വയനാട് ദുരന്തം; ദുരിതാശ്വാസ നിധിയിലേക്ക് വഖഫ് ബോർഡ് 25 ലക്ഷം നൽകും

കൊ​ച്ചി: വ​യ​നാ​ട്​ ഉ​രു​ൾ​പൊ​ട്ട​ൽ ദു​ര​ന്ത​ത്തി​ൽ സം​സ്ഥാ​ന വ​ഖ​ഫ് ബോ​ർ​ഡ് യോ​ഗം അ​നു​ശോ​ചി​ച്ചു. ദു​രി​ത​ബാ​ധി​ത​രു​ടെ പു​ന​ര​ധി​വാ​സ​ത്തി​നും ഭ​വ​ന നി​ർ​മാ​ണ​ത്തി​നു​മാ​യി ത​ന​ത് ഫ​ണ്ടി​ൽ​നി​ന്ന്​ 25 ല​ക്ഷം രൂ​പ മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ലേ​ക്ക് കൈ​മാ​റും. ദു​രി​താ​ശ്വാ​സ നി​ധി​യി​ലേ​ക്ക് ന​ൽ​കാ​ൻ വ​ഖ​ഫ്​ സ്ഥാ​പ​ന​ങ്ങ​ൾ പ​ര​മാ​വ​ധി പ​ണം ശേ​ഖ​രി​ച്ച് ബോ​ർ​ഡി​ന്​ കൈ​മാ​റ​ണ​മെ​ന്ന് അ​ഭ്യ​ർ​ഥി​ക്കു​ന്ന​തി​നും തീ​രു​മാ​നി​ച്ചു.

യോ​ഗ​ത്തി​ൽ മെം​ബ​ർ​മാ​രാ​യ പി. ​ഉ​ബൈ​ദു​ല്ല എം.​എ​ൽ.​എ, എം. ​നൗ​ഷാ​ദ് എം.​എ​ൽ.​എ, അ​ഡ്വ. എം. ​ഷ​റ​ഫു​ദ്ദീ​ൻ, എം.​സി. മാ​യി​ൻ ഹാ​ജി, അ​ഡ്വ. പി.​വി. സൈ​നു​ദ്ദീ​ൻ, റ​സി​യ ഇ​ബ്രാ​ഹിം, പ്ര​ഫ. കെ.​എം. അ​ബ്ദു​ൽ റ​ഹീം, വി.​എം. ര​ഹ​ന, ചീ​ഫ് എ​ക്സി​ക്യൂ​ട്ടി​വ് ഓ​ഫി​സ​ർ വി.​എ​സ്. സ​ക്കീ​ർ ഹു​സൈ​ൻ എ​ന്നി​വ​ർ പ​ങ്കെ​ടു​ത്തു.

കെ.ജി.എം.ഒ.എ 25 ലക്ഷം രൂപ നൽകി

വ​യ​നാ​ട് ഉ​രു​ൾ​പൊ​ട്ട​ൽ ദു​ര​ന്ത​സ​ഹാ​യ​മാ​യി മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ലേ​ക്കു​ള്ള ആ​ദ്യ ഗ​ഡു 25 ല​ക്ഷം രൂ​പ ആ​രോ​ഗ്യ​മ​ന്ത്രി വീ​ണാ ജോ​ർ​ജി​ന് കെ.​ജി.​എം.​ഒ.​എ സം​സ്ഥാ​ന പ്ര​സി​ഡ​ൻ​റ് ഡോ. ​ടി.​എ​ൻ. സു​രേ​ഷ് കൈ​മാ​റി. ദു​ര​ന്ത​മു​ഖ​ത്ത് വൈ​ദ്യ​സ​ഹാ​യം ന​ൽ​കു​ന്ന​തി​നും ദു​ര​ന്ത​ത്തി​ൽ മ​രി​ച്ച​വ​രു​ടെ പോ​സ്റ്റ്മോ​ർ​ട്ടം വേ​ഗ​ത്തി​ൽ പൂ​ർ​ത്തി​യാ​ക്കു​ന്ന​തി​നും കെ.​ജി.​എം.​ഒ.​എ അം​ഗ​ങ്ങ​ൾ രം​ഗ​ത്തു​ണ്ടാ​യി​രു​ന്നു. വ​യ​നാ​ട്ടി​ലെ ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ളു​മാ​യി ബ​ന്ധ​പ്പെ​ട്ട് വൈ​ദ്യ​സ​ഹാ​യം ല​ഭ്യ​മാ​ക്കു​ന്ന​തി​ന്​ മെ​ഡി​ക്ക​ൽ ടീ​മു​ക​ളു​ടെ സേ​വ​നം തു​ട​ർ​ന്നും സം​സ്ഥാ​ന​ത​ല​ത്തി​ൽ ഏ​കോ​പി​പ്പി​ക്കു​മെ​ന്ന് കെ.​ജി.​എം.​ഒ.​എ ഉ​റ​പ്പു​ന​ൽ​കി.