കണ്ണൂരിൽ മതിൽ തകർന്ന് റോഡിലേക്ക് വീണു; കുട്ടികൾ രക്ഷപ്പെട്ടത് തലനാരിഴക്ക് -VIDEO

കണ്ണൂർ: അഞ്ചരക്കണ്ടിയിൽ മതിൽ തകർന്ന് റോഡിലേക്ക് വീണു. റോഡിലൂടെ പോകുകയായിരുന്ന കുട്ടികൾ ഓടിമാറിയതിനാൽ അത്ഭുതകരമായി രക്ഷപ്പെടുകയായിരുന്നു.

രാവിലെ 9.20ഓടെയാണ് സംഭവം. അഞ്ചരക്കണ്ടി പള്ളിയുടെ മതിലാണ് കനത്ത മഴയെ തുടർന്ന് തകർന്നത്. നിരവധി കുട്ടികളും വാഹനങ്ങളും കടന്നുപോകുന്ന റോഡിലേക്കാണ് മതിൽ വീണത്.

കണ്ണൂർ ജില്ലയിൽ ശക്തമായ മഴയാണ് ലഭിക്കുന്നത്. ജില്ലയിൽ ഇന്ന് ഓറഞ്ച് അലർട്ട് നിലവിലുണ്ട്.