അമൽജ്യോതി കോളജ്:​ വാർഡനെ ചുമതലയിൽനിന്ന്​ മാറ്റി

കാ​ഞ്ഞി​ര​പ്പ​ള്ളി: അ​മ​ൽ​ജ്യോ​തി എ​ൻ​ജി​നീ​യ​റി​ങ് കോ​ള​ജി​ലെ ചീ​ഫ് വാ​ർ​ഡ​നാ​യ സി​സ്റ്റ​ർ മാ​യ​യെ ചു​മ​ത​ല​ക​ളി​ൽ​നി​ന്ന്​ മാ​റ്റി​നി​ർ​ത്തി​യ​താ​യി കോ​ള​ജ് മാ​നേ​ജ്മെ​ന്‍റ്​ അ​റി​യി​ച്ചു. ശ്ര​ദ്ധ സ​തീ​ഷി​ന്റെ മ​ര​ണ​വു​മാ​യി ബ​ന്ധ​പ്പെ​ട്ട് സ​മ​രം ചെ​യ്ത വി​ദ്യാ​ർ​ഥി​ക​ളു​ടെ പ്ര​ധാ​ന ആ​വ​ശ്യ​ങ്ങ​ളി​ൽ ഒ​ന്നാ​യി​രു​ന്നു ഇ​ത്. സി​സ്റ്റ​ർ മാ​യ മ​റ്റൊ​രു രൂ​പ​ത​യി​ൽ​നി​ന്ന്​ എ​ത്തി ചു​മ​ത​ല​യേ​റ്റ​താ​യ​തി​നാ​ൽ കാ​ഞ്ഞി​ര​പ്പ​ള്ളി രൂ​പ​ത അ​ധ്യ​ക്ഷ​ൻ മാ​ർ ജോ​സ് പു​ളി​ക്ക​ലു​മാ​യി ആ​ലോ​ചി​ക്ക​ണ​മെ​ന്ന് കോ​ള​ജ് മാ​നേ​ജ്മെ​ന്‍റ്​ ച​ർ​ച്ച​യി​ൽ വ്യ​ക്ത​മാ​ക്കി​യി​രു​ന്നു.

ഇ​ക്കാ​ര്യ​ത്തി​ൽ രൂ​പ​തഅ​ധ്യ​ക്ഷ​ൻ അ​നു​കൂ​ല​മാ​യി പ്ര​തി​ക​രി​ച്ച​തി​നാ​ൽ ഇ​വ​രെ മാ​റ്റി നി​ർ​ത്തു​ക​യാ​ണെ​ന്ന്​ ഉ​ന്ന​ത വി​ദ്യാ​ഭ്യാ​സ മ​ന്ത്രി ആ​ർ. ബി​ന്ദു​വി​നെ മാ​നേ​ജ്മെ​ന്‍റ്​ അ​റി​യി​ച്ചു.

വനിത കമീഷന്‍ കേസെടുത്തു

കോ​ട്ട​യം: കാ​ഞ്ഞി​ര​പ്പ​ള്ളി അ​മ​ല്‍ജ്യോ​തി കോ​ള​ജ്​ വി​ദ്യാ​ര്‍ഥി​നി ശ്ര​ദ്ധ സ​തീ​ഷ്‌ ആ​ത്മ​ഹ​ത്യ ചെ​യ്ത സം​ഭ​വ​ത്തി​ല്‍ കേ​ര​ള വ​നി​ത ക​മീ​ഷ​ന്‍ സ്വ​മേ​ധ​യാ കേ​സെ​ടു​ത്തു. പൊ​ലീ​സ്‌ റി​പ്പോ​ര്‍ട്ട്‌ ഹാ​ജ​രാ​ക്കാ​ന്‍ കാ​ഞ്ഞി​ര​പ്പ​ള്ളി എ​സ്.​എ​ച്ച്‌.​ഒ​ക്ക്‌ ക​മീ​ഷ​ൻ നി​ര്‍ദേ​ശം ന​ല്‍കി. ശ്ര​ദ്ധ​യു​ടെ പി​താ​വ്‌ മു​ഖ്യ​മ​ന്ത്രി​ക്ക്‌ ന​ല്‍കി​യ പ​രാ​തി​യു​ടെ പ​ക​ര്‍പ്പും ക​മീ​ഷ​ന്‌ ല​ഭി​ച്ചി​ട്ടു​ണ്ട്‌.

ലാ​ബ്‌ അ​റ്റ​ൻ​ഡ​ർ ത​ന്‍റെ മ​ക​ളു​ടെ കൈ​യി​ല്‍നി​ന്ന്​ ഫോ​ണ്‍ വാ​ങ്ങി ടീ​ച്ച​ര്‍വ​ഴി വ​കു​പ്പു​ത​ല​വ​ന്‌ ന​ല്‍കു​ക​യും വ​കു​പ്പു​ത​ല​വ​ന്‍ ശ്ര​ദ്ധ​യെ ചോ​ദ്യം ചെ​യ്‌​ത​തി​ലു​മു​ണ്ടാ​യ മാ​ന​സി​കാ​ഘാ​ത​മാ​ണ്‌ ശ്ര​ദ്ധ ആ​ത്മ​ഹ​ത്യ ചെ​യ്യാ​നി​ട​യാ​ക്കി​യ​തെ​ന്ന്‌ പി​താ​വ്‌ സ​തീ​ഷ്‌ ന​ല്‍കി​യ പ​രാ​തി​യി​ല്‍ ആ​രോ​പി​ക്കു​ന്നു.