​ജല അതോറിറ്റിയുടെ തടഞ്ഞുവെച്ച പണം: 450 കോടിയിലേറെ വെട്ടിക്കുറക്കാൻ നീക്കം

തി​രു​വ​ന​ന്ത​പു​രം: ജ​ല അ​തോ​റി​റ്റി​യു​ടെ ട്ര​ഷ​റി അ​ക്കൗ​ണ്ടി​ൽ​നി​ന്ന്​ സ​ർ​ക്കാ​ർ തി​രി​ച്ചു​പി​ടി​ച്ച 770 കോ​ടി​യി​ൽ 450 ​കോ​ടി​യി​ലേ​റെ രൂ​പ പൂ​ർ​ണ​മാ​യും മ​ട​ക്കി​ന​ൽ​കാ​തി​രി​ക്കാ​ൻ നീ​ക്കം. അ​തോ​റി​റ്റി​യു​ടെ വൈ​ദ്യു​തി ചാ​ർ​ജി​ന​ത്തി​ൽ കെ.​എ​സ്.​ഇ.​ബി​ക്ക്​ സ​ർ​ക്കാ​ർ ന​ൽ​കി​യ തു​ക​യു​ടെ പേ​രി​ലാ​ണി​ത്.

മു​ഴു​വ​ൻ തു​ക​യും ന​ൽ​കാ​നാ​കി​ല്ലെ​ന്നും വൈ​ദ്യു​തി ചാ​ർ​ജി​ന​ത്തി​ൽ ​കെ.​എ​സ്.​ഇ.​ബി​ക്ക്​ സ​ർ​ക്കാ​ർ ന​ൽ​കേ​ണ്ടി​വ​ന്ന തു​ക കു​റ​ക്ക​ണ​മെ​ന്നു​മു​ള്ള നി​ല​പാ​ടി​ലാ​ണ്​ ധ​ന വ​കു​പ്പ്. ജ​ല ​​​അ​തോ​റി​റ്റി മാ​നേ​ജ്​​മെ​ന്‍റും ജീ​വ​ന​ക്കാ​രു​ടെ സം​ഘ​ട​ന​ക​ളും ഇ​തി​ലു​ള്ള വി​യോ​ജി​പ്പ്​ ധ​ന​വ​കു​പ്പി​നെ അ​റി​യി​ച്ചി​ട്ടു​ണ്ട്. സ​ർ​ക്കാ​റി​ന്‍റെ സാ​മ്പ​ത്തി​ക ഞെ​രു​ക്ക​ത്തി​ന്‍റെ പ​ശ്ചാ​ത്ത​ല​ത്തി​ൽ 770 കോ​ടി പൂ​ർ​ണ​മാ​യും മ​ട​ക്കി​ക്കി​ട്ടു​മോ എ​ന്ന ആ​ശ​ങ്ക ശ​ക്ത​മാ​ണ്.

പൊ​തു​ടാ​പ്പു​ക​ൾ വ​ഴി ജ​ല​വി​ത​ര​ണം ന​ട​ത്തി​യ​തി​ന്​ ത​ദ്ദേ​ശ സ്ഥാ​പ​ന​ങ്ങ​ൾ വ​ഴി ല​ഭി​ച്ച തു​ക​യാ​ണ്​ 770 കോ​ടി​യി​ൽ 719 കോ​ടി​യും. സ​ർ​ക്കാ​ർ വ​കു​പ്പു​ക​ളും ത​ദ്ദേ​ശ​സ്ഥാ​പ​ന​ങ്ങ​ളും വെ​ള്ള​ക്ക​രം കൃ​ത്യ​മാ​യി ന​ൽ​കാ​ത്ത​തു​മൂ​ല​മു​ള്ള വ​ലി​യ ​പ്ര​തി​സ​ന്ധി ജ​ല അ​തോ​റി​റ്റി നേ​രി​ടു​ന്നു​ണ്ട്.

ഇ​തി​നി​ടെ​യാ​ണ്​ കാ​ത്തി​രി​​പ്പി​നൊ​ടു​വി​ൽ ല​ഭി​ക്കു​ന്ന ഇ​ത്ത​രം കു​ടി​ശ്ശി​ക പ​ണം ചെ​ല​വ​ഴി​ക്കാ​നാ​വാ​ത്ത സാ​ഹ​ച​ര്യം. സാ​മ്പ​ത്തി​ക വ​ർ​ഷാ​വ​സാ​നം സ​ർ​ക്കാ​ർ ഇ​ത്ത​ര​ത്തി​ൽ ട്ര​ഷ​റി​യി​​ലെ പ​ണം തി​രി​​ച്ചെ​ടു​ക്കാ​റു​​​ണ്ടെ​ങ്കി​ലും ഏ​പ്രി​ൽ ആ​ദ്യ​വാ​രം തി​രി​കെ ന​ൽ​കാ​റു​ണ്ട്. ഇ​ത്​ വൈ​കി​യ​തോ​ടെ​യാ​ണ്​ പ​ണം കി​ട്ടാ​ത്ത​തി​ലെ പ്ര​തി​സ​ന്ധി ചൂ​ണ്ടി​ക്കാ​ട്ടി ജ​ല​വി​ഭ​വ വ​കു​പ്പ്​ അ​ഡീ​ഷ​ന​ൽ ചീ​ഫ്​ സെ​ക്ര​ട്ട​റി​ക്ക്​ മാ​നേ​ജി​ങ്​ ഡ​യ​റ​ക്ട​ർ ക​ത്ത്​ ന​ൽ​കി​യ​ത്.

സ​ർ​ക്കാ​ർ ന​ട​പ​ടി​​യി​ൽ ജീ​വ​ന​ക്കാ​രു​​ടെ സം​ഘ​ട​ന​ക​ൾ പ്ര​തി​ഷേ​ധ​ത്തി​ലാ​ണ്. അ​ർ​ഹ​മാ​യ പ​ണം തി​രി​കെ ന​ൽ​ക​ണ​മെ​ന്ന്​ സ​ർ​ക്കാ​റി​നോ​ട്​ ആ​വ​ശ്യ​പ്പെ​ട്ടി​ട്ടു​ണ്ടെ​ന്നും ഇ​ത​ട​ക്കം പ്ര​ശ്​​ന​ങ്ങ​ൾ ഉ​യ​ർ​ത്തി വ്യാ​ഴാ​ഴ്ച ജ​ല​ഭ​വ​ൻ ധ​ർ​ണ ന​ട​ത്തു​മെ​ന്നും കേ​ര​ള വാ​ട്ട​ർ അ​തോ​റി​റ്റി സ്​​റ്റാ​ഫ്​ അ​സോ​സി​യേ​ഷ​ൻ ജ​ന​റ​ൽ സെ​ക്ര​ട്ട​റി പി. ​ബി​ജു ‘മാ​ധ്യ​മ’​ത്തോ​ട്​ പ​റ​ഞ്ഞു.