യാത്രാ നിരോധനം: വയനാടിനോട് നീതി കാട്ടണമെന്ന് രാഹുൽ ഗാന്ധി

സുൽത്താൻ ബത്തേരി: കോ​ഴി​ക്കോ​ട്-​കൊ​െ​ല്ല​ഗ​ല്‍ 766 ദേശീയപാതയിലെ യാത്രാ നിരോധന പ്രശ്നം സമവായത്തിലൂടെ പരിഹരിക്കണമെന്ന് വയനാട് എം.പി രാഹുൽ ഗാന്ധി. വയനാടിനോട് നീതി കാട്ടണമെന്നും അദ്ദേഹം ആവശ്യപ്പെട്ടു. പൂ​ര്‍ണ ഗ​താ​ഗ​ത നി​രോ​ധ​നം ഏ​ര്‍പ്പെ​ടു​ത്താ​നു​ള്ള നീ​ക്ക​ത്തി​നെ​തി​രെ യു​വ​ജ​ന കൂ​ട്ടാ​യ്മ ന​ട​ത്തു​ന്ന അ​നി​ശ്ചി​ത​കാ​ല നി​രാ​ഹാ​ര സ​മ​രത്തിന് പിന്തുണ അറിയിച്ച് സംസാരിക്കുകയായിരുന്നു അദ്ദേഹം.

വയനാടിനൊപ്പം സംസ്ഥാന സർക്കാർ ഉണ്ടാകുമെന്ന് മുഖ്യമന്ത്രി ഉറപ്പു തന്നിട്ടുണ്ട്. പ്രമുഖ നിയമവിദഗ്ധർ വിഷയത്തിൽ ഇടപെടും. നിരാഹാരമിരിക്കുന്ന അഞ്ച് ചെറുപ്പക്കാരുടെ സമരം വെറുതേയാവില്ല. നാടിന് വേണ്ടിയുള്ള സമരമാണിതെന്നും എല്ലാ പിന്തുണയും നൽകുമെന്നും രാഹുൽ വ്യക്തമാക്കി.

രാവിലെ ഒമ്പത് മണിയോടെ വിനായക ആശുപത്രിയിൽ കഴിയുന്ന സമരസമിതി നേതാക്കളെ സന്ദർശിച്ച ശേഷമാണ് രാഹുൽ അ​നി​ശ്ചി​ത​കാ​ല നി​രാ​ഹാ​ര സ​മ​ര പന്തലിലെത്തിയത്. നി​രാ​ഹാ​ര സ​മ​രത്തിലുള്ള യുവനേതാക്കളെ ഐ​ക്യ​ദാ​ര്‍ഢ്യം അ​റി​യി​ച്ച രാഹുൽ വിവരങ്ങൾ ചോദിച്ചറിഞ്ഞു.

അതേസമയം, എ​ന്‍.​എ​ച്ച് 766 ട്രാ​ന്‍സ്പോ​ര്‍ട്ട് പ്രൊ​ട്ട​ക്​​ഷ​ന്‍ ആ​ക്​​ഷ​ന്‍ ക​മ്മി​റ്റി​യു​ടെ നേ​തൃ​ത്വ​ത്തി​ൽ ന​ട​ത്തു​ന്ന അ​നി​ശ്ചി​ത​കാ​ല നി​രാ​ഹാ​ര സ​മ​രം 10ാം ദി​ന​ത്തി​ലേ​ക്ക് കടന്നു. രാ​ത്രി​യാ​ത്ര നി​രോ​ധ​നം പി​ന്‍വ​ലി​ക്കു​ക, പാ​ത പൂ​ര്‍ണ​മാ​യി അ​ട​ച്ചി​ടാ​നു​ള്ള നീ​ക്കം അ​വ​സാ​നി​പ്പി​ക്കു​ക തു​ട​ങ്ങി​യ ആ​വ​ശ്യ​ങ്ങ​ളു​ന്ന​യി​ച്ചാ​ണ് വി​വി​ധ യു​വ​ജ​ന സം​ഘ​ട​ന​ക​ള്‍ ചേ​ര്‍ന്ന് ബ​ത്തേ​രി സ്വ​ത​ന്ത്ര മൈ​താ​നി​യി​ല്‍ നി​രാ​ഹാ​ര സ​മ​രം ന​ട​ത്തു​ന്ന​ത്. ര​ണ്ടു ല​ക്ഷ​ത്തോ​ളം ആ​ളു​ക​ൾ ഇ​തി​ന​കം സ​മ​ര​പ്പ​ന്ത​ല്‍ സ​ന്ദ​ര്‍ശി​ച്ച് ഐ​ക്യ​ദാ​ര്‍ഢ്യം അ​റി​യി​ച്ചു.