മാവോവാദി സി.പി ജലീലിന്‍റെ മൃതദേഹം സംസ്കരിച്ചു VIDEO

മലപ്പുറം: വയനാട് ലക്കിടിയിലെ സ്വകാര്യ റിസോർട്ടിൽ പൊലീസ്​ വെടിവെപ്പിൽ കൊല്ലപ്പെട്ട മാവോവാദി നേതാവ് പാണ്ടിക് കാട്​ സ്വദേശി സി.പി. ജലീലി​​​െൻറ മൃതദേഹം കനത്ത സുരക്ഷയിൽ മു​​​ദ്രാവാക്യങ്ങളാൽ മുഖരിതമായ അന്തരീക്ഷത്തിൽ സംസ്​ കരിച്ചു. വെള്ളിയാഴ്​ച രാവിലെ കോഴിക്കോട്​ മെഡിക്കൽ കോളജ്​ ആശുപത്രിയിൽ പോസ്​റ്റ്​​​മോർട്ടം​ പൂർത്തിയാക് കി ഉച്ചക്ക്​ ഒന്നിന്​ ബന്ധുക്കൾക്ക്​ കൈമാറിയ മൃതദേഹം കനത്ത പൊലീസ് കാവലിൽ 2.40നാണ്​ പാണ്ടിക്കാ​​ട്​ സഹോദരി മീ രയുടെ വീട്ടിലെത്തിച്ചത്​. രണ്ടേകാൽ മണിക്കൂർ പൊതുദർശനത്തിന്​ വെച്ചശേഷം വൈകീട്ട്​ നാലോടെ വീട്ടുമുറ്റത്ത്​ സംസ്​കരിച്ചു.

കേരളത്തിനകത്തും പുറത്തുനിന്നുമുള്ള മനുഷ്യാവകാശ പ്രവർത്തകരും സുഹൃത്തുക്കളും ബന്ധുക്കളുമടക്കം അമ്പതോളം പേർ കോഴിക്കോട്​ മുതൽ മൃതദേഹത്തെ അനുഗമിച്ചിരുന്നു. ​പാണ്ടിക്കാട്​ വീട്ടിലെത്തുന്നത്​ വരെ കനത്ത സുരക്ഷയാണ്​ പൊലീസ്​ ഒരുക്കിയത്​. തിരക്കുള്ള റോഡുകളിൽ ഗതാഗതക്കുരുക്കൊഴിവാക്കിയാണ്​ മൃതദേഹം എത്തിച്ചത്​. സഹോദരൻമാരായ സി.പി. റഷീദും ജിൻഷാദും മൃതദേഹത്തെ അനുഗമിച്ചു. ഗ്രോ വാസുവി​​​െൻറയും എം.എൻ. രാവുണ്ണിയുടെയും നേതൃത്വത്തിൽ പാർട്ടി പതാക പുതപ്പിച്ചു. സംസ്​ഥാനത്തിനകത്തും പുറത്തുമുള്ള നിരവധിപേർ എത്തിയിരുന്നു. ഉമ്മ​ ഹലീമയും ബന്ധുക്കളും വെള്ളിയാഴ്​ച രാവിലെ മീരയുടെ വീട്ടിലെത്തി.

നാലര സ​​െൻറ്​ സ്​ഥല​െത്ത ചെറിയ വീട്ടിൽ പൊതുദർശനത്തിന്​ വെച്ചപ്പോൾ കാണാനെത്തിയവരെ നിയന്ത്രിക്കാൻ ബന്ധുക്കളും സുഹൃത്തുക്കളും പാടുപെട്ടു. ജലീലി​​​െൻറ ഉമ്മയും സഹോദരനും താമസിക്കുന്ന പാണ്ടിക്കാട്​ അങ്ങാടിയിലെ വാടകവീട്ടിൽ പൊതുദർശനത്തിന്​ വെക്കുമെന്നാണ്​ നേരത്തെ അറിയിച്ചിരുന്നതെങ്കിലും പിന്നീട്​ അത്​ മാറ്റി. പൊലീസ്​ ഭീഷണിയെ തുടർന്നാണ്​ വാടകവീട്ടിൽ പൊതുദർശനത്തിന്​ അനുമതി ലഭിക്കാത്തതെന്നും മൃതദേഹത്തോടുപോലും അവഗണന കാണിക്കുന്നതാണ്​ പൊലീസ്​ നടപടിയെന്നും​ ബന്ധുക്കൾ ആരോപിച്ചു.

സംസ്ഥാനത്തി​​​െൻറ വിവിധ ഭാഗങ്ങളിൽ നിന്നെത്തിയ നിരവധി പേർ ജലീലിന് ആദരാഞ്ജലി അര്‍പ്പിക്കാൻ കോഴിക്കോട്​ മെഡിക്കല്‍ കോളജ്​ ആശുപത്രിയിലുമെത്തിയിരുന്നു. മൃതദേഹം എത്താനായതോടെ പാണ്ടിക്കാട്​ ടൗണിലും വീട്ടിലേക്കുള്ള വഴിയിലും കനത്ത പൊലീസ്​ കാവലാണ്​ ഏർപ്പെടുത്തിയത്​. എന്നാൽ സംസ്​കാരം നടക്കുന്നയിടത്തേക്ക്​ പൊലീസ്​ എത്തിയില്ല. സംസ്​കാരത്തിന്​ ശേഷം പാണ്ടിക്കാട്​ ടൗണിൽ അനുശോചന യോഗം ചേർന്നു. കൊലപാതകത്തില്‍ മാവോവാദികളുടെ പ്രതിഷേധമുണ്ടാവുമെന്ന രഹസ്യാന്വേഷണ വിഭാഗത്തി​​​െൻറ മുന്നറിയിപ്പിനെ തുടർന്ന്​ ​കനത്ത സുരക്ഷയിലാണ്​ വയനാട്​, മലപ്പുറം, കണ്ണൂർ, പാലക്കാട്​ ജില്ലകൾ.