Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightഅധിക്ഷേപ സ്വരം​...

അധിക്ഷേപ സ്വരം​ നല്ലതല്ല; ബലറാമിനെ തള്ളി വീണ്ടും കെ.പി.സി.സി

text_fields
bookmark_border
അധിക്ഷേപ സ്വരം​ നല്ലതല്ല; ബലറാമിനെ തള്ളി വീണ്ടും കെ.പി.സി.സി
cancel

തിരുവനന്തപുരം: സമൂഹമാധ്യമങ്ങളിലെ പോസ്​റ്റുകളുടെ പേരിൽ വിവാദത്തിൽപെട്ട കോൺഗ്രസ്​ എം.എൽ.എ വി.ടി. ബലറാമിനെ തള്ളിപ്പറഞ്ഞ്​ വീണ്ടും കെ.പി.സി.സി ​പ്രസിഡൻറ്​ മുല്ലപ്പള്ളി രാമചന്ദ്രൻ. അധിക്ഷേപ സ്വരത്തിൽ പൊതുപ്രവർത്തകർ സംസാരിക്കുന്നത്​ നല്ല ലക്ഷണമായി കാണുന്നില്ലെന്ന്​ സ്വകാര്യ ചാനലിന്​ നൽകിയ അഭിമുഖത്തിൽ മുല്ലപ്പള്ളി പറഞ്ഞു.

മുല്ലപ്പള്ളി കെ.പി.സി.സി പ്രസിഡൻറായശേഷം രണ്ടാം തവണയാണ്​ ബലറാമിനെ തിരുത്തുന്നത്​. നേരത്തേ ശബരിമല വിഷയവുമായി ബന്ധപ്പെട്ട്​ ബലറാമിനെ തള്ളിപ്പറഞ്ഞിരുന്നു. എ.കെ.ജിക്കെതിരായ വിവാദപ്രസ്താവനയില്‍ അന്നത്തെ കെ.പി.സി.സി പ്രസിഡൻറ്​ എം.എം. ഹസൻ, മുന്‍ മുഖ്യമന്ത്രി ഉമ്മന്‍ ചാണ്ടി, തിരുവഞ്ചൂര്‍ രാധാകൃഷ്ണൻ, കെ. മുരളീധരന്‍ തുടങ്ങിയവർ ബലറാമിനെ വിമർശിച്ചു.

ഇപ്പോൾ എഴുത്തുകാരി കെ.ആർ. മീരക്കെതിരായ പരമാർശമാണ്​ മുല്ലപ്പള്ളിയെ പ്രകോപിപ്പിച്ചത്​. കുറച്ചുകൂടി നിയന്ത്രണം വേണമെന്ന്​ നേരിട്ട്​ ബലറാമിനോട്​ പറഞ്ഞിരുന്നു. ടാലൻറും ബ്രില്യൻറുമാണ്​ ബലറാം. എന്നാൽ, അതുമാത്രം പോരല്ലോ? മുല്ലപ്പള്ളി ചോദിക്കുന്നു. സമൂഹ മാധ്യമ പ്ലാറ്റ്​ഫോം വല്ലാതെ ദുർവിനിയോഗം ചെയ്യുന്നു.

കോൺഗ്രസ്​ പ്രവർത്തകർ ഉൾപ്പെടുന്ന ഗ്ര​ൂപ്പുകളിൽപോലും ആരോഗ്യകരമായ സംവാദങ്ങൾ നടക്കുന്നില്ലെന്നും അദ്ദേഹം പറഞ്ഞു. അതേസമയം മുല്ലപ്പള്ളിയുടെ പരാമർശങ്ങൾ പുറത്തുവന്നതോടെ അദ്ദേഹത്തെ അധിക്ഷേപിച്ചും ബലറാമിന്​ പിന്തുണ പ്രഖ്യാപിച്ചും നിരവധി പോസ്​റ്റുകൾ പ്രത്യക്ഷപ്പെടുന്നുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kpcckr meerakerala newsvt balrammalayalam news
News Summary - vt balram kpcc- kerala news
Next Story