തെ​ര​ഞ്ഞെ​ടു​പ്പ് കാ​ല​ത്തെ 'വെ​ള്ളം കു​ടി'

കോ​ട്ട​യം: തെ​ര​ഞ്ഞെ​ടു​പ്പ് ചൂ​ടാ​ണ് നാ​ടു മു​ഴു​വ​ൻ. അ​തി​നു മു​ക​ളി​ൽ പൊ​ള്ളു​ന്ന വേ​ന​ൽ​ച്ചൂ​ടും. ക​ത്തി​യെ​രി​യു​ന്ന സൂ​ര്യ​നു കീ​ഴി​ൽ വോ​ട്ടി​നാ​യു​ള്ള ഓ​ട്ട​പ്പാ​ച്ചി​ലി​ലാ​ണ് ന​മ്മു​ടെ സ്ഥാ​നാ​ർ​ഥി​ക​ൾ. പ്ര​സം​ഗ​ങ്ങ​ളും പ്ര​ചാ​ര​ണ കോ​ലാ​ഹ​ല​ങ്ങ​ളു​മാ​യി വെ​യി​ലി​ല​ല​യു​ന്ന ഇ​വ​രെ സ​മ്മ​തി​ക്ക​ണം.

ഈ ​ലോ​ക ജ​ല​ദി​ന​ത്തി​ൽ, ക​ത്തു​ന്ന ചൂ​ടി​ൽ വോ​ട്ടു​റ​പ്പി​ക്കു​ന്ന സ്ഥാ​നാ​ർ​ഥി​ക​ളു​ടെ 'വെ​ള്ളം കു​ടി​ശീ​ല​ങ്ങ​ൾ' എ​ങ്ങ​നെ​യെ​ന്ന​റി​യാം.

പി​ണ​റാ​യി​ക്ക്​ പ​ഥ്യം ചെ​റു​ചൂ​ടു​വെ​ള്ളം; ഉ​മ്മ​ൻ ചാ​ണ്ടി​ക്ക്​ ക​രി​ങ്ങാ​ലി​യി​ട്ടു തി​ള​പ്പി​ച്ച വെ​ള്ളം

മു​ഖ്യ​മ​ന്ത്രി പി​ണ​റാ​യി വി​ജ​യ​ന്​ ചെ​റു​ചൂ​ടു​വെ​ള്ള​മാ​ണ് പ​ഥ്യം. രാ​വി​ലെ ഇ​റ​ങ്ങു​മ്പോ​ഴേ വെ​ള്ളം ഫ്ലാ​സ്കി​ലാ​ക്കി വാ​ഹ​ന​ത്തി​ൽ ക​രു​തും. യാ​ത്ര​യി​ലു​ട​നീ​ളം ഇ​ട​ക്കി​ടെ കു​ടി​ച്ചു​കൊ​ണ്ടി​രി​ക്കും. ആ​ഹാ​ര​ക്ര​മ​ത്തി​ൽ, ചൂ​ടു​കാ​ല​മാ​യ​തി​നാ​ൽ പ്ര​ത്യേ​കി​ച്ചു മാ​റ്റ​മൊ​ന്നു​മി​ല്ല.

തി​രു​വ​ന​ന്ത​പു​ര​ത്തെ വീ​ട്ടി​ൽ​നി​ന്നാ​ണു പു​റ​പ്പെ​ടു​ന്ന​തെ​ങ്കി​ൽ ഉ​മ്മ​ൻ ചാ​ണ്ടി​യു​ടെ വാ​ഹ​ന​ത്തി​ൽ ക​രി​ങ്ങാ​ലി​യി​ട്ടു തി​ള​പ്പി​ച്ച വെ​ള്ളം മാ​ത്ര​മേ ഉ​ണ്ടാ​കൂ. അ​ല്ലാ​ത്ത​പ്പോ​ൾ തി​ള​പ്പി​ച്ചാ​റി​യ വെ​ള്ളം. വ​ണ്ടി​യി​ൽ പ​ഴ​മോ മു​ന്തി​രി​യോ ഉ​ണ്ടാ​കും.

ഇ​ട​ക്ക് എ​ടു​ത്ത് ക​ഴി​ക്കും. നേ​ര​ത്തേ കു​പ്പി​വെ​ള്ളം കു​ടി​ക്കു​മാ​യി​രു​ന്നു. അ​സു​ഖ​ബാ​ധി​ത​നാ​യ​തോ​ടെ ഭ​ക്ഷ​ണ​ക്ര​മ​ത്തി​ൽ ചി​ട്ട​വ​ന്നെ​ങ്കി​ലും തെ​ര​ഞ്ഞെ​ടു​പ്പാ​യ​തോ​ടെ അ​തു തെ​റ്റി. ഭ​ക്ഷ​ണ​ത്തി​നാ​യി സ​മ​യം ക​ള​യാ​റി​ല്ല. വാ​ഹ​ന​ത്തി​ലി​രു​ന്നു​കൊ​ണ്ടു ത​ന്നെ എ​ന്തെ​ങ്കി​ലും ക​ഴി​ക്കും.

