ​ജു വ​ൻ​തോ​തി​ൽ ക​ഞ്ചാ​വ് വാ​ങ്ങി വി​ൽ​പ​ന ന​ട​ത്തു​ക​യും ക​ഞ്ചാ​വ് വ​ലി​ക്കു​ന്ന​തി​നു​മു​ള്ള സൗ​ക​ര്യം സ്കൂ​ൾ വ​ള​പ്പി​ലും കെ​ട്ടി​ട​ത്തി​ലും ചെ​യ്തു​കൊ​ടു​ക്കു​ന്ന​തു​മാ​യ വി​വ​രം എ​ക്സൈ​സ് സം​ഘ​ത്തി​ന് ല​ഭി​ച്ചി​രു​ന്നു.ഡ സ്കൂ​ളി​ലെ സി.​സി ടി.​വി സം​വി​ധാ​നം പ്ര​വ​ർ​ത്ത​ന​ര​ഹി​ത​മാ​ണെ​ന്ന് മാ​നേ​ജ്മെ​ന്‍റ്​ പ​റ​ഞ്ഞു. ഓ​ടി ക​ട​ന്നു​ക​ള​ഞ്ഞ​വ​ർ​ക്കൊ​പ്പം തൃ​ക്കാ​രി​യൂ​ർ സ്വ​ദേ​ശി രാ​ഹു​ലി​നു​മാ​യു​ള്ള അ​ന്വേ​ഷ​ണം സൈ​ബ​ർ സെ​ല്ലി​ന്റെ സ​ഹാ​യ​ത്തോ​ടെ എ​ക്സൈ​സ് ഷാ​ഡോ ടീം ​ഊ​ർ​ജി​ത​മാ​ക്കി.

എ​ക്സൈ​സ് ഇ​ൻ​സ്പെ​ക്ട​ർ വി.​ആ​ർ. ഹി​രോ​ഷ്, അ​സി. എ​ക്സൈ​സ് ഇ​ൻ​സ്പെ​ക്ട​ർ എം.​കെ. റെ​ജു, പ്രി​വ​ന്റി​വ് ഓ​ഫി​സ​ർ​മാ​രാ​യ കെ.​എ. നി​യാ​സ്, ജ​യ് മാ​ത്യൂ​സ്, എ​ൻ. ശ്രീ​കു​മാ​ർ, കെ.​കെ. വി​ജു, എ.​ഇ. സി​ദ്ദീ​ഖ്, സി​വി​ൽ എ​ക്സൈ​സ് ഓ​ഫി​സ​ർ​മാ​രാ​യ കെ.​സി. എ​ൽ​ദോ, പി.​വി. ബി​ജു, കെ.​ജി. അ​ജീ​ഷ്, ബേ​സി​ൽ കെ. ​തോ​മ​സ്, വ​നി​ത സി​വി​ൽ എ​ക്സൈ​സ് ഓ​ഫി​സ​ർ ശ്രീ​ല​ക്ഷ്മി വി​മ​ൽ, എ​ക്സൈ​സ് ഡ്രൈ​വ​ർ ക​ബി​രാ​ജ് എ​ന്നി​വ​ര​ട​ങ്ങു​ന്ന സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്.