വാർഡ്​ വിഭജനം; ബ്ലോക്ക് പഞ്ചായത്തുകളില്‍ 187 അധിക വാര്‍ഡുകള്‍

തി​രു​വ​ന​ന്ത​പു​രം: സം​സ്ഥാ​ന​ത്തെ 152 ബ്ലോ​ക്ക് പ​ഞ്ചാ​യ​ത്തു​ക​ളി​ലാ​യി 187 വാ​ര്‍ഡു​ക​ള്‍ പു​തു​താ​യി നി​ല​വി​ല്‍വ​രും. ഇ​തോ​ടെ ബ്ലോ​ക്ക് പ​ഞ്ചാ​യ​ത്ത് വാ​ര്‍ഡു​ക​ളു​ടെ എ​ണ്ണം 2080ല്‍ ​നി​ന്ന് 2267 ആ​യി ഉ​യ​രും. ബ്ലോ​ക്ക് പ​ഞ്ചാ​യ​ത്ത് വാ​ര്‍ഡു​ക​ള്‍ പു​ന​ര്‍വി​ഭ​ജി​ച്ചു​ള്ള ക​ര​ട് വി​ജ്ഞാ​പ​ന​ത്തി​ൽ സ്ത്രീ​ക​ള്‍ക്കും പ​ട്ടി​ക​ജാ​തി- വ​ര്‍ഗ വി​ഭാ​ഗ​ങ്ങ​ള്‍ക്കു​മു​ള്ള സം​വ​ര​ണ വാ​ര്‍ഡു​ക​ളു​ടെ എ​ണ്ണ​വും പു​തു​ക്കി നി​ശ്ച​യി​ച്ചി​ട്ടു​ണ്ട്.

നി​ര്‍ദി​ഷ്ട ബ്ലോ​ക്ക് പ​ഞ്ചാ​യ​ത്ത് വാ​ര്‍ഡി​ല്‍ ഉ​ള്‍പ്പെ​ടു​ന്ന ഗ്രാ​മ​പ​ഞ്ചാ​യ​ത്ത് വാ​ര്‍ഡു​ക​ളും ജ​ന​സം​ഖ്യ​യും ഭൂ​പ​ട​വു​മാ​ണ് ക​ര​ട് വി​ജ്ഞാ​പ​ന​ത്തി​നൊ​പ്പ​മു​ള്ള​ത്. ആ​ക്ഷേ​പ​ങ്ങ​ളും അ​ഭി​പ്രാ​യ​ങ്ങ​ളും ജൂ​ണ്‍ ഏ​ഴു​വ​രെ സ​മ​ര്‍പ്പി​ക്കാം. ഡീ​ലി​മി​റ്റേ​ഷ​ന്‍ ക​മീ​ഷ​ന്‍ സെ​ക്ര​ട്ട​റി​ക്കോ ക​ല​ക്ട​ര്‍ക്ക് നേ​രി​ട്ടോ ര​ജി​സ്ട്രേ​ഡ് ത​പാ​ലി​ലോ ആ​ക്ഷേ​പ​ങ്ങ​ള്‍ ന​ല്‍കാം. രേ​ഖ​ക​ള്‍ ഹാ​ജ​രാ​ക്കാ​നു​ണ്ടെ​ങ്കി​ല്‍ സ്വ​യം സാ​ക്ഷ്യ​പ്പെ​ടു​ത്തി​യ പ​ക​ര്‍പ്പും ന​ല്‍ക​ണം.

ഡീ​ലി​മി​റ്റേ​ഷ​ന്‍ ക​മീ​ഷ​ന്റെ വി​ലാ​സം: സം​സ്ഥാ​ന ഡീ​ലി​മി​റ്റേ​ഷ​ന്‍ ക​മീ​ഷ​ന്‍, കോ​ര്‍പ​റേ​ഷ​ന്‍ ബി​ല്‍ഡി​ങ്​ നാ​ലാം നി​ല, വി​കാ​സ്ഭ​വ​ന്‍ പി.​ഒ, തി​രു​വ​ന​ന്ത​പു​രം -695033 ഫോ​ണ്‍:0471-2335030. വി​ജ്ഞാ​പ​നം അ​ത​ത് ത​ദ്ദേ​ശ​സ്ഥാ​പ​ന​ങ്ങ​ളി​ലും, ജി​ല്ല ക​ല​ക്ട​റേ​റ്റു​ക​ളി​ലും https://delimitation.lsgkerala.gov.in, https://sec.kerala.gov.in എ​ന്നീ വെ​ബ് സൈ​റ്റി​ലും പ​രി​ശോ​ധി​ക്കാം. അ​ന്തി​മ​പ​ട്ടി​ക മൂ​ന്നാ​ഴ്ച​ക്ക​കം പു​റ​ത്തി​റ​ക്കും. കോ​ർ​പ​റേ​ഷ​ൻ, മു​നി​സി​പ്പാ​ലി​റ്റി വാ​ർ​ഡ്​ വി​ഭ​ജ​ന​ത്തി​ന്‍റെ അ​ന്തി​മ​പ​ട്ടി​ക ക​ഴി​ഞ്ഞ​ദി​വ​സം പു​റ​​ത്തി​റ​ക്കി​യി​രു​ന്നു.