കു​ഞ്ഞാ​ലി​ക്കു​ട്ടി​ക്ക്​ ചാ​യ നി​ർ​ബ​ന്ധം, പി.​ജെ. ജോ​സ​ഫിന്​ മോ​രും വെ​ള്ളം വി​ട്ടൊരു കളിയില്ല

മി​ന​റ​ൽ വാ​ട്ട​റോ ചൂ​ടു​വെ​ള്ള​മോ ആ​ണ് കു​ഞ്ഞാ​ലി​ക്കു​ട്ടി​ക്ക് പ്രി​യം. ഫ്ലാ​സ്കി​ൽ എ​പ്പോ​ഴും ചാ​യ​യും വെ​ള്ള​വും വാ​ഹ​ന​ത്തി​ലു​ണ്ടാ​വും. രാ​വി​ലെ 11ന് ​ഒ​രു ചാ​യ നി​ർ​ബ​ന്ധ​മാ​ണ്, വൈ​കീ​ട്ടും. ജ്യൂ​സോ നാ​ര​ങ്ങ​വെ​ള്ള​മോ പ​തി​വി​ല്ല. ദീ​ർ​ഘ​ദൂ​ര യാ​ത്ര​യ​ല്ലെ​ങ്കി​ൽ ഭ​ക്ഷ​ണം മി​ക്ക​വാ​റും വീ​ട്ടി​ൽ ത​ന്നെ.

രാ​വി​ലെ മോ​രും വെ​ള്ളം കു​ടി​ച്ചാ​ണ് പി.​ജെ. ജോ​സ​ഫ് വീ​ട്ടി​ൽ നി​ന്നി​റ​ങ്ങു​ക. അ​തു നി​ർ​ബ​ന്ധ​മാ​ണ്. ശു​ദ്ധീ​ക​രി​ച്ച വെ​ള്ള​മോ തി​ള​പ്പി​ച്ചാ​റ്റി​യ വെ​ള്ള​മോ മൂ​ന്നോ നാ​ലോ കു​പ്പി വ​ണ്ടി​യി​ലു​ണ്ടാ​കും, അ​തും ചി​ല്ലു കു​പ്പി.

നോ ​പ്ലാ​സ്​​റ്റി​ക് ബോ​ട്ടി​ൽ. വീ​ട്ടി​ൽ വി​ള​ഞ്ഞ പ​ഴം ഏ​തെ​ങ്കി​ലും ക​രു​തും. പു​റ​ത്തു​നി​ന്നു ക​രി​ക്കി​ൻ വെ​ള്ളം മാ​ത്ര​മേ കു​ടി​ക്കൂ. ചാ​യ​യും കാ​പ്പി​യും ഇ​ല്ല. സ​സ്യാ​ഹാ​ര​ത്തോ​ടാ​ണ് താ​ൽ​പ​ര്യം.

ജോ​സ് കെ. ​മാ​ണി​ക്ക്​ ഇഷ്​ടം തി​ള​പ്പി​ച്ചാ​റ്റി​യ വെള്ളം

ജോസ്​ കെ. മാണി തി​ള​പ്പി​ച്ചാ​റ്റി​യ വെ​ള്ളം കു​പ്പി​യി​ൽ ക​രു​തും. തെ​ര​ഞ്ഞെ​ടു​പ്പ് കാ​ല​മ​ല്ലെ​ങ്കി​ലും അ​താ​ണ് പ​തി​വ്.

രാ​വി​ലെ യോ​ഗ ക​ഴി​ഞ്ഞാ​ണ് അ​ദ്ദേ​ഹം പ്ര​ചാ​ര​ണ​ത്തി​നി​റ​ങ്ങു​ക തി​ള​പ്പി​ച്ചാ​റി​യ വെ​ള്ള​വും ക​രി​ക്കി​ൻ വെ​ള്ള​വു​മാ​ണ് തി​രു​വ​ഞ്ചൂ​ർ രാധാകൃഷ്​ണന്​ ഇ​ഷ്​​ടം. യാത്ര​യി​ലാ​ണെ​ങ്കി​ൽ ക​രി​ക്കി​ൻ വെ​ള്ളം വാ​ങ്ങി​ക്കു​ടി​ക്കും. കോ​ട്ട​യ​ത്തു​ണ്ടെ​ങ്കി​ൽ ഭ​ക്ഷ​ണം വീ​ട്ടി​ൽ ത​ന്നെ. യാ​ത്ര​യി​ൽ സ​മ​യം ലാ​ഭി​ക്കാ​ൻ അ​ദ്ദേ​ഹം ഭ​ക്ഷ​ണം ത​ന്നെ വേ​ണ്ടെ​ന്നു വെ​ക്കും.

ക​രി​ങ്ങാ​ലി​യി​ട്ടു തി​ള​പ്പി​ച്ച ചൂ​ടു​വെ​ള്ളം ത​ന്നെ​യാ​ണ് കു​മ്മ​നം രാ​ജ​ശേ​ഖ​ര​നും പ്രി​യം. എ​ന്നു ​െവ​ച്ച് നി​ർ​ബ​ന്ധ​ങ്ങ​ളി​ല്ല. പ്ര​വ​ർ​ത്ത​ക​ർ ന​ൽ​കു​ന്ന മി​ന​റ​ൽ വാ​ട്ട​റും ക​രി​ക്കി​ൻ വെ​ള്ള​വും കു​ടി​ക്കും. മൂ​ന്നു നേ​ര​വും സ​സ്യാ​ഹാ​രം.

വിത്തൗ​ട്ട് ചാ​യ​ എം.​എം. മ​ണിയുടെ എ​ന​ർ​ജി സീ​ക്ര​ട്ട്

മ​ന്ത്രി എം.​എം. മ​ണി തി​ള​പ്പി​ച്ചാ​റ്റി​യ വെ​ള്ളം ഫ്ലാ​സ്കി​ൽ ക​രു​തും. എ​ന്തു കൊ​ടു​ത്താ​ലും കു​ടി​ക്കും. തി​രി​ച്ചു​ക​ടി​ക്കാ​ത്ത​തെ​ന്തും ക​ഴി​ക്കും. വി​ത്തൗ​ട്ട് ചാ​യ​യാ​ണ് ആ​ശാ​‍െൻറ എ​ന​ർ​ജി സീ​ക്ര​ട്ട്. ദി​വ​സം 10-12 ചാ​യ വ​രെ കു​ടി​ക്കും. അ​തി​നി എ​ത്ര ചൂ​ടു​കാ​ല​മാ​യാ​ലും.

പ​ച്ച വെ​ള്ള​മാ​ണ് ബി​ന്ദു കൃ​ഷ്ണ​ക്ക് ഇ​ഷ്​​ടം. പു​റ​ത്തി​റ​ങ്ങി​യാ​ൽ മി​ന​റ​ൽ വാ​ട്ട​റും നാ​ര​ങ്ങ​വെ​ള്ള​വും. ക​ഴി​ഞ്ഞ വ​ർ​ഷം ഇ​തേ സ​മ​യ​ത്ത് കൊ​ല്ലം ജി​ല്ല​യി​ലു​ട​നീ​ളം 521 കി​ലോ​മീ​റ്റ​ർ പ​ദ​യാ​ത്ര ന​ട​ത്തി​യ​തി​‍െൻറ അ​നു​ഭ​വം ഉ​ള്ള​തി​നാ​ൽ ഈ ​ചൂ​ടൊ​ന്നും ചൂ​ട​ല്ല ബി​ന്ദു കൃ​ഷ്ണ​ക്ക്.

അ​ൽ​ഫോ​ൺ​സ് ക​ണ്ണ​ന്താ​നം രാ​വി​ലെ വീ​ട്ടി​ൽ നി​ന്നു ര​ണ്ടു ഗ്ലാ​സ് പ​ച്ച​വെ​ള്ളം കു​ടി​ച്ചി​റ​ങ്ങും. ചാ​യ കു​ടി​യി​ല്ല. വ​ല്ല​പ്പോ​ഴും മ​ധു​ര​മി​ടാ​ത്ത കാ​പ്പി മാ​ത്രം. പ്ര​ചാ​ര​ണ​ത്തി​നി​ടെ ശു​ചി​മു​റി അ​ന്വേ​ഷി​ച്ചു​പോ​കാ​ൻ സ​മ​യ​മി​ല്ലാ​ത്ത​തി​നാ​ലാ​ണ് വെ​ള്ളം കു​ടി ഒ​ഴി​വാ​ക്കു​ന്ന​ത്.

രാ​ത്രി വീ​ട്ടി​ൽ മ​ട​ങ്ങി​യെ​ത്തി​യാ​ൽ ധാ​രാ​ളം വെ​ള്ളം കു​ടി​ക്കു​ക​യും ചെ​യ്യും. അ​ന്ത​രി​ച്ച മു​ൻ മു​ഖ്യ​മ​ന്ത്രി കെ. ​ക​രു​ണാ​ക​ര​ന് ക​രി​ക്കി​ൻ വെ​ള്ള​ത്തോ​ടു​ള്ള ഇ​ഷ്​​ടം നാ​ട്ടി​ലെ​ങ്ങും പാ​ട്ടാ​യി​രു​ന്നു. എ​വി​ടെ ക​രി​ക്ക് ക​ണ്ടാ​ലും അ​ദ്ദേ​ഹം ക​ണ്ണു​െ​വ​ക്കും. വെ​ട്ടി കാ​റി​‍െൻറ ഡി​ക്കി​യി​ലി​ടു​മാ​യി​രു​ന്നു. ഇ​ങ്ങ​നെ പോ​കു​ന്നു നേ​താ​ക്ക​ളു​ടെ വെ​ള്ളം കു​ടി.