വനത്തിൽ കടുവയെ ചത്ത നിലയിൽ ക​ണ്ടെത്തി

കൽപ്പറ്റ: വയനാട് പുൽപ്പള്ളിക്കടുത്ത വെളുവല്ലിയിൽ വനത്തിൽ കടുവയെ ചത്ത നിലയിൽ കണ്ടെത്തി.

ഒരു മാസം മുൻപ് ആദിവാസി യുവാവിനെ കൊന്ന് തിന്ന കടുവയാണെന്നാണ്​ സംശയം. രണ്ടു വനം വകുപ്പ് ജീവനക്കാർക്കും കടുവയുടെ ആക്രമണത്തിൽ ഇവിടെ പരിക്കേറ്റിരുന്നു.

നാലുദിവസം മുമ്പ്​ പുൽപള്ളി പള്ളിച്ചിറയിൽ ഇറങ്ങിയ കടുവയെ പിടികൂടാൻ വനംവകുപ്പ്​ കൂട്​ സ്​ഥാപിച്ചിരുന്നു. പ്രദേശത്ത്​ കഴിഞ്ഞ രണ്ടാഴ്​ചക്കിടെ രണ്ടു പശുക്കിടാങ്ങളെയാണ്​ കടുവ കൊലപ്പെടുത്തിയത്​.