Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightമാവോവാദി ജലീൽ...

മാവോവാദി ജലീൽ വെടിവെച്ചെന്ന് പറഞ്ഞിട്ടില്ല, മലക്കം മറിഞ്ഞ് പൊലീസ്

text_fields
bookmark_border
മാവോവാദി ജലീൽ വെടിവെച്ചെന്ന് പറഞ്ഞിട്ടില്ല, മലക്കം മറിഞ്ഞ് പൊലീസ്
cancel

തിരുവനന്തപുരം: മാവോയിസ്റ്റ് സി.പി ജലീൽ കൊല്ലപ്പെട്ട സംഭവത്തിൽ വിശദീകരണവുമായി പൊലീസ്. വൈത്തിരിയിലെ റിസോർട്ടിൽ വച്ചു നടന്ന ഏറ്റുമുട്ടലിനിടെയാണ് ജലീൽ കൊല്ലപ്പെട്ടത്. എന്നാൽ ജലീൽ വെടിവെച്ചുവെന്ന് തങ്ങൾ ആരോപിച്ചിട്ടില്ലെന്നാണ് വിശദീകരണം. മജിസ്റ്റീരിയൽ അന്വേഷണ റിപ്പോർട്ട് ചൂണ്ടിക്കാട്ടിയാണ് പൊലീസിന്‍റെ വിശദീകരണം.

റിസോർട്ടിൽ ഏറ്റുമുട്ടലുണ്ടായെന്നും പൊലീസ് തിരിച്ചു വെടിവച്ചുവെന്നും മജിസ്റ്റീരിയൽ അന്വേഷണത്തിൽ കണ്ടെത്തിയിട്ടുണ്ട്. സംഭവദിവസം ആയുധധാരികളായ രണ്ട് മാവോയിസ്റ്റുകൾ റിസോർട്ടിൽ വന്നിരുന്നു. അവരുടെ കൈവശം ആയുധങ്ങൾ ഉണ്ടായിരുന്നതായി സി.സി.ടിവി ദൃശ്യങ്ങളിൽ നിന്നും വ്യക്തമാണ്.

ജലീലും ചന്ദ്രുവുമാണ് റിസോർട്ടിലെത്തിയത്. ചന്ദ്രുവാണ് പൊലീസിന് നേരെ വെടിവച്ചത്. തിരിച്ചുള്ള പൊലീസ് ആക്രമണത്തിൽ ജലീലിന് വെടിയേറ്റു. സ്ഥലപരിശോധനയിൽ എകെ 47 തോക്കിൻ്റെ തിരകളും കണ്ടെത്തിയിട്ടുണ്ട്. ഇത് രക്ഷപ്പെട്ട മാവോയിസ്റ്റ് വെടിവെച്ചതാണെന്നും പൊലീസ് പറഞ്ഞു. ജലീലിൻ്റെ തോക്കിൻ്റെ ഫോറൻസിക് റിപ്പോർട്ട് ചൂണ്ടിക്കാട്ടിയുള്ള വിവാദങ്ങളിൽ അടിസ്ഥാനമില്ലെന്നും പൊലീസ് വ്യക്തമാക്കി.

വയനാട്​ ല​ക്കി​ടി​യി​ലെ റി​സോ​ർ​ട്ടി​ൽ കഴിഞ്ഞ വർഷം മാർച്ചിൽ മാ​വോ​വാ​ദി സി.​പി. ജ​ലീ​ലി​നെ ഏ​റ്റു​മു​ട്ട​ലി​ൽ കൊ​ല​പ്പെ​ടു​ത്തി​യെ​ന്ന പൊ​ലീ​സ് വാ​ദ​ത്തി​ന്​ തി​രി​ച്ച​ടിയായിരുന്നു ഫോ​റ​ൻ​സി​ക്​ റി​പ്പോ​ർ​ട്ട്. ജ​ലീ​ലി​െൻറ തോ​ക്കി​ൽ​നി​ന്ന് വെ​ടി​യു​തി​ർ​ത്തി​ട്ടി​ല്ലെ​ന്ന് റി​പ്പോ​ർ​ട്ടിൽ വ്യക്തമാക്കിയിരുന്നു. ജ​ലീ​​ൽ ഉ​പ​യോ​ഗി​ച്ചെ​ന്ന്​ പ​റ​യു​ന്ന റൈ​ഫി​ളി​ൽ നി​ന്ന്​ വെ​ടി​പൊ​ട്ടി​യി​ട്ടി​ല്ലെ​ന്ന്​ വ്യ​ക്​​ത​മാ​ക്കു​ന്ന റി​പ്പോ​ർ​ട്ട്, പൊ​ലീ​സ് ഹാ​ജ​രാ​ക്കി​യ സ​ർ​വി​സ് തോ​ക്കു​ക​ളി​ൽ ഒ​മ്പ​ത്​ എ​ണ്ണ​ത്തി​ൽ​നി​ന്ന് വെ​ടി​യു​തി​ർ​ത്തി​ട്ടു​ണ്ടെ​ന്നും പ​റ​യു​ന്നു. ജ​ലീ​ലി​െൻറ വ​ല​തു കൈ​യി​ൽ വെ​ടി​മ​രു​ന്നി​െൻറ അ​വ​ശി​ഷ്​​ട​ം ക​ണ്ടെ​ത്തി​യി​ട്ടില്ലെന്നും റിപ്പോർട്ടിലുണ്ട്.

2019 മാ​ർ​ച്ച് ഏ​​ഴി​നാ​ണ് ല​ക്കി​ടി​യി​ലെ ഉ​പ​വ​ൻ റി​സോ​ർ​ട്ടി​ൽ ജ​ലീ​ൽ കൊ​ല്ല​പ്പെ​ട്ട​ത്. തോ​ക്കു​മാ​യെ​ത്തി​യ ജ​ലീ​ൽ വെ​ടി​വെ​ച്ച​പ്പോ​ൾ തി​രി​കെ വെ​ടി​വെ​ച്ചു എ​ന്നാ​ണ്​ പൊ​ലീ​സ് വി​ശ​ദീ​ക​രി​ച്ച​ത്. ഫെ​ബ്രു​വ​രി​യി​ൽ ത​ന്നെ ഫോ​റ​ൻ​സി​ക് ലാ​ബ് വ​യ​നാ​ട്​ ജി​ല്ല കോ​ട​തി​യി​ൽ റി​പ്പോ​ർ​ട്ട് ന​ൽ​കി​യെ​ങ്കി​ലും കു​ടും​ബാം​ഗ​ങ്ങ​ൾ ന​ട​ത്തി​യ നി​യ​മ​പ​ര​മാ​യ ഇ​ട​പെ​ട​ൽ വ​ഴി​യാ​ണ്​ പു​റ​ത്തു​വ​ന്ന​ത്.

Show Full Article
TAGS:maoist jaleel encounter thunder bolt 
Next Story