വീട്​ മാറുമ്പോൾ ഇനി പാഴ്​വസ്തു തലവേദനയാകില്ല

കൊ​ച്ചി: വീ​ട്​ മാ​റു​മ്പോ​ഴും പു​തു​ക്കു​മ്പോ​ഴും ഉ​ണ്ടാ​കു​ന്ന പാ​ഴ്​​വ​സ്തു​ക്ക​ൾ എ​ന്ത്​ ചെ​യ്യു​മെ​ന്നോ​ർ​ത്ത്​ ടെ​ൻ​ഷ​ൻ അ​ടി​ക്കേ​ണ്ട. ശാ​സ്ത്രീ​യ​മാ​യി ശേ​ഖ​രി​ച്ച്​ സം​സ്ക​രി​ക്കാ​ൻ പ​ദ്ധ​തി ന​ട​പ്പാ​ക്കാ​ൻ ഒ​രു​ങ്ങു​ക​യാ​ണ്​ ക്ലീ​ൻ കേ​ര​ള ക​മ്പ​നി. എ​ല്ലാ ജി​ല്ല​യി​ലും സം​വി​ധാ​നം വൈ​കാ​തെ ന​ട​പ്പി​ൽ​വ​രും. പ്ര​ത്യേ​ക കേ​ന്ദ്ര​ങ്ങ​ൾ വ​ഴി​യാ​കും പാ​ഴ്​​വ​സ്തു​ക്ക​ൾ ശേ​ഖ​രി​ക്കു​ക.

നി​ല​വി​ൽ വീ​ടു​ക​ളി​ൽ​നി​ന്ന്​ ഹ​രി​ത ക​ർ​മ​സേ​നാം​ഗ​ങ്ങ​ൾ വ​ഴി ക്ലീ​ൻ കേ​ര​ള ക​മ്പ​നി പാ​ഴ്​​വ​സ്തു​ക്ക​ളും മാ​ലി​ന്യ​വും ശേ​ഖ​രി​ക്കു​ന്നു​ണ്ട്. ക​മ്പ​നി നേ​രി​ട്ട്​ വീ​ടു​ക​ളി​ലേ​ക്ക്​ എ​ത്തു​ക​യാ​ണ്​ പു​തി​യ പ​ദ്ധ​തി​യി​ലൂ​ടെ. വീ​ട്​ മാ​റി​പ്പോ​കു​മ്പോ​ഴും ന​വീ​ക​ര​ണം ന​ട​ത്തു​മ്പോ​ഴും ഉ​ണ്ടാ​കു​ന്ന പാ​ഴ്​​വ​സ്തു​ക്ക​ൾ എ​ന്ത്​ ചെ​യ്യു​മെ​ന്ന​ത്​ വ​ലി​യ ത​ല​വേ​ദ​ന​യാ​ണ്.

മാ​ലി​ന്യ​ങ്ങ​ൾ അ​ല​ക്ഷ്യ​മാ​യി വ​ലി​ച്ചെ​റി​യു​​ക​യോ പ​രി​സ്ഥി​തി​ക്കും മ​നു​ഷ്യ​ന്‍റെ ആ​രോ​ഗ്യ​ത്തി​നും ഹാ​നി​ക​ര​മാ​യ വി​ധ​ത്തി​ൽ അ​ശ്ര​ദ്ധ​മാ​യി നി​ക്ഷേ​പി​ക്കു​ക​യോ ചെ​യ്യു​ന്ന പ്ര​വ​ണ​ത ത​ട​യു​ക​യാ​ണ്​ പു​തി​യ പ​ദ്ധ​തി​യു​ടെ ല​ക്ഷ്യ​മെ​ന്ന്​ ക്ലീ​ൻ കേ​ര​ള ക​മ്പ​നി മാ​നേ​ജി​ങ്​ ഡ​യ​റ​ക്ട​ർ ജി.​കെ. സു​രേ​ഷ്​ കു​മാ​ർ ‘മാ​ധ്യ​മ’​ത്തോ​ട്​ പ​റ​ഞ്ഞു.

പ​രീ​ക്ഷ​ണാ​ടി​സ്ഥാ​ന​ത്തി​ൽ തൃ​ശൂ​ർ ജി​ല്ല​യി​ലും തി​രു​വ​ന​ന്ത​പു​രം മു​ട്ട​ത്ത​റ​യി​ലു​മാ​ണ്​ സം​വി​ധാ​നം ന​ട​പ്പാ​ക്കു​ന്ന​ത്. വി​ജ​യ​മെ​ന്ന്​ ക​ണ്ടാ​ൽ മ​റ്റു ജി​ല്ല​ക​ളി​ലും ന​ട​പ്പാ​ക്കും. ഓ​രോ ജി​ല്ല​ക്കും പ്ര​ത്യേ​ക ഫോ​ൺ ന​മ്പ​ർ ഉ​ണ്ടാ​കും. ഈ ​ന​മ്പ​റി​ൽ ബ​ന്ധ​പ്പെ​ടു​മ്പോ​ൾ ല​ഭി​ക്കു​ന്ന മാ​ർ​ഗ​നി​ർ​ദേ​ശ​മ​നു​സ​രി​ച്ച്​ നി​ശ്ചി​ത കേ​ന്ദ്ര​ത്തി​ൽ പാ​ഴ്​​വ​സ്തു​ക്ക​ൾ എ​ത്തി​ച്ചു​ന​ൽ​കാം. പ​ഴ​യ മെ​ത്ത, ത​ല​യ​ണ, കു​ഷ്യ​ൻ തു​ട​ങ്ങി​യ​വ​യെ​ല്ലാം സ​മാ​ഹ​രി​ക്കും. സി​മ​ന്‍റ്​ ഫാ​ക്ട​റി​യി​ൽ സം​സ്​​ക​രി​ക്കേ​ണ്ട​വ​ക്ക്​ കി​ലോ​ക്ക്​ പ​ത്ത​ു​രൂ​പ നി​ര​ക്കി​ൽ വീ​ട്ടു​ട​മ ന​ൽ​ക​ണം. മൂ​ല്യ​വ​ത്താ​യ മ​റ്റു​ പാ​ഴ്​​വ​സ്തു​ക്ക​ൾ​ക്ക്​ വീ​ട്ടു​ട​മ​ക്ക്​ വി​ല ല​ഭി​ക്കും. വീ​ട്​ നി​ർ​മാ​ണം, പൊ​ളി​ച്ചു​മാ​റ്റ​ൽ എ​ന്നി​വ​യു​മാ​യി ബ​ന്ധ​പ്പെ​ട്ടു​ണ്ടാ​കു​ന്ന മാ​ലി​ന്യം ത​ൽ​ക്കാ​ലം ശേ​ഖ​രി​ക്കി​ല്ല.

തു​ട​ക്ക​ത്തി​ൽ ജി​ല്ല​യി​ൽ ഒ​രു കേ​ന്ദ്ര​മാ​കും ഉ​ണ്ടാ​വു​ക. ജ​ന​വാ​സം കൂ​ടു​ത​ലു​ള്ള മേ​ഖ​ല​ക​ളെ​യാ​കും ആ​ദ്യം തെ​ര​ഞ്ഞെ​ടു​ക്കു​ക. പി​ന്നീ​ട്​ കൂ​ടു​ത​ൽ മേ​ഖ​ല​ക​ളി​ലേ​ക്ക്​ വ്യാ​പി​പ്പി​ക്കും.