ത​മി​ഴ്‌​നാ​ട്ടി​ൽനി​ന്ന് ര​ക്ഷ​പ്പെ​ട്ട കൊ​ടും കു​റ്റ​വാ​ളി​യെ വ​യ​നാ​ട് പൊ​ലീ​സ് പി​ടി​കൂ​ടി

ക​ൽ​പ​റ്റ: ത​മി​ഴ്‌​നാ​ട് പൊ​ലീ​സ് ക​സ്റ്റ​ഡി​യി​ല്‍ നി​ന്നും ര​ക്ഷ​പ്പെ​ട്ട കൊ​ടും കു​റ്റ​വാ​ളി ലെ​നി​നെ വ​യ​നാ​ട് പൊ​ലീ​സ് പി​ടി​കൂ​ടി.

കേ​ര​ള​ത്തി​ലും ത​മി​ഴ്‌​നാ​ട്ടി​ലു​മാ​യി കൊ​ല​പാ​ത​കം, ബ​ലാ​ത്സ​ംഗം, പോ​ക്‌​സോ തു​ട​ങ്ങി​യ നി​ര​വ​ധി ക്രി​മി​ന​ല്‍ കേ​സു​ക​ളി​ല്‍ പ്ര​തി​യാ​യ കൃ​ഷ്ണ​ഗി​രി മൈ​ല​മ്പാ​ടി എം.​ജെ. ലെ​നി​നെ(40)​യാ​ണ് മേ​പ്പാ​ടി ഇ​ന്‍സ്‌​പെ​ക്ട​ര്‍ എ​സ്.​എ​ച്ച്.​ഒ ബി.​കെ. സി​ജു​വി​ന്റെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘം കോ​ഴി​ക്കോ​ട് റെ​യി​ൽവേ സ്‌​റ്റേ​ഷ​നി​ല്‍ നി​ന്ന് പി​ടി​കൂ​ടി​യ​ത്.

കോ​ട്ട​യം, കോ​ഴി​ക്കോ​ട് പൊ​ലീ​സി​ന്റെ​യും റെ​യി​ല്‍വേ പ്രൊ​ട്ട​ക്ഷ​ന്‍ ഫോ​ഴ്‌​സി​ന്റെ​യും സ​ഹാ​യ​ത്തോ​ടെ​യാ​യി​രു​ന്നു ന​ട​പ​ടി. ഇ​യാ​ള്‍ മം​ഗ​ലാ​പു​ര​ത്തേ​ക്ക് ക​ട​ക്കാ​നു​ള്ള ശ്ര​മ​മാ​യി​രു​ന്നു. ത​മി​ഴ്‌​നാ​ട്ടി​ല്‍ ബ​ലാ​ത്സം​ഗം, കൊ​ല​പാ​ത​ക കേ​സു​ക​ളി​ല്‍ ശി​ക്ഷ വി​ധി​ക്ക​പ്പെ​ട്ട് ജു​ഡി​ഷ്യ​ല്‍ ക​സ്റ്റ​ഡി​യി​ല്‍ ക​ഴി​യു​ക​യാ​യി​രു​ന്നു ഇ​യാ​ൾ. അ​മ്പ​ല​വ​യ​ല്‍ കൂ​ട്ട ബ​ലാ​ത്സം​ഗ കേ​സി​ല്‍ വി​ചാ​ര​ണ​ക്കു മു​മ്പു​ള്ള കു​റ്റം വാ​യി​ച്ചു കൊ​ടു​ക്ക​ല്‍ പ്ര​ക്രി​യ​ക്കാ​യി ബ​ത്തേ​രി കോ​ട​തി​യി​ലേ​ക്ക് കൊ​ണ്ടു​പോ​കു​മ്പോ​ഴാ​ണ് ത​മി​ഴ്‌​നാ​ട് പൊ​ലീ​സു​കാ​രി​ല്‍ നി​ന്നും ഇ​യാ​ള്‍ ര​ക്ഷ​പ്പെ​ട്ട​ത്.

ചൊ​വ്വാ​ഴ്ച വൈ​കീട്ട് മേ​പ്പാ​ടി സ്റ്റേ​ഷ​ന്‍ പ​രി​ധി​യി​ലെ കാ​പ്പം​കൊ​ല്ലി​യി​ല്‍ വെ​ച്ചാ​ണ് ര​ക്ഷ​പ്പെ​ട്ട​ത്. ത​മി​ഴ്‌​നാ​ട്ടി​ല്‍ ര​ജി​സ്റ്റ​ര്‍ ചെ​യ്ത ഇ​ര​ട്ട​ക്കൊ​ല​പാ​ത​ക കേ​സി​ല്‍ 64 വ​ര്‍ഷം ശി​ക്ഷ വി​ധി​ക്ക​പ്പെ​ട്ട​യാ​ളാ​ണ് ലെ​നി​ന്‍. 2022ല്‍ ​പ്രാ​യ​പൂ​ര്‍ത്തി​യാ​വാ​ത്ത പെ​ണ്‍കു​ട്ടി​യെ എ​റ​ണാ​കു​ള​ത്ത് നി​ന്ന് ത​ട്ടി​ക്കൊ​ണ്ടു​വ​ന്ന് എ​ട​ക്ക​ലി​ലെ ഹോം​സ്റ്റേ​യി​ലെ​ത്തി​ച്ച് ല​ഹ​രി​വ​സ്തു​ക്ക​ള്‍ ന​ല്‍കി 17 പേ​ര്‍ ചേ​ര്‍ന്ന് കൂ​ട്ട ബ​ലാ​ത്സ​ംഗം ചെ​യ്ത കേ​സി​ലെ പ്ര​തി​യാ​ണ്. അ​മ്പ​ല​വ​യ​ല്‍ സ്റ്റേ​ഷ​നി​ല്‍ ഇ​മ്മോ​റ​ല്‍ ട്രാ​ഫി​ക്, റോ​ബ​റി എ​ന്നീ കേ​സു​ക​ളി​ലും, ബ​ത്തേ​രി സ്‌​റ്റേ​ഷ​നി​ല്‍ അ​ക്ര​മി​ച്ച് പൊ​തു​മു​ത​ല്‍ ന​ശി​പ്പി​ക്ക​ല്‍ കേ​സി​ലും, ക​ല്‍പ്പ​റ്റ സ്‌​റ്റേ​ഷ​നി​ല്‍ ഇ​മ്മോ​റ​ല്‍ ട്രാ​ഫി​ക് കേ​സി​ലും പ്ര​തി​യാ​ണ്.