വഖഫ്​ റാലിയിൽ പ​ങ്കെടുത്തില്ല; എം.എൽ.എമാരോട്​ ലീഗ്​ വിശദീകരണം തേടി

കോഴിക്കോട്​: മുസ്​ലിം ലീഗിന്‍റെ വഖഫ്​ സംരക്ഷണ റാലിയിൽ പ​​ങ്കെടുക്കാതിരുന്ന എം.എൽ.എമാരായ കുറുക്കോളി മൊയ്തീൻ, എ.കെ.എം. അഷ്​റഫ്​ എന്നിവരോട്​ പാർട്ടി വിശദീകരണം തേടി. പാർട്ടി പരിപാടികളിൽ ഉദാസീനത കാണിക്കുന്നവർക്കെതിരെകർശന നടപടി സ്വീകരിക്കുന്നതിന്‍റെ ഭാഗമായി ജില്ല കമ്മിറ്റി റിപ്പോർട്ട്​ പ്രകാരമാണ്​ സംസ്ഥാന

കമ്മിറ്റി വിശദീകരണം തേടിയത്​. അസംബ്ലി കമ്മിറ്റിയിൽ പ​ങ്കെടുക്കുന്നതിനായി അസംബ്ലി പാർട്ടി സെക്രട്ടറി കെ.പി.എ. മജീദിനോട്​ നേരത്തെ അവധി ചോദിച്ചിരുന്നതായാണ്​​ കുറുക്കോളി മൊയ്തീൻ മറുപടി നൽകിയത്​. ദുബൈ സന്ദർശനത്തിലായതിനാലാണ്​ പ​ങ്കെടുക്കാൻ കഴിയാതിരുന്നതെന്ന്​ അഷ്​റഫും വിശദീകരിച്ചു.