Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightമുല്ലപ്പെരിയാറിൽ...

മുല്ലപ്പെരിയാറിൽ ജലനിരപ്പ്​ ഉയരുന്നു​; ജനങ്ങളെ ക്യാമ്പുകളിലേക്ക്​ മാറ്റാൻ നടപടി തുടങ്ങി: പരിഭ്രാന്തരാകേണ്ട സാഹചര്യമില്ല

text_fields
bookmark_border
mullapperiyar
cancel

കുമളി: മുല്ലപ്പെരിയാര്‍ ഡാമിലെ ജലനിരപ്പ് ഉയരുന്ന പശ്ചാത്തലത്തിൽ ജനങ്ങളെ ക്യാമ്പുകളിലേക്ക്​ മാറ്റിപാർപ്പിക്കാൻ നടപടി തുടങ്ങി. വെള്ളിയാഴ്​ച രാവിലെ ഏഴ്​ മുതൽ ഡാമിന്‍റെ സ്​പിൽവേയിലുടെ ജലം പുറത്തേക്ക്​ ഒഴുക്കാൻ സാധ്യതയുണ്ടെന്ന തമിഴ്​നാട്​ ജലവിഭവ വകുപ്പിന്‍റെ അറിയിപ്പി ലഭിച്ച പശ്ചാത്തലത്തിലാണ്​ കേരളം നടപടി തുടങ്ങിയത്​.

എന്നാൽ ജനങ്ങൾ പരിഭ്രാന്തരാകേണ്ട സാഹചര്യമില്ലെന്ന് ജില്ലാ ഭരണകൂടം അറിയിച്ചു.​ ഉപ്പുതറ അയ്യപ്പൻകോവിൽ തീരദേശത്ത്​ ജനങ്ങളെ മാറ്റിപാർപ്പിക്കാൻ നടപടി തുടങ്ങി. വില്ലേജുകളിൽ 3 ക്യാമ്പ്​ വീതം തുറന്നിട്ടുണ്ട്​. മുന്നറിയിപ്പ്​ അനൗൺസ്​മെന്‍റുകൾ ആരംഭിച്ചിട്ടുണ്ട്​.

പീ​രു​മേ​ട് താ​ലൂ​ക്കി​ലെ ഏ​ല​പ്പാ​റ, ഉ​പ്പു​ത​റ, പെ​രി​യാ​ര്‍, മ​ഞ്ചു​മ​ല വി​ല്ലേ​ജു​ക​ൾ, ഇ​ടു​ക്കി താ​ലൂ​ക്കി​ലെ അ​യ്യ​പ്പ​ന്‍കോ​വി​ല്‍, കാ​ഞ്ചി​യാ​ര്‍ വി​ല്ലേ​ജു​ക​ള്‍, ഉ​ടു​മ്പ​ഞ്ചോ​ല താ​ലൂ​ക്കി​ലെ ആ​ന​വി​ലാ​സം എ​ന്നി​വി​ട​ങ്ങ​ളി​ൽ​ നി​ന്ന്​ 3220 പേ​രെ മാ​റ്റി പാ​ര്‍പ്പി​ക്കണം. ഓഫീസർമാരുടെയോ ചുമതലപ്പെട്ട മറ്റ് ഉദ്യോഗസ്ഥരുടെയോ നിർദ്ദേശാനുസരണം ക്യാമ്പുകളിലേക്ക്​ മാറിതാമസിക്കണമെന്ന്​ ജില്ലാ ഭരണകൂടം അറിയിച്ചു. ഇവർക്ക് മാറാനുള്ള വാഹന സൗകര്യം അതാത് സ്ഥലത്ത് ഏർപ്പാടാക്കിയിട്ടുണ്ട്. തികച്ചും കോവിഡ് പ്രോട്ടോകോൾ പാലിച്ചാണ് ക്യാമ്പുകൾ സജ്ജീകരിച്ചിരിക്കുന്നത്. എല്ലാ ക്യാമ്പിലും ചാർജ് ഓഫീസർമാരെ നിയോഗിച്ചിട്ടുണ്ട്.

മെഡിക്കൽ ആവശ്യത്തിനായി എല്ലായിടത്തും ടീമിനെ സജ്ജികരിച്ചിട്ടുണ്ട്. ക്യാമ്പിലേക്ക് മാറുന്നവരുടെ വീടുകളിൽ പോലീസ് നൈറ്റ് പട്രോളിംഗ് ഏർപ്പാടാക്കുമെന്നും അധികൃതർ അറിയിച്ചു.

​അതെസമയം മുല്ലപ്പെരിയാർ അണക്കെട്ടിലെ ജലനിരപ്പ് 138 അടി കടന്നു. രാവിലെ അഞ്ചിന് രേഖപ്പെടുത്തിയ കണക്ക് പ്രകാരം 138.05 അടിയാണ് നിലവിലെ ജലനിരപ്പ്. വൃ​ഷ്​​ടി​പ്ര​ദേ​ശ​ത്ത്​ നി​ന്ന്​ സെ​ക്ക​ൻ​ഡി​ൽ 5800 ഘ​ന​യ​ടി (ക്യുസെക്സ്) ജ​ല​മാ​ണ് അണക്കെട്ടിലേക്ക് ഒ​ഴു​കി എ​ത്തു​ന്ന​ത്. ഇന്നലെ രാത്രി അണക്കെട്ടിന്‍റെ വൃഷ്ടിപ്രദേശത്ത് മഴ ശക്തമായിരുന്നു. തമിഴ്നാട് സെക്കൻഡിൽ 2300 ഘനയടി വെള്ളമാണ് ടണൽ വഴി വൈഗ അണക്കെട്ടിലേക്ക് കൊണ്ടു പോകുന്നത്.ജലനിരപ്പ് 138 അടിയിലേക്ക് എത്തിയതോടെ രണ്ടാമത്തെ മുന്നറിയിപ്പ് തമിഴ്നാട് കേരളത്തിന് നൽകി. പുലർച്ചെ മൂന്നു മണിക്കാണ് ജലനിരപ്പ് 138 അടി പിന്നിട്ടത്.

Show Full Article
TAGS:mullaperiyar dam 
News Summary - Water level rises in Mullaperiyar updates
Next Story