കേരളത്തിലെ മൂന്ന് നദികളിൽ ജലനിരപ്പ് ഉയരുമെന്ന് മുന്നറിയിപ്പ്

തിരുവനന്തപുരം: കനത്ത മഴയിൽ സംസ്ഥാനത്തെ മൂന്ന് നദികളിലെ ജലനിരപ്പ് അപകടകരമായ നിലയിലേക്ക് ഉയരുമെന്ന് കേന്ദ്ര ജല കമ്മീഷന്റെ മുന്നറിയിപ്പ്. തിരുവനന്തപുരത്തെ കരമനയാർ, നെയ്യാർ, മണിമല പുഴകളിലാണ് ജാഗ്രത മുന്നറിയിപ്പ് നൽകിയിട്ടുള്ളത്. ഈ നദികളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്.

പുഴകളുടെ സമീപ മേഖലകളിൽ താമസിക്കുന്നവർ ജാഗ്രത പാലിക്കണമെന്നും മുന്നറിയിപ്പുണ്ട്. അച്ചൻ കോവിൽ നദിയിൽ യെല്ലോ അലർട്ട് പ്രഖ്യാപിച്ചിട്ടുണ്ട്. ബംഗാൾ ഉൾക്കടലിലും അറബിക്കടലിലും രൂപപ്പെട്ട നൂനമർദത്തെതുടർന്ന് സംസ്ഥാനത്ത് ശക്തമായ മഴ ലഭിക്കുന്നുണ്ട്. അറബിക്കടലിലെ ന്യൂനമർദത്തിന്റെ ശക്തി കുറഞ്ഞിട്ടുണ്ട്.

നാലു ജില്ലകളിൽ ഒറ്റപ്പെട്ട മഴക്ക് സാധ്യതയുണ്ടെന്നാണ് കാലാവസ്ഥ വിഭാഗത്തിന്റെ മുന്നറിയിപ്പ്. തിരുവനന്തപുരം, കൊല്ലം, പത്തനം തിട്ട, ആലപ്പുഴ ജില്ലകളിലാണ് മുന്നറിയിപ്പ്. ഇവിടങ്ങളിൽ യെ​ല്ലോ അലർട്ടും പ്രഖ്യാപിച്ചിട്ടുണ്ട്.