വയനാട്ടിൽ നാലംഗ കുടുംബത്തെ തൂങ്ങി മരിച്ചനിലയിൽ കണ്ടെത്തി

കൽപ്പറ്റ: വയനാട്ടിൽ ഒരു കുടുംബത്തിലെ നാല് പേരെ തൂങ്ങി മരിച്ച നിലയിൽ കണ്ടെത്തി. വയനാട് തവിഞ്ഞാൽ തിടങ്ങഴി തോപ്പിൽ വിനോദ് (45), ഭാര്യ മിനി (40), മക്കൾ അനുശ്രീ (17), അഭിനവ് (12) എന്നിവരെയാണ് തൂങ്ങി മരിച്ച നിലയിൽ കണ്ടെത്തിയത്​.

വെള്ളിയാഴ്ച രാത്രി 10 മണിയോടെയാണ് ഇവരെ കാണാതാകുന്നത്. തുടർന്ന് പ്രദേശവാസികൾ തിരച്ചിൽ നടത്തിയെങ്കിലും കണ്ടെത്താനായില്ല. രാവിലെ നടത്തിയ തിരച്ചിലിലാണ് സമീപത്തെ തോട്ടത്തിൽ മൃതദേഹങ്ങൾ കണ്ടെത്തിയത്.

കടബാധ്യതയാണ് കൂട്ടആത്മഹത്യയിലേക്ക് നയിച്ചതെന്നാണ്​ പ്രാഥമിക നിഗമനം. പൊലീസ് അന്വേഷണം ആരംഭിച്ചു.