വെള്ളക്കരം​ ഓൺലൈനായും നേരിട്ടും അടക്കാം

തി​രു​വ​ന​ന്ത​പു​രം: ഗാ​ർ​ഹി​ക-​ഗാ​ർ​ഹി​കേ​ത​ര-​വ്യ​വ​സാ​യ ഉ​പ​ഭോ​ക്​​താ​ക്ക​ൾ​ക്ക്​ ഇ​നി കാ​ഷ് കൗ​ണ്ട​റി​ലൂ​ടെ​യും ഓ​ൺ​ലൈ​നാ​യും വെ​ള്ള​ക്ക​രം അ​ട​ക്കാം. ഗാ​ർ​ഹി​ക ഉ​പ​ഭോ​ക്താ​ക്ക​ൾ ഒ​ഴി​കെ​യു​ള്ള​വ​രു​ടേ​ത്​ ഓ​ൺ​ലൈ​ൻ വ​ഴി മാ​ത്ര​മേ സ്വീ​ക​രി​ക്കൂ​വെ​ന്ന ഉ​ത്ത​ര​വ്​ വാ​ട്ട​ർ അ​തോ​റി​റ്റി മ​ര​വി​പ്പി​ച്ചു.

500 രൂ​പ വ​രെ​യു​ള്ള വാ​ട്ട​ർ ചാ​ർ​ജ് ഓ​ൺ​ലൈ​ൻ വ​ഴി​യും കാ​ഷ് കൗ​ണ്ട​ർ വ​ഴി​യും അ​ട​ക്കാ​നു​ള്ള സൗ​ക​ര്യം ഗാ​ർ​ഹി​ക ഉ​പ​ഭോ​ക്താ​ക്ക​ൾ​ക്ക്​ മാ​ത്ര​മാ​ക്കി ജ​നു​വ​രി​യി​ൽ ഇ​റ​ക്കി​യ ഉ​ത്ത​ര​വാ​ണ് മ​ര​വി​പ്പി​ച്ച​ത്. പ​രിഷ്കാ​രം ജ​ന​ങ്ങ​ൾ​ക്ക് ബു​ദ്ധി​മു​ട്ടു​ണ്ടാ​ക്കു​ന്ന​താ​യി ശ്ര​ദ്ധ​യി​ൽ‍പെ​ട്ട​തി​നെ തു​ട​ർ​ന്നാ​ണി​ത്.

അതേസമയം, ഫെ​ബ്രു​വ​രി മൂ​ന്നി​ന്​ നിലവിൽ വന്ന പു​തി​യ നി​ര​ക്കോടെ വെ​ള്ള​ക്ക​ര​ത്തി​ൽ വ​ൻ വ​ർ​ധ​നയാണ് ഉ​ണ്ടാ​യിരിക്കുന്നത്. ജ​ല​അ​തോ​റി​റ്റി പു​റ​ത്തു​വി​ട്ട അ​ന്തി​മ നി​ര​ക്ക്​ പ്ര​കാ​രം മാ​സം 25 കി​ലോ ലി​റ്റ​ർ ഉ​പ​യോ​ഗി​ക്കു​ന്ന ഒ​രു കു​ടും​ബ​ത്തി​ന്​ 250 രൂ​പ​യോ​ളം വ​ർ​ധ​ന വ​രും. വ്യ​വ​സാ​യ-​വാ​ണി​ജ്യ ഉ​പ​ഭോ​ക്താ​ക്ക​ൾ​ക്കും നി​ര​ക്ക്​ ഗ​ണ്യ​മാ​യി കൂ​ടും.

എന്നാൽ, ഫി​ക്സ​ഡ്​ ചാ​ർ​ജി​ൽ വ​ർ​ധ​ന വ​രു​ത്തി​യി​ട്ടി​ല്ല. 15,000 ലി​റ്റ​ർ​വ​രെ മാ​സം ഉ​പ​യോ​ഗി​ക്കു​ന്ന ബി.​പി.​എ​ൽ കു​ടും​ബ​ങ്ങ​ൾ​ക്ക്​ വെ​ള്ള​ക്ക​രം ന​ൽ​കേ​ണ്ട എ​ന്ന നി​ല തു​ട​രും.

മാ​സം 5000 ലി​റ്റ​ർ​വ​രെ ഉ​പ​യോ​ഗി​ക്കു​ന്ന കു​ടും​ബ​ത്തി​ന്​ 50 രൂ​പ അ​ധി​കം ന​ൽ​കേ​ണ്ടി​വ​രും. നി​ല​വി​ൽ 22.05 രൂ​പ ​കൊ​ടു​ത്തി​രു​ന്ന​വ​ർ ഇ​നി 72.05 രൂ​പ​യാ​ണ്​ ന​ൽ​കേ​ണ്ടി​വരിക. ര​ണ്ടി​ര​ട്ടി​യോ​ളം വ​ർ​ധ​ന​യാ​ണ്​ വ​ന്ന​ത്. സ​മാ​ന നി​ര​ക്കി​ലു​ള്ള വ​മ്പ​ൻ വ​ർ​ധ​ന​യാ​ണ്​ എ​ല്ലാ സ്ലാ​ബു​ക​ളി​ലും ഉ​ണ്ടാ​യ​ത്.