Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightവിസ്​താരത്തിനിടെ...

വിസ്​താരത്തിനിടെ അസഭ്യപരാമർശം; അഭിഭാഷക​ന്​ താക്കീത്​

text_fields
bookmark_border
Marad massacre
cancel

തിരുവനന്തപുരം: കേസ്​ വിസ്​താരത്തിനിടെ അസഭ്യപരാമർശം നടത്തിയ അഭിഭാഷകന്​ കോടതിയുടെ താക്കീത്. കേസ്​ മാറ്റണമെന്ന കീഴ്​ക്കോടതിയുടെ ആവശ്യവും ജില്ല കോടതി അംഗീകരിച്ചു. വാഹനാപകടത്തിൽ മരിച്ചയാൾക്ക്​ നഷ്​ടപരിഹാരം ലഭ്യമാക്കുവാനുള്ള കേസി​െൻറ സാക്ഷി വിസ്താരത്തിനിടെയാണ്​ കോടതിയിൽ സീനിയർ അഭിഭാഷകൻ അസഭ്യപരാമർശം നടത്തിയത്​.

തിരുവനന്തപുരം മോട്ടോർ വാഹനാപകട കോടതി ജഡ്‌ജി എൻ. ശേഷാദ്രിനാഥ​െൻറ കോടതിയിലാണ് സംഭവം. മരിച്ചയാളിന് വേണ്ടി ഹരജി നൽകിയത്​ അയാളുടെ നിയമപ്രകാരമുള്ള ഭാര്യയല്ലെന്നാണ്​ എതിർകക്ഷികളുടെ ആരോപണം. അതി​െൻറ അടിസ്ഥാനത്തിൽ പ്രത്യേക വിവാഹ നിയമപ്രകാരമുള്ള സർട്ടിഫിക്കറ്റ് ഹാജരാക്കാൻ കോടതി പരാതിക്കാരനോട്​ നിർദേശിച്ചു. എന്നാൽ ഈ രേഖകൾ ഹാജരാക്കാതെ വിവാഹ ഉടമ്പടി കരാറാണ്​ ഹാജരാക്കിയത്​. കോടതിയെ തെറ്റിദ്ധരിപ്പിക്കാനാണ്​ ശ്രമിച്ചതെന്നു കണ്ട കോടതി പരാതിക്കാര​െൻറ അഭിഭാഷകനോട്​ വിശദീകരണം ആവശ്യപ്പെട്ടു. ഇതിൽ ക്ഷുഭിതനായായിരുന്നു അഭിഭാഷക​െൻറ പരാമർശം.

സീനിയർ അഭിഭാഷക​െൻറ നടപടി കണ്ട കോടതി തുടർനടപടികൾ നടത്താൻ താൽപര്യമില്ലെന്നും കേസ് മറ്റൊരു കോടതിക്ക് കൈമാറണമെന്നും ആവശ്യപ്പെട്ട്​ ജില്ല ജഡ്‌ജിക്ക് കത്ത് നൽകി. ഇതനുസരിച്ച്​​​ ജില്ല ജഡ്‌ജി കേസി​െൻറ തുടർനടപടികൾ തിരുവനന്തപുരം അഡീ.ഫാസ്​റ്റ്​ട്രാക്ക് കോടതിയിലേക്കാണ്​ കൈമാറിയത്​. 2012 സെപ്റ്റംബർ 11ന്​ വട്ടിയൂർക്കാവ് ഭാഗത്ത് നടന്ന വാഹനാപകടക്കേസാണ് കോടതി പരിഗണിക്കുന്നത്.

Show Full Article
TAGS:advocate 
News Summary - Warning to the lawyer for obscene remarks in court
Next Story