വൈറ്റില േമൽപാലം: നിർദേശങ്ങൾ സർക്കാറിന് സമർപ്പിക്കണമെന്ന്​ ഹൈകോടതി

കൊച്ചി: വൈറ്റില ​േമൽപാലം നിർമാണവുമായി ബന്ധപ്പെട്ട നിർദേശങ്ങളും ആക്ഷേപങ്ങളും സർക്കാറിനെ അറിയിക്കാമെന്ന്​ വ്യക്തമാക്കി ഇതുസംബന്ധിച്ച ഹരജി ഹൈകോടതി തീർപ്പാക്കി.

അന്തിമ അംഗീകാരം ലഭിച്ച രൂപരേഖയിൽ മാറ്റം വരുത്താനാവില്ലെന്നും പൊതുമരാമത്ത്​ പ്രിൻസിപ്പൽ സെ​ക്രട്ടറിയുടെ നേതൃത്വത്തിൽ രൂപം നൽകിയിട്ടുള്ള അഞ്ചംഗ വിദഗ്​ധ സമിതിക്ക്​ മുമ്പാകെ നിർദേശങ്ങളും ആശങ്കകളും അറിയിക്കാമെന്നുമുള്ള സർക്കാറി​​െൻറ വിശദീകരണം കണക്കിലെടുത്താണ്​ കോടതി ഹരജി തീർപ്പാക്കിയത്​. ഗതാഗതക്കുരുക്ക്​ കുറക്കാൻ കഴിയുന്ന വിധം നിലവിലെ രൂപരേഖ മാറ്റി ​േമൽപാലം നിർമാണത്തിന്​ ഉത്തരവിടണമെന്നാവശ്യപ്പെട്ട്​ ​നെട്ടൂർ സ്വദേശി ഷമീർ അബ്​ദുല്ല സമർപ്പിച്ച ഹരജിയാണ്​ കോടതി പരിഗണിച്ചത്​.

വൈറ്റിലയിൽ സർക്കാർ നിർമിക്കുന്ന ​േമൽപാലം  ഗതാഗത പ്രശ്നം ശാശ്വതമായി പരിഹരിക്കില്ലെന്നും മൂന്ന്​ തട്ടുകളായുള്ള ​േമൽപാലം നിർമിക്കണമെന്നുമായിരുന്നു ഹരജിക്കാര​​െൻറ ആവശ്യം. സർക്കാർ രൂപവത്​കരിച്ച സമിതി മുമ്പാകെ ലഭിക്കുന്ന  നിർദേശങ്ങൾ അടുത്ത ഘട്ട വികസനത്തിൽ പരിഗണിക്കാനാവുമെന്ന പൊതുമരാമത്ത് വകുപ്പി​​െൻറ നിലപാട്​ സർക്കാർ കോടതിയെ അറിയിച്ചിരുന്നു. ഇതും കോടതി ചൂണ്ടിക്കാട്ടിയിട്ടുണ്ട്​